கறுப்பு யூலையினை நினைவேந்தி தபால் அட்டை பிரசாரம்! அனைத்துலக அரச, அரசியல் மையங்களை நோக்கி அனுப்புவோம்: நா.க.த.அரசாங்கம்
[ வியாழக்கிழமை, 25 யூலை 2013, 11:41.46 AM GMT ]
இலங்கைத் தீவில் ஈழத் தமிழர்கள் மீதான சிங்கள இனவாத அரசினது திட்டமிட்ட இனவழிப்பின் ஒர் அங்கமாக அமைந்த கறுப்பு யூலையின் முப்பதாம் ஆண்டு நினைவேந்தல் நாட்களை புலம்பெயர் ஈழத்தமிழர்கள் நினைவேந்தி வரும் நிலையில் கறுப்பு யூலையினை மையப்படுத்தி தபால் அட்டை பிரசாரமொன்றினை நாடுகடந்த தமிழீழ அரசாங்கம் முடுக்கிவிட்டுள்ளது.
அனைத்துலக அரச மற்றும அரசியல் மையங்களை நோக்கி இத்தாபல் அட்டையினை அனுப்பி வைக்குமாறு அனைத்து தமிழ் உறவுகளையும் நாடுகடந்த தமிழீழ அரசாங்கத்தின் அரசியல் விவகாரங்களுக்கான அமைச்சகம் கோரியுள்ளது.
1958ம் ஆண்டு முதல் 1983ம் ஆண்டு கறுப்பு யூலை உள்ளடங்கலாக தமிழர்கள் மீதான சிங்கள பௌத்த அரசுகளின் திட்டமிட்ட வகையிலான படுகொலைகளைகளின் உச்சமாக 2009ம் ஆண்டு முள்ளிவாய்க்கால் இனப்படுகொலை அமைந்துள்ளதென நா.தமிழீழ அரசாங்கத்தின் அரசியல் விவகாரங்களுக்கான அமைச்சர் தணிகாசலம் தாயாபரன் அவர்கள் தெரிவித்துள்ளார்.
வெளியிடப்பட்டுள்ள தபால் அட்டையில் கறுப்பு யூலையினை மையப்படுத்தி அன்றைய சிறிலங்காவின் அரசுத் தலைவராக இருந்த ஜே.ஆர்.ஜெயவர்தன அவர்கள் பிரித்தானியாவின் டெய்லி ரெலிகிறாப் ஊடகத்துக்கு கூறிய சிங்கள பௌத்த பேரினவாக கருத்தும் மற்றும் தமிழர் சுயநிர்ண உரிமைக்கு உரித்துடையவர்கள் என்பதனை கறுப்பு யூலையினை மையப்படுத்தி கனடாவின் உயர் நீதிமன்றம் 1998ம் ஆண்டு வழங்கிய கருத்தினையும் பதிவிட்டதாக இத்தபால் அட்டையின் பின்புறம் அமைந்துள்ளது.
இத்தகைய பெரும் கொடுமைகள் உதிரிச் சம்பவங்கள் அல்ல. சிங்களத்தின் மகாவம்ச மனோபாவத்தில் ஊறிப்போன தமிழினப் படுகொலை சிந்தனையின் வெளிப்பாடாய் நிகழ்த்தப்படுகின்ற இனஅழிப்பின் வடிவங்களே.
கறுப்புயூலையின் பிதாமகன் ஜே. ஆரும் முள்ளிவாய்க்காலின் பிதாமகன் மகிந்தரும் இயங்கியது, இயங்குவது ஒரு சூத்திரத்தின் அடிப்படையில்தான். தமிழின அழிப்பு என்பதே இச்சூத்திரம் எனவும் நா.தமிழீழ அரசாங்கத்தின் பிரதமர் வி.உருத்திரகுமாரன் அவர்கள் வெளியிட்ட கறுப்பு யூலை நினைவேந்தல் செய்தியில் தெரிவித்திருந்தார்.
இந்தியா - இலங்கையின் உள்விவகாரங்களில் அழுத்தங்களை கொடுத்து வருகிறது: தொம்பகொட சாரானந்த தேரர்
[ வியாழக்கிழமை, 25 யூலை 2013, 11:58.53 AM GMT ]
கொழும்பு பௌத்தாலோக்க மாவத்தையில் உள்ள அகில இலங்கை பௌத்த மகா சம்மேளனத்தின் மண்டபத்தில் நேற்று நடைபெற்ற செய்தியாளர் மாநாட்டில் அவர் இதனை கூறினார்.
அவர் மேலும் தெரிவிக்கையில்,
கொழும்பில் உள்ள இந்திய உயர்ஸ்தானிகராலயம் தற்போது, தமிழ் தேசியக் கூட்டமைப்பின் அலுவலகமாக மாறியுள்ளது.
13வது அரசியலமைப்புத் திருத்தச் சட்டத்தின் கீழ் நடைபெறவுள்ள வடக்கு மாகாண சபைத் தேர்தலில் போட்டியிடும் முதலமைச்சர் வேட்பாளராக முன்னாள் நீதியரசர் விக்னேஸ்வரன் நியமிக்கப்பட்டுள்ளார்.
அவர் 13வது திருத்தச் சட்டத்திற்கும் அப்பால் சென்ற அதிகாரத்தை கோருகிறார். இந்த சட்டத்தினால் நாட்டின் இறையாண்மைக்கு பாதிப்பு ஏற்படும் என்று உயர்நீதிமன்றம் தெரிவித்துள்ள நிலையில் அவர் இதனை கூறியுள்ளார்.
இவர்கள் ஆளுநர் பதவிக்கு பொருத்தமானவர்களை பெயரிட்டு கொண்டு, ஈழ அரசாங்கத்தை கட்டியெழுப்பும் பணிகளை மேற்கொண்டு வருகின்றனர்.
முதலமைச்சரின் அதிகாரத்தை அதிகரித்து கொண்டு, இவர்கள் இலங்கை அரசாங்கத்திற்கு அழுத்தங்களை கொடுக்க நிலைமையை ஏற்படுத்த பார்க்கின்றனர்.
13வது திருத்தச் சட்டத்தில் திருத்தங்களை மேற்கொள்ளாது, இவர்கள் மாகாண சபையை ஏற்படுத்தும் ஆபத்தை அரசாங்கம் உணரவேண்டும்.
இலங்கையை இலக்காக கொண்டு சர்வதேச ரீதியில் பெரும் அழுத்தங்கள் கொடுக்கப்படுகின்றன. இந்தியா, இலங்கையை தனது மற்றுமொரு காலனியாகவும் மாநிலமாகவும் பார்க்கின்றது.
தமிழ் தேசியக் கூட்டமைப்பு இந்திய உயர்ஸ்தானிகராலயத்தில் இருந்தே தற்போது தமது தேர்தல் பிரசாரங்களை முன்னெடுத்து வருகிறது. இந்தியாவின் தேவைக்கு ஏற்பவே முதலமைச்சர் வேட்பாளர் தெரிவு செய்யப்பட்டுள்ளார்.
இந்தியா தனது நாட்டில் இருக்கும் பிரச்சினைகளை தீர்க்க முடியாத காரணத்தினாலா இலங்கையின் பிரச்சினைகளில் இப்படி தலையிடுகிறது?.
இந்தியாவில் எத்தனை பேருக்கு இருக்க வீடுகள் இல்லை?. அங்கு ஆயிரக்கணக்கான குடும்பங்கள் துயரத்தில் வாடும் போது, வடக்கில் உள்ள மக்களுக்கு வீடுகளை நிர்மாணித்து கொடுக்க இந்தியாவுக்கு இருக்கும் தேவை என்ன?.
இலங்கையின் உள்விவகாரங்களில் தலையிடும் தேவையே இந்தியாவுக்கு உள்ளது என்றார்.
Geen opmerkingen:
Een reactie posten