ஐ.நா விசாரணை தொடர்பில் சம்பந்தன் MP நழுவல்!

UN மனித உரிமைகள் ஆணைக்குழு அலுவலகம் முன் முஸ்லிம்கள் போராட்டம்

June 28, 20147:58 pm

இலங்கையின் தென்பகுதியில் அளுத்கம உள்ளிட்ட நகரங்களில் முஸ்லிம்களுக்கு எதிராக நடத்தப்பட்ட வன்செயல்களுக்கு கண்டனம் தெரிவிக்கு முகமாக சுவிஸ் நாட்டின் ஜெனிவா நகரில் ஐநா மனித உரிமைகள் ஆணைக்குழு அலுவலகத்துக்கு முன்பாக ஐரோப்பிய முஸ்லிம்களால் ஆர்ப்பாட்டம் ஒன்று நடத்தப்பட்டது

ஐரோப்பிய இஸ்லாமிய தகவல் நிலையம் என்ற அமைப்பினால் அந்த ஆர்ப்பாட்டம் ஏற்பாடு செய்யப்பட்டிருந்தது. அங்கு கூடிய நூற்றுக்கணக்கான இலங்கையின் புலம்பெயர்ந்த முஸ்லிம்கள், வன்செயலுக்கு எதிராகவும் இலங்கை அரசாங்கத்துக்கு எதிராகவும் கோஷங்களை எழுப்பினார்கள்.

BBC

http://www.jvpnews.com/srilanka/74889.html

UN விசாரணைக் குழு இன்னமும் அனுமதி கோரவில்லை GL பல்டி

June 29, 20147:10 am

ஜெனிவாவில் உள்ள சிறிலங்கா தூதரகத்துக்கோ அல்லது வெளிவிவகார அமைச்சுக்கோ எந்த வேண்டுகோளும் விடுக்கப்படவில்லை என்று சிறிலங்கா வெளிவிவகார அமைச்சு வட்டாரங்கள் தெரிவித்துள்ளன.

சிறிலங்காவில் போரின் இறுதிக்கட்டத்தில் இடம்பெற்ற மீறல்கள் குறித்து விசாரிப்பதற்காக நியமிக்கப்பட்ட, ஐ.நா மனித உரிமைகள் ஆணையாளர் பணியகத்தின் விசாரணைக் குழு, சிறிலங்கா வருவதற்கு இன்னமும் நுழைவிசைவு கோரவில்லை என்று சிறிலங்கா வெளிவிவகார அமைச்சு தெரிவித்துள்ளது.

அதேவேளை, இந்த விசாரணையை எதிர்க்கும் முடிவில் இருந்து சிறிலங்கா அரசாங்கம் பின்வாங்கவில்லை என்று அந்த வட்டாரங்கள் கூறியுள்ளன. கடந்தவாரம், இந்த விசாரணைகளுக்கு உதவும் நோக்கில், ஐ.நா மனித உரிமை ஆணையாளர் நவநீதம்பிள்ளை மூன்று ஆலோசனை நிபுணர்களை நியமித்திருந்தார்.

அத்துடன், ஐ.நா விசாரணைக் குழு தமது விசாரணைகளைத் தொடங்கியுள்ளதாகவும், ஐ.நா மனித உரிமைகள் ஆணையாளர் பணியகத்தின் பேச்சாளர் ருபேட் கொல்வில் தெரிவித்திருந்தார் என்பது குறிப்பிடத்தக்கது.

http://www.jvpnews.com/srilanka/74894.html

ஐ.நா விசாரணை தொடர்பில் சம்பந்தன் MP நழுவல்

June 29, 20147:17 am

கொழும்பு ஆங்கில வார இதழ் ஒன்று இதுதொடர்பாக அவரிடம் கேள்வி எழுப்பியிருந்தது. அதற்கு, இரா.சம்பந்தன்- “இந்த விவகாரம் தொடர்பாக எமது கட்சி ஒரு முடிவை எடுக்கும். அதற்கு அப்பால் என்னால் எந்தக் கருத்தையும் கூற முடியாது. தமிழ் மக்களின் உரிமைகளை நாம் பாதுகாக்க வேண்டியுள்ளது நிச்சயம். இந்த நிலைமையை சிறிலங்கா அரசாங்கமே உருவாக்கியது.

சிறிலங்காவில் போரின் இறுதிக்கட்டத்தில் இடம்பெற்ற மீறல்கள் குறித்து விசாரிக்க, ஐ.நா மனித உரிமை ஆணையாளர் பணியகம் நியமித்துள்ள விசாரணைக் குழு முன்பாக, தமிழ்த் தேசியக் கூட்டமைப்பு சாட்சியமளிக்குமா என்பது குறித்து கருத்து வெளியிட மறுத்துள்ளார் கூட்டமைப்பின் தலைவர் இரா. சம்பந்தன்.

2009ம் ஆண்டு சிறிலங்கா வந்திருந்த ஐ.நா பொதுச்செயலர் பான் கீ மூனிடம், பொறுப்புக் கூறும் செயல்முறைக்கு இணங்கியிருந்தது. அதை அவர்கள் பின்பற்றவில்லை. நம்பகமான உள்நாட்டுப் பொறிமுறையை உருவாக்கவில்லை. உண்மைகள் வெளிக் கொண்டுவரப்படும் வரை, உண்மையான நல்லிணக்கம் சாத்தியமில்லை என்று தெரிவித்துள்ளார்.

http://www.jvpnews.com/srilanka/74897.html