தமிழ் தேசியக் கூட்டமைப்பு மகிந்த ராஜபக்சவிற்கு ஆதரவளிக்க வேண்டும்!- பசில் ராஜபக்ச அழைப்பு

நீடிக்கும் பொது வேட்பாளர் பற்றிய குழப்பம் - பொது வேட்பாளருக்கு முழு ஆதரவு: அர்ஜூன ரணதுங்க

[ திங்கட்கிழமை, 10 நவம்பர் 2014, 06:21.06 AM GMT ]

சந்திரிக்கா பண்டாரநாயக்க, கரு ஜயசூரிய ஆகியோரில் ஒருவர் பொது வேட்பாளராக போட்டியிடலாம் என்று தகவல்கள் வெளியாகி இருந்த நிலையில், அரசாங்கத்தில் முக்கிய அமைச்சு பதவியை வகிக்கும் ஒருவரை பொது வேட்பாளராக நிறுத்துவது குறித்து சில எதிர்க்கட்சிகள் பேச்சுவார்த்தைகளை நடத்தி வருவதாக தெரியவருகிறது.

ஐக்கிய மக்கள் சுதந்திர முன்னணி அரசாங்கத்தில் முக்கிய அமைச்சு பதவியை வகித்து வரும் அவர் ஸ்ரீலங்கா சுதந்திரக் கட்சியின் சிரேஷ்ட உறுப்பினர் எனவும் இவர் அரசாங்கத்தின் மீது கடும் அதிருப்தியில் இருந்து வருவதாகவும் பேசப்படுகிறது.

முன்னாள் ஜனாதிபதி சந்திரிக்கா பண்டாரநாயக்க குமாரதுங்கவின் ஆதரவாளர்கள் பலர் இந்த அமைச்சரை பொது வேட்பாளராக நிறுத்துவது தொடர்பில் தமது இணக்கத்தை வெளியிட்டுள்ளனர்.

ஐக்கிய தேசியக் கட்சியின் தலைவர் ரணில் விக்ரமசிங்க ஜனாதிபதித் தேர்தலில் போட்டியிடாது இந்த அமைச்சர் பொது வேட்பாளராக நிறுத்தப்பட்டால் பல எதிர்க்கட்சிகள் அவருக்கு ஆதரவு வழங்க விருப்பம் வெளியிட்டுள்ளன.

அத்துடன் ஸ்ரீலங்கா சுதந்திரக்கட்சியினரின் பெரும்பான்மையானவர்கள் குறித்த அமைச்சருக்கு ஆதரவு வழங்குவது பற்றி பேச்சுவார்த்தைகளில் ஈடுபட்டுள்ளதாக நம்பிக்கையான தரப்பு தகவல்கள் தெரிவிக்கின்றன.

எவ்வாறாயினும் இது சம்பந்தமாக இதுவரை இறுதி முடிவுகள் எடுக்கப்படவில்லை என்பதுடன் தொடர்ந்தும் பேச்சுவார்த்தைகள் நடத்தப்பட்டு வருவதாக தெரியவருகிறது.

பொது வேட்பாளருக்கு முழு ஆதரவு: அர்ஜூன ரணதுங்க

மாதுளுவாவே சோபித தேரர் முன்னெடுத்து வரும் வேலைத்திட்டத்திற்கு தனது முழு ஆதரவு வழங்கப்படும் என நாடாளுமன்ற உறுப்பினர் அர்ஜூன ரணதுங்க தெரிவித்துள்ளார்.

ஜனாதிபதித் தேர்தலில் எதிர்க்கட்சிகள் நிறுத்தும் பொது வேட்பாளரை வெற்றி பெற செய்ய தேவையான ஆதரவு வழங்கப்படும்.

தோல்வி ஏற்றுக்கொண்டுள்ள அரசாங்கத்தின் ஊழல் அமைச்சர்களே இந்த பொது வேலைத்திட்டத்திற்கு எதிராக கூச்சலிடுவதாகவும் இது எதிர்க்கட்சிகள் பெற்ற மிகப் பெரிய வெற்றி எனவும் அர்ஜூன ரணதுங்க குறிப்பிட்டுள்ளார்.

கோட்டே சோலிஸ் ஹொட்டலில் இன்று காலை நடைபெற்ற செய்தியாளர் சந்திப்பில் அவர் இதனை கூறியுள்ளார்.

http://www.tamilwin.com/show-RUmszBSUKXet4.html

தமிழ் தேசியக் கூட்டமைப்பு மகிந்த ராஜபக்சவிற்கு ஆதரவளிக்க வேண்டும்!- பசில் ராஜபக்ச அழைப்பு

[ திங்கட்கிழமை, 10 நவம்பர் 2014, 06:52.09 AM GMT ]

வரும் ஜனா­தி­பதி தேர்­தலில் தமிழ் தேசிய கூட்­ட­மைப்பு ஜனா­தி­பதி மஹிந்த ராஜபக்சவிற்கு ஆத­ரவளிக்க வேண்டும். இவ்­வாறு ஆத­ரவளிப்பதன் மூலம் கூட்­ட­மைப்பு அனை­வரும் ஏற்­றுக்­கொள்ளக் கூடிய அர­சியல் தீர்வை பெற்­றுக்­கொள்ள முடியும் என்று பொரு­ளா­தார அபி­வி­ருத்தி அமைச்­சர் பசில் ராஜபக்ச தெரி­வித்தார். 

அந்த வகையில் தனது நேர்­மையை வெளிக்­காட்­டு­வ­தற்­காக தமிழ் தேசியக் கூட்­ட­மைப்பு இந்த சந்­தர்ப்­பத்தை பயன்­ப­டுத்திக் கொள்ள வேண்டும் என்றும் அவர்  தெரி­வித்தார்.

தமிழ் தேசிய கூட்­ட­மைப்பு இது­வரை எந்த வழி­யிலும் ஜனா­தி­பதி மஹிந்த ராஜபக்சவிற்கு எந்­த­வொரு உத­வி­யையும் செய்­ய­வில்லை. அர­சியல் ரீதி­யா­கவோ, இரா­ஜ­தந்­திர ரீதி­யா­கவோ கூட்­ட­மைப்பு ஜனா­தி­ப­திக்கு இது­வரை உத­வி­ய­தில்லை.

எனவே எதிர்­வரும் ஜனா­தி­பதித் தேர்­தலை ஒரு சந்­தர்ப்­ப­மாக பயன்­ப­டுத்தி கூட்­ட­மைப்பு ஜனா­தி­ப­திக்கு ஆத­ரவு வழங்­கு­மென்று நம்­பு­கின்றோம் என அவர் குறிப்­பிட்டார்.

எதிர்­வரும் 2015ம் ஆண்டு ஜன­வரி மாதம் முதல் வாரத்தில் நடை­பெ­ற­வுள்­ள­தாக பர­வ­லாக எதிர்­பார்க்­கப்­படும் ஜனா­தி­பதித் தேர்தல் தொடர்பில் விப­ரிக்­கை­யி­லேயே அமைச்சர் பசில் ராஜபக்ச இவ்­வாறு குறிப்­பிட்டார்.

அவர் இந்த விடயம் குறித்து மேலும் குறிப்­பி­டு­கையில்

எதிர்­வரும் ஜனா­தி­பதி தேர்­தலில் ஜனா­தி­பதி மஹிந்த ராஜபக்சவிற்கு ஆத­ரவை வழங்­கு­வதன் மூலம் தமது நேர்­மையை வெளிக்­காட்­டு­வ­தற்கு தமிழ் தேசிய கூட்­ட­மைப்­பிற்கு சிறந்த சந்­தர்ப்பம் ஒன்று கிடைத்­துள்­ளது. அதன்­படி தமிழ் தேசிய கூட்­ட­மைப்பு ஜனா­தி­ப­திக்கு சாத­க­மான ஒரு சிறந்த தீர்­மா­னத்தை எடுக்­கு­மென்று நாங்கள் எதிர்­பார்க்­கின்றோம்.

கடந்த காலம் முழு­வதும் த.தே. கூட்­ட­மைப்பு தவ­றான தீர்­மா­னங்­க­ளையே எடுத்­தது. ஒரே ஒரு சந்­தர்ப்­பத்தில் மட்­டுமே முன்னாள் ஜனா­தி­பதி சந்­தி­ரிகா பண்­டா­ர­நா­யக்க குமா­ர­துங்­க­விற்கு கூட்­ட­மைப்­பினர் ஆத­ரவு தெரி­வித்­தனர். அந்த சந்­தர்ப்­பத்தில் சந்­தி­ரிக்கா பண்­டா­ர­நா­யக்க வர­லாற்று ரீதி­யான வெற்­றியை பெற்­றுக்­கொண்டார்.

http://www.tamilwin.com/show-RUmszBSUKXet5.html