யாழ்.குடாநாட்டுக்குள் ஊடுருவிய கள்ளநோட்டுக் கும்பல்! பொலிஸார் தேடுதல் வேட்டை

யாழ்.ஆரியகுளத்திற்குள் வீழ்ந்த தென்பகுதிச் சிறுவன் உயிருடன் மீட்பு- பாழடைந்த கிணற்றிலிருந்து சிசுவின் சடலம் மீட்பு

[ திங்கட்கிழமை, 22 யூலை 2013, 10:07.28 AM GMT ]

யாழ்ப்பாணம் ஆரியகுளத்துக்குள் வீழ்ந்த மூன்று வயதுடைய தென்பகுதிச் சிறுவனை பொலிசாரும் இராணுவத்தினரும் இணைந்து தேடுதல் வேட்டையின் பின் உயிருடன் மீட்கப்பட்டுள்ளார்.

இன்று காலையில் இச்சம்பவம் இடம்பெற்றுள்ளது. குறித்த சிறுவன் மயக்கமுற்ற நிலையில் உயிருடன் மீட்கப்பட்டுள்ளான்.

காப்பற்றப்பட்ட சிறுவன் உடனடியாக யாழ்.போதனா வைத்தியசாலைக்கு கொண்டு செல்லப்பட்டுள்ளார்.

பூரண பௌர்ணமி தினமான இன்று யாழ். நாகவிகாரையில் வழிபாடுகளை மேற்கொள்வதற்காக தென்பகுதியிலிருந்து வந்த சுற்றுலாப் பயணி ஒருவரின் பிள்ளையே தவறி வீழ்ந்துள்ளதாக தெரிவிக்கப்படுகிறது.

பாழடைந்த கிணற்றிலிருந்து சிசுவின் சடலம் மீட்பு

வட்டுக் கோட்டைப் பிரதேசத்தில் பாழடைந்த கிணறொன்றிலிருந்து பச்சிளம் சிசுவொன்றின் சடலத்தை பொலிஸார் மீட்டுள்ளனர்.

வெற்றுக் காணியில் விளையாடிக் கொண்டிருந்த சிறுவர்கள் கிணற்றை எட்டிப் பார்த்த போது, சிசுவின் சடலத்தை அவதானித்துள்ளனர். பொம்மை என எண்ணி சடலத்தின் மீது கல்லால் எறிந்துள்னர்.

சிசுவின் சடலத்திலிருந்து குடல் வெளியில் வருவதைக் கண்டதும் இது குறித்து தங்களது பெற்றோர்களிடம் தெரிவித்துள்னர். இதனையடுத்து, இச்சம்பவம் தொடர்பாக வட்டுக் கோட்டைப் பொலிசாருக்கு அறிவிக்கப்பட்டுள்ளது.

குறித்த இடத்திற்கு வருகை தந்த மல்லாம் நீதிமன்ற நீதிபதி சடலத்தைப் பார்வையிட்டதுடன், பிரேத பரிசோதனைக்காக யாழ்.போதனா வைத்தியசாலைக்கு எடுத்துக் செல்லுமாறு உத்தரவிட்டார்.

இச்சடலமானது பிறந்து ஓரிரு நாளான சிசுவின் சடலம் எனவும் இது குறித்து மேலதிக விசாணைகளை மேற்கொண்டு வருவதாகவும் வட்டுக்கோட்டைப் பொலிஸார் தெரிவித்துள்ளனர்.

யாழ்.குடாநாட்டுக்குள் ஊடுருவிய கள்ளநோட்டுக் கும்பல்! பொலிஸார் தேடுதல் வேட்டை

[ திங்கட்கிழமை, 22 யூலை 2013, 10:43.36 AM GMT ]

யாழ்.குடாநாட்டில் தென்பகுதியைச் சேர்ந்த குழு ஒன்றினால் 5000 ரூபா கள்ள நோட்டுக்கள் அதிகளவில் புழக்கத்தில் விடப்பட்டுள்ளதாக யாழ்.பொலிஸார் தெரிவித்துள்ளனர்.

பொதுமக்கள் இந்த விடயத்தில் மிகவும் அவதானமான இருக்குமாறு யாழ்.பொலிஸார் பொதுமக்களைக் கேட்டுள்ளனர்.

தென்பகுதி ஒன்றிலிருந்து 5000 ரூபா கள்ள நோட்டுக்கள் ஒரு கஜஸ் வாகனத்தில் கொண்டு வரப்பட்டுள்ளதாகவும் குறித்த வாகனம் இளவாலைப் பகுதியில் தரித்து நின்றதாக இளவாலைப் பொலிஸார் குறிப்பிட்டுள்ளதாக யாழ்.பொலிஸ் குற்றத்தடுப்பு அதிகாரி விக்கிரமாராட்சி குறிப்பிட்டுள்ளார்.

வங்கிகள் மற்றும் வர்த்தக நிலையங்களில் பெருட்கள் கொள்வனவு செய்யும் போது 5000 ரூபா நோட்டுக்கள் தொடர்பில் விழிப்பாய் இருக்குமாறு யாழ்.மக்களை பொலிஸார் கேட்டுள்ளனர்.

இந்த கள்ள நோட்டுக் கும்பலைத் தேடி வலை விரிக்கப்பட்டுள்ளதாகவும் விரைவில் இவர்களை கைது செய்வதற்குரிய நடவடிக்கைகள் எடுக்கப்பட்டுள்ளதாக யாழ்.பொலிஸ் குற்றத்தடுப்பு அதிகாரி விக்கிரமாராட்சி தெரிவித்துள்ளார்.