வடக்கு கிழக்கு ஒன்றிணைந்த ஆட்சி வேண்டாம்! நல்லாட்சி போதும்: ஹக்கீம்

விவாதத்துக்கு விடுக்கப்பட்ட அழைப்பை மைத்திரி ஏற்றார்! மஹிந்த பதில் இல்லை!- சட்டத்தரணிகள் சங்கம்

[ வியாழக்கிழமை, 01 சனவரி 2015, 11:03.11 AM GMT ]

சிறந்த நிர்வாகம்,  ஊழல் ஒழிப்பு மற்றும் ஜனநாயகம் குறித்த விவாதம் ஒன்றுக்கு தம்மால் விடுக்கப்பட்ட அழைப்பை பொது வேட்பாளர் மைத்திரிபால சிறிசேன ஏற்றுக்கொண்டுள்ளார் என்று இலங்கை சட்டத்தரணிகள் சங்கம் அறிவித்துள்;ளது.

எனினும் ஜனாதிபதி மஹிந்த ராஜபக்ச அதற்கு உரிய பதி;ல் எதனையும் இன்னும் வழங்கவில்லை.

இந்த விவாதத்துக்கான அழைப்பு கடந்த 22ம் திகதியன்று அனுப்பப்பட்டது.

இதன்படி விவாதம் ஜனவரி 5ம் திகதி ஏற்பாடு செய்யப்பட்டுள்ளது .அத்துடன் திகதியை பொறுத்தவரை ஜனவரி 3 அல்லது 5 என்பதை தீர்மானிக்குமாறு இங்கை சட்டத்தரணிகள் சங்கம் ஜனாதிபதிக்கான அழைப்பில் குறிப்பிட்டிருந்தது.

எனினும் இதுவரை ஜனாதிபதியிடம் இருந்து பதில் எதுவும் கிடைக்கவில்லை என்று சங்கம் குறிப்பிட்டுள்ளது.

இதேவேளை இருவரும் ஒரே இடத்தி;ல் விவாதத்தில் ஈடுபடமுடியாது போனால் ஸ்கைப் அல்லது செய்மதி இணைப்புக்களின் மூலம் விவாததத்தில் பங்கேற்க முடியும் என்றும் சங்கம் ஆலோசனை தெரிவித்திருந்தது.

http://www.tamilwin.com/show-RUmtyBTVKbmp0.html

வடக்கு கிழக்கு ஒன்றிணைந்த ஆட்சி வேண்டாம்! நல்லாட்சி போதும்: ஹக்கீம்

[ வியாழக்கிழமை, 01 சனவரி 2015, 10:57.27 AM GMT ]

வடக்கு - கிழக்கு ஒன்றிணைந்த ஆட்சி என்ற கோரிக்கையை முன்வைக்க தமது கட்சிக்கு எந்தவொரு தேவையும் இல்லை எனவும், தமக்குத் தேவை நல்லாட்சியே என ஶ்ரீ லங்கா முஸ்லிம் காங்கிரஸின் தலைவர் ரவூப் ஹக்கீம் தெரிவித்துள்ளார்.

அரசாங்கத்திடம் இருந்து குற்றச்சாட்டுக்கள் முன்வைக்கப்படுவது தமது கட்சியும், தமிழ்த் தேசியக் கூட்டமைப்பும் மைத்திரிபால சிறிசேனவுக்கு ஆதரவளிக்கப் போவதாக தீர்மானித்தமையினாலேயே எனவும் இன்று இடம்பெற்ற ஊடகவியலாளர் சந்திப்பில் அவர் குறிப்பிட்டுள்ளார்.

அரசாங்கத்தில் இருந்து விலகியதன் பின்னர், பல்வேறு பொய்யான குற்றச்சாட்டுக்கள் தம் மீது சுமத்தப்படுவதாகவும் ரவூப் ஹக்கீம் இதன்போது மேலும் சுட்டிக்காட்டியுள்ளார்.

இவ்வாறான குற்றச்சாட்டுக்கள் கவலையளிப்பதாகவும் அவர் கூறியுள்ளார்.

http://www.tamilwin.com/show-RUmtyBTVKbmpz.html