வடக்கில் இளைஞர்கள் அமைதியை அழிக்க புதிய திட்டம்!

இலங்கையில் இந்திய இராணுவ தளபதி!

November 17, 20147:45 am

இலங்கையில் நடைபெறும் சார்க், ஆசியான் நாடுகளின் இராணுவ தளபதிகள் மாநாட்டில் இந்திய இராணுவ தளபதி சுஹாக் பங்கேற்க உள்ளார். இந்த மாநாடு கொழும்பில் எதிர்வரும் 27ஆம் திகதி முதல் 29ஆம் திகதி வரை வரை சார்க், ஆசியான் நாடுகளின் கூட்டமைப்பான SASEAN இராணுவ தளபதிகள் பங்கேற்கும் மாநாடு நடைபெறவிருக்கின்றது.

இந்த மாநாட்டில் இந்தியா, பாகிஸ்தான், மாலத்தீவு, புருணே உள்ளிட்ட 18 நாடுகளின் இராணுவ தளபதிகள் ஒப்புதல் தெரிவித்துள்ளதாக இலங்கை தெரிவித்துள்ளது. இந்தியாவின் சார்பில் இராணுவ தளபதி சுஹாக் பங்கேற்கக் கூடும் எனத் தெரிகிறது.

http://www.jvpnews.com/srilanka/87012.html

மன்னார் வெள்ளாங்குளம் துப்பாக்கிப் பிரயோக சந்தேகநபர்கள் நால்வர் கைதாம்!

November 17, 20147:49 am

மன்னார் வெள்ளாங்குளம் கணேசபுரம் பகுதியில் துப்பாக்கி பிரயோகம் மேற்கொண்டு ஒருவர் கொல்லப்பட்டமை தொடர்பில் நான்கு சந்தேகநபர்கள் கைது செய்யப்பட்டுள்ளனர். விடுதலைப் புலிகள் அமைப்பின் முன்னாள் உறுப்பினரான கிருஷ்ணசாமி நகுலேஸ்வரன் என்பவரரே கடந்த 12 ஆம் திகதி இடம்பெற்ற துப்பாக்கி பிரயோகத்தில் உயிரிழந்துள்ளார்.

இதனை அடுத்து இலுப்பைகடவை பொலிஸார் மேற்கொண்ட விசாரணைகளினூடாக சந்தேகநபர்கள் கைது செய்யப்பட்டுள்ளதாக பொலிஸ் ஊடகப் பேச்சாளர் அலுவலகம் தெரிவிக்கின்றது. மன்னார் வெள்ளாங்குளம் கணேசபுரம் பகுதியை சேர்ந்தவர்களே கைது செய்யப்பட்டுள்ளதாகவும் பொலிஸார் குறிப்பிட்டனர்.

கைது செய்யப்பட்ட 4 சந்தேகநபர்களும் மேலதிக விசாரணைகளுக்காக பயங்கரவாத தடுப்பு பிரிவினரிடம் ஒப்படைக்கப்பட்டுள்ளனர். சம்பவத்தில் உயிரழந்தவர் புணர்வாழ்வழிக்கப்பட்டு விடுதலை செய்யப்பட்டிருந்தவர் என்பது குறிப்பிடத்தக்கது.

http://www.jvpnews.com/srilanka/87015.html

வடக்கில் இளைஞர்கள் அமைதியை அழிக்க புதிய திட்டம்

November 17, 20147:52 am

வடக்கில் இளைஞர்களின் மத்தியில் பீதியை ஏற்படுத்துவதற்கு வடமாகாணத்தில் உள்ள புலனாய்வு பிரிவினருக்கு விசேட அறிவுறுத்தல் வழங்கப்பட்டுள்ளது. மாவீரர் தினம் தொடர்பான நிகழ்வுகள் எதனையும் நடத்தவிடாமல் தடுப்பதற்காக இந்த நடவடிக்கை எடுக்கப்படுகிறது.

இது தொடர்பில் பாலாலி படைத்தளத்தில் வடமாகாணத்தில் உள்ள அனைத்து புலனாய்வு பிரிவினருக்கும் விசேட செயலமர்வு ஒன்று நடத்தப்பட்டுள்ளதாக தெரிவிக்கப்படுகிறது. யாழ்ப்பாண இராணுவ கட்டளைத் தளபதி உதய பெரேரா இந்த செயலமர்வை நடத்தியுள்ளார்.

http://www.jvpnews.com/srilanka/87017.html