ஆஸியில் இலங்கைப் பெண்ணொருவர் மரணம்

சூதாட்ட நிலையமொன்றை சுற்றி வளைத்த பொலிஸ் உத்தியோகத்தர் மீது தாக்குதல்!

[ வெள்ளிக்கிழமை, 29 ஓகஸ்ட் 2014, 02:34.53 AM GMT ]

சூதாட்ட நிலையமொன்றை சுற்றி வளைத்த பொலிஸ் உத்தியோகத்தர் மீது தாக்குதல் நடத்தப்பட்டுள்ளது.

சிலாபம், முன்னேஸ்வரம் பகுதியில் இந்த சம்பவம் இடம்பெற்றுள்ளது.

பணத்தை வைத்து சூதாட்டத்தில் ஈடுபடும் ஓர் இடம் பற்றி கிடைக்கப் பெற்ற தகவலை அடுத்து பொலிஸார் அந்த இடத்தை முற்றுகையிட்டுள்ளனர்.

இதன் போது சூதாட்டத்தில் ஈடுபட்டவர்களுக்கும் பொலிஸாருக்கும் இடையில் கைகலப்பு ஏற்பட்டுள்ளது.

இந்த சம்பவத்தில் தில்ருக் என்ற பொலிஸ் இன்ஸ்பெக்டர் காயமடைந்துள்ளார்.

சூதாட்டத்தில் ஈடுபட்ட நபர் ஒருவரும் மோதலில் காயமடைந்துள்ளார்.

காயமடைந்த இருவரும் சிலாபம் வைத்தியசாலையில் அனுமதிக்கப்பட்டுள்ளனர்.

சம்பவ இடத்திலிருந்த ஏனையவர்கள் தப்பிச் சென்றுள்ளனர்.

சம்பவம் தொடர்பில் சிலாபம் பொலிஸார் விசாரணைகளை ஆரம்பித்துள்ளனர்.

http://www.tamilwin.com/show-RUmsyI

ஆஸியில் இலங்கைப் பெண்ணொருவர் மரணம்

[ வெள்ளிக்கிழமை, 29 ஓகஸ்ட் 2014, 02:58.39 AM GMT ]

அவுஸ்திரேலியா, சிட்னியில் 31வயதான இலங்கை பெண் வாவி ஒன்றில் மூழ்கி மரணமாகியுள்ளார்.

இந்தநிலையில் அவரின் தொடர்பில் பொலிஸாரால் விசாரணைகள் நடத்தப்படுகின்றன.

கடந்த செவ்வாய்க் கிழமையன்று இரவு அமேஷா ராஜபக்ச என்ற பெண், கடைக்கு பொருட்களை வாங்க சென்ற நிலையில் வீடு திரும்பவில்லை.

இந்த நிலையில் அவருடைய சடலம் பொலிஸாரால் மீட்கப்பட்டுள்ளது. இதனையடுத்து அவர்கள் விசாரணைகளை நடத்தி வருகின்றனர்.

சந்தேகம் இருக்குமானால் பிரேத பரிசோதனையை மேற்கொள்ளவுள்ளதாக பொலிஸார் தெரிவித்துள்ளனர்.

சிங்களவரான அமேஷா ராஜபக்ச 2009ஆம் ஆண்டில் அவுஸ்திரேலியாவுக்கு சென்றுள்ளார்.

இதேவேளை ஒருவாரத்துக்கு முன்னர் குறித்த பெண் உடல்கட்டுமான நிலையம் ஒன்றுக்கு சென்று நீச்சல் பயிற்சியை பெற்றுக்கொள்வது தொடர்பாக விசாரித்து வந்தார் என்று தெரிவிக்கப்பட்டுள்ளது.

http://www.tamilwin.com/show-RUmsyIRdKUnx7.html