இலங்கையில் ஒன்றுசேராத புலிகள் அவுஸ்திரேலியாவில் ஒன்று சேர்கிறார்களாம்: அரச பயங்கரவாதம் !

இன்றோடு நவநீதம் பிள்ளையின் பணிகள் முடிகிறது: நாளை முதல் புதிய ஆணையாளர் !

[ Aug 31, 2014 01:15:13 PM | வாசித்தோர் : 4100 ]

ஐக்கிய நாடுகள் மனித உரிமை ஆணையாளராக ஜோர்தான் இளவரசர் ஷெயிட் அல் ஹூசைன் நாளை முதல் பொறுப்பேற்கவுள்ளார். ஐ.நா மனித உரிமைகள் ஆணையாளராக செயற்பட்டு வந்த நவநீதம்பிள்ளை இம் மாதத்துடன் ஓய்வு பெறுவதை அடுத்து, அந்தப் பதவிக்கு ஓய்வு ஷெயிட் அல் ஹூசைன் தெரிவு செய்யப்பட்டமை குறிப்பிடத்தக்கது. ஈழத் தமிழர் விடையத்தில் பல காட்டமான முடிவுகளை இலங்கை அரசுக்கு எதிராக எடுத்த நவிப்பிள்ளை, ஐ.நாவை விட்டு செல்வது ஈழத் தமிழர்களுக்கு ஒரு பாரிய பின்னடைவு தான். இன்று முதல் அவர் ஓய்வு பெறுகிறார். நாளை முதல் ஷெயிட் அல் ஹூசைன் பொறுப்பேற்க்கவுள்ளார்.

ஆனால் நல்ல விடையம் என்னவென்றால், மகிந்த ராஜபக்ஷ அரசாங்கம், படுகொலைகளை மேற்கொண்டுள்ளது. அது பல யுத்தக்குற்றங்களை இழைத்துள்ளது என்ற உண்மையை,ஷெயிட் அல் ஹூசைன் நன்கு அறிந்துவைத்துள்ளார். அவர் சிங்கள அரசுடம் எபோழுதும் சமரசத்தில் ஈடுபட மாட்டார் என்று புரிகிறது. இதேவேளை தான் அலுவலகத்தை விட்டுச் சென்றாலும், இலங்கைக்கு எதிரான நடவடிக்கை தொடர ஆவன செய்துவிட்டு தான் நவிப்பிள்ளை இன்று விலகுகிறார். தமிழ் மக்கள் அனைவரும் அவருக்கு பிரியாவிடை சொல்லும் நேரம் இது. எனவே உங்கள் கருத்துக்களை இங்கே பதிவுசெய்தால், ஈழத் தமிழர்கள் சார்பாக உங்கள் கருத்துக்களை, நாம் நவிப்பிள்ளைக்கு நேரடியாக அனுப்பி வைப்போம்.

உங்கள் கருத்துக்களையும் , நன்றிகளையும் நீங்கள் இங்கே தெரிவிக்கலாம்.  நீங்கள் தமிழில் எழுதினாலும், அதனை ஆங்கிலத்தில் நாம் மொழிபெயர்த்து அனுப்பிவைப்போம்.

http://www.athirvu.com/newsdetail/901.html

இலங்கையில் ஒன்றுசேராத புலிகள் அவுஸ்திரேலியாவில் ஒன்று சேர்கிறார்களாம்: அரச பயங்கரவாதம் !

[ Aug 31, 2014 01:37:54 PM | வாசித்தோர் : 6715 ]

2009ம் ஆண்டுக்குப் பின்னர் எதற்காக எல்லாம் புலிகள் பெயரை பயன்படுத்துகிறார்கள் என்று பார்த்தால் பெரும் வேதனை தான் மிச்சம். தற்போது புதிதாக புலிகள் அவுஸ்திரேலியாவில் மீளவும் ஒன்றிணைகிறார்கள் என்ற கட்டுக்கதையை, இலங்கையும் இந்தியாவும் இணைந்து வெளியிட்டுள்ளது. சமீபத்தில் ஆந்திராவில் அகப்பட்ட சிலர், ஈழத் தமிழர்களை அவுஸ்திரேலியாவுக்கு கடத்தி வந்தார்கள். அவர்களை விசாரித்ததில் புலிகளுக்கும் , அவர்களுக்கும் தொடர்பு இருப்பதாக இந்தியா கூறியுள்ளதாக இலங்கை ஊடகங்கள் ஒரு கட்டுக்கதையை வெளியிட்டுள்ளது. குறித்த இந்த 6 பேரும் கைதான உடன் இந்தியா இப்படி அறிவிக்கவே இல்லை. அவுஸ்திரேலியாவைப் பொறுத்தவரை அன் நாடு எப்பாடு பட்டாவது இலங்கை அகதிகள் வருவதை தடுக்கவேண்டும் என்று கங்கணம் கட்டி அலைகிறது.

அன் நாடு , இலங்கை மற்றும் இந்தியா ஆகிய நாடுகள் கூட்டுச் சேர்ந்தே இதுபோன்ற கட்டுக்கதைகளை வெளியிட்டு வருகிறது. புலிகள் அவுஸ்திரேலியாவுக்குச் செல்கிறார்கள் என்றும், அங்கே அவர்கள் மீளம்வும் ஒன்றிணைகிறார்கள் என்றும் இலங்கை சொல்லுமாம். உடனே அவுஸ்திரேலிய அரசு அதற்கு நடவடிக்கை எடுத்து, அப்பாவி அகதிகளை புலிகள் என்று கூறி இலகுவாக நாட்டை விட்டு நாடு கடத்தும். இதற்காகவே இந்த நாடகம் அரங்கேற்றப்பட்டுள்ளது. இதனை புரிந்துகொள்ளாத பல தமிழ் ஊடகங்கள் கூட, சிங்கள அடிவருடிகள் சொல்லும் கருத்தை அப்படியே தமிழில் எழுதியுள்ளார்கள். புலிகள் அவுஸ்திரேலியாவில் ஒன்றிணைந்து , என்ன அங்கே தமிழீழம் வேண்டும் என்று சண்டைபிடிக்கப் போகிறார்களா என்ன ?

அவுஸ்திரேலியாவில் அவர்களுக்கு என்ன வேலை இருக்கிறது ? அவர்கள் மீள இணைவது என்றால் அண்டைய நாடுகளில் அல்லவா அதனைச் செய்வார்கள். 3,000 மைல்களுக்கு அப்பால் உள்ள அவுஸ்திரேலியாவில் ஏன் இணையவேண்டும் ?

http://www.athirvu.com/newsdetail/902.html