விக்கிலீக்சிடம் சிக்கிய மகிந்தரின் இரகசியம்…

பைசர் முஸ்தபாவின் தீர்மானம் திங்கட் கிழமை….

December 28, 201412:34 am

சிறிலங்கா அரசாங்கத்தின் மூன்று முக்கிய உறுப்பினர்கள் தற்போது சிங்கபூரில் தங்கியுள்ளனர். பிரதி அமைச்சர் பைசர் முஸ்தபா, பிரதி அமைச்சர் நிஷாந்த முத்திஹெட்டிகம மற்றும் கண்காணிப்பு நாடாளுமன்ற உறுப்பினர் சஜின்வாஸ் குணவர்தன ஆகியோரு இந்த விஜயத்தை மேற்கொண்டுள்ளனர்.

அவர்களில் பைசர் முஸ்தபா ஐக்கிய தேசிய கட்சியில் இணைந்து கொள்ளவிருப்பதாக தகவல்கள் வெளியாகி இருக்கின்றன.

இவர் இன்று நாடு திரும்புகின்ற நிலையில், எதிர்வரும் திங்கட் கிழமை தமது தீர்மானத்தை அறிவிப்பார் என்று தெரிவிக்கப்படுகிறது. எனினும் அவர் ஐக்கிய தேசிய கட்சியுடன் இணைந்து கொள்வதற்கான தடுப்பதற்காகவே மகிந்தராஜபக்ஷவின் நெருங்கிய நண்பரான சஜின்வாஸ் குணவர்தன சிங்கபூர் சென்றிருப்பதாக கூறப்படுகிறது. நிஷாந்த முத்துஹெட்டிகம கைதில் இருந்து தப்புவதற்காக அங்கு சென்றுள்ளமை குறிப்பிடத்தக்கது.

http://www.jvpnews.com/srilanka/91893.html

விக்கிலீக்சிடம் சிக்கிய மகிந்தரின் இரகசியம்…

December 28, 201412:43 am

சிறிலங்காவில் உள்ள மக்களில் 80 சதவீதமானவர்கள் மகிந்த ராஜபக்ஷ ஊழல் புரிந்துள்ளமையை ஏற்றுக் கொண்டிருப்பதாக தெரிவிக்கப்பட்டுள்ளது. கொழும்பில் உள்ள அமெரிக்க தூதரகத்தினால் அமெரிக்க ராஜாங்க திணைக்களத்துக்கு அனுப்பி வைக்கப்பட்ட இரகசிய ஆவணம் ஒன்றில் இந்த விடயம் தெரிவிக்கப்பட்டுள்ளது.

ஜனாதிபதி மகிந்தராஜபக்ஷவிற்காக மக்கள் கருத்துக் கணிப்புகளை மேற்கொண்டு வரும் சுனிமல் பெர்ணான்டோ, முன்னாள் அமெரிக்க தூதுவர் பெற்றீசியா புட்டினிஸிடம் இந்த தகவலை கூறியுள்ளார். அதேநேரம் மகிந்தவின் குடும்பத்தினர் ஊழலில் ஈடுபட்டுள்ளதாக 85 சதவீதமான மக்கள் தெரிவித்துள்ளதாகவும் அவர் குறிப்பிட்டுள்ளார்.

http://www.jvpnews.com/srilanka/91896.html