ஐ.நா விசாரணைக்குழு இந்த வாரம் அறிவிப்பு! ஆய்வு நடைபெறுகிறது- இந்திய அரசின் நிலைப்பாடு என்ன?

அமைச்சர் ரிசாத்தின் கையாட்களின் பொய்ப் பரப்புரையை பாரதிபுரம் மக்கள் முறியடிப்பு

[ ஞாயிற்றுக்கிழமை, 01 யூன் 2014, 02:22.52 AM GMT ]

வவுனியா பாரதிபுரம் மக்களை உடனடியாக வெளியேற வேண்டும் என்று இராணுவத்தினரின் துணையுடன் அமைச்சர் ரிசாத் பதியுதீன் மேற்கொண்ட மிரட்டல் சம்பவங்களை மூடி மறைப்பதற்காக அமைச்சரின் கையாட்கள் மேற்கொண்ட முயற்சிகளை முறியடித்து அந்தக் கிராமக்கள் நடந்த சம்பவங்களை அம்பலப்படுத்தியிருக்கின்றனர்.

கடந்த சில நாட்களுக்கு முன்னர் அமைச்சர் ரிசாத், பாகிஸ்தான் நாட்டவர்களுடன் பாரதிபுரம் கிராமத்துக்குச் சென்றதுடன் அங்குள்ள மக்களை வெளியேறுமாறு மிரட்டிச் சென்றிருந்தார்.

இந்தச் சம்பவத்தினை அடுத்து அங்கு சென்ற கூட்டமைப்பு நாடாளுமன்ற உறுப்பினர் சிவசக்தி ஆனந்தன், மாகாண சபை உறுப்பினர்கள் தியாகராஜா, இந்திரராஜா மற்றும் பிரதேச சபை உறுப்பினர்கள் பாபு, தருமலிங்கம், சிவாஸ்கரன் ஆகியோர் அங்கு நடைபெற்ற கெடுபிடிகள் தொடர்பிலான சம்பவங்களை வெளிக்கொண்டு வந்திருந்தனர்.

இந்நிலையில் குறித்த சம்பவம் திரிவுபடுத்தப்பட்டதாகவும் அமைச்சருக்கு களங்கம் ஏற்படுத்தும் நோக்கம் கொண்ட செயலம் என்றும் வவுனியா பிரதேச செயலாளர் கா.உதயராஜா உட்பட்ட அமைச்சர் றிசாட்டின் கையாட்கள் ஊடகங்களுக்கு தகவல் வெளியிட்டிருந்தனர்.

இந்த நிலையில் குறித்த கிராம மக்கள் 62 பேர் தாம் குறித்த கிராமத்தில் வாழ்ந்த வரலாற்றினைக் குறிப்பிட்டு தமது குடியிருப்புக்கு நிரந்தர உறுதிப்பத்திரம் வழங்கி உதவுமாறு சமூக பிரதிநிதிகளுக்கும் அரசியல் பிரமுகர்களுக்கும் கோரிக்கை கடிதம் ஒன்றை எழுதி அதில் அனைவரும் கையொப்பமிட்டு அனுப்பி வைத்துள்ளனர்.

http://www.tamilwin.com/show-RUmsyGTVLZhx3.html

ஐ.நா விசாரணைக்குழு இந்த வாரம் அறிவிப்பு! ஆய்வு நடைபெறுகிறது- இந்திய அரசின் நிலைப்பாடு என்ன?

[ ஞாயிற்றுக்கிழமை, 01 யூன் 2014, 02:13.32 AM GMT ]

இலங்கையில் நடந்த போரின் போது இடம்பெற்ற மனித உரிமை மீறல்கள் மற்றும் போர்க்குற்றங்கள் குறித்து விசாரிப்பதற்கான குழுவை ஐ.நா மனித உரிமை ஆணையாளர் பணியகம் இன்னமும் நியமிக்கவில்லை.

ஐ.நா மனித உரிமை ஆணையாளர் பணியகம் இந்த விசாரணைக்குழுவின் உறுப்பினர்கள் தொடர்பாக ஆய்வு செய்து வருவதாகவும், கடந்த வாரம் பலரது பெயர்கள் ஆராயப்பட்டதாகவும் இலங்கை வெளிவிவகார அமைச்சு வட்டாரங்கள் தெரிவித்துள்ளன.

எனினும், இலங்கை அரசாங்கத்துக்கு, இன்னமும் இந்த விசாரணைக் குழுவின் நியமனம் குறித்து அறிவிக்கப்படவில்லை என்றும் அந்த வட்டாரங்கள் தெரிவித்துள்ளன.

ஐ.நா மனித உரிமைகள் பேரவையின் 26வது கூட்டத்தொடர் அடுத்தவாரம் ஜெனிவாவில் ஆரம்பமாகவுள்ளது.

இந்தநிலையில், இந்த விசாரணைக்குழு பற்றிய அறிவிப்பு இந்த வாரம் அல்லது அடுத்த வாரத் தொடக்கத்தில் வெளியிடப்படும் என்று இலங்கை அரசாங்கம் எதிர்பார்க்கிறது.

ஐ.நா மனித உரிமைகள் பேரவையின் கூட்டத்தொடரில், வரும் 10ம் நாள் உரையாற்றவுள்ள, ஐ.நா மனித உரிமை ஆணையாளர் நவநீதம்பிள்ளை, இலங்கை குறித்து கருத்து வெளியிடலாம் என்றும் எதிர்பார்க்கப்படுகிறது.

அவர் தமது உரையில் விசாரணைக்குழுவின் நியமனம் குறித்த அறிவிப்பை வெளியிடுவார் என்று எதிர்பார்ப்பதாக இலங்கை வெளிவிவகார அமைச்சு வட்டாரங்கள் தெரிவித்துள்ளன.

இந்த விசாரணைக் குழு அமைக்கப்பட்டதுடன்,இலங்கை அரசாங்கம் அதனை முறியடிப்பதற்கான நடவடிக்கையில் இறங்கவுள்ளது.

போர்க்குற்ற விசாரணைக் குழு தொடர்பில் இந்திய புதிய அரசாங்கத்தின் நிலைப்பாடு என்ன?

இலங்கையின் இறுதிப்போரின் போது இடம்பெற்ற மனித உரிமை மீறல்கள் குறித்து விசாரணை செய்யும் சர்வதேச குழு இந்த வாரத்தில் அறிவிக்கப்படலாம் என்று எதிர்ப்பார்க்கப்படுகிறது.

எனினும் அந்தக்குழுவில் இடம்பெறுவோரின் இறுதிவடிவம் இன்று தயாரிக்கப்படவில்லை என்று சர்வதேச ஊடகங்கள் சுட்டிக்காட்டியுள்ளன.

இந்தக்குழுவில் இணைத்துக் கொள்ளப்படுவோரின் பெயர்கள் தொடர்ந்தும் பரிந்துரை மற்றும் பரிசீலிக்கப்பட்டு வருகின்றன.

இந்தநிலையில் இந்தக்குழுவின் இறுதி வடிவத்தை ஐக்கிய நாடுகளின் மனித உரிமைகள் ஆணையாளர் நவநீதம்பிள்ளை உத்தியோகபூர்வமாக அறிவிப்பார்.

அத்துடன் இலங்கை அரசாங்கத்துக்கும் இது அறிவிக்கப்படும் என்று தெரிவிக்கப்பட்டுள்ளது.

இந்தநிலையில் போர்க்குற்ற சர்வதேச விசாரணைக்குழு தொடர்பில் இந்திய புதிய அரசாங்கத்தின் நிலைப்பாடு குறித்து இன்னும் தெளிவாகவில்லை என்று இலங்கை அரசாங்க தரப்புக்கள் தெரிவித்துள்ளன.

http://www.tamilwin.com/show-RUmsyGTVLZhx2.html