விக்கினேஸ்வரனுக்கும் ரணிலுக்குமிடையில் கருத்து முரண்பாடுகள் எதுவுமில்லை என்கிறார் செல்வம் எம்.பி.

இணையத்தில் ஜனாதிபதிக்கு எதிராக சேறு பூசிய நபர் கைது

[ சனிக்கிழமை, 28 மார்ச் 2015, 01:02.27 AM GMT ]

இணையத்தில் ஜனாதிபதி மைத்திரிபால சிறிசேனவிற்கு எதிராக சேறு பூசிய நபரை புலனாய்வு பிரிவினர் கைது செய்துள்ளனர்.

கடந்த ஜனாதிபதி தேர்தல் காலத்தில் போலியான தகவல்கள் போலியான புகைப்படங்களை பேஸ்புக் மூலம் பிரச்சாரம் செய்திருந்தார் என குற்றம் சுமத்தப்பட்டுள்ளது.

இம்முறை எனது வாக்கு மஹிந்த ராஜபக்சவிற்கே எனக் குறிப்பிட்டு முகப்புத்தகத்தில் பிரச்சாரம் செய்துள்ளார்.

பதுளையைச் சேர்ந்த சுஜித் நிலந்த என்பவரே இவ்வாறு கைது செய்யப்பட்டுள்ளார்.

தேர்தல் சட்டங்களை கடுமையாக மீறிச் செயற்பட்டுள்ளதுடன் குற்றவியல் சட்டத்தின் அடிப்படையில் தண்டிக்கப்படக்கூடிய குற்றச் செயல்களில் ஈடுபட்டுள்ளதாகத் தெரிவிக்கப்படுகிறது.

குறித்த சந்தேக நபர் நேபாளத்திலிருந்து கடந்த 25ம் திகதி நாடு திரும்பிய போது  பொலிஸார் கைது செய்துள்ளனர்.

சந்தேக நபர் கொரியாவிற்கான இலங்கை தூதரகத்தில் கடமையாற்றியவர் என்பது குறிப்பிடத்தக்கது.

பொது வேட்பாளர் மைத்திரிபால சிறிசேனவிற்கு சேறு பூசும் நோக்கில் பேஸ்புக்கில் புகைப்படப் பிரச்சாரங்களில் ஈடுபட்டதாக சந்தேக நபர் மீது குற்றம் சுமத்தப்பட்டுள்ளது.

எதிர்வரும் 1ம் திகதி வரையில் சந்தேக நபரை விளக்க மறியலில் வைக்குமாறு கொழும்பு பிரதான நீதவான் கிஹான் பிலபிட்டிய நேற்று உத்தரவிட்டுள்ளார்.

உக்ரேன் போராளிகளுக்கு ஆயுத விற்பனை விவகாரம்! சிக்குவாரா மகிந்த?

[ சனிக்கிழமை, 28 மார்ச் 2015, 01:58.00 AM GMT ]

ரஸ்யா, உக்ரேன் பிரிவினைவாதப் போராளிகளுக்கு, ஆயுதங்களை விற்பனை செய்ததாக குற்றம் சாட்டப்பட்டுள்ள விவகாரம் தொடர்பான விசாரணைகளில், இலங்கையின் முன்னாள்  ஜனாதிபதி மகிந்த ராஜபக்சவும் சிக்கக் கூடும் என்று  இலங்கை அரசாங்கம் தெரிவித்துள்ளது.

மகிந்த ராஜபக்சவின் மருமகனும், அவரது ஆட்சிக்காலம் முழுவதும், ரஸ்யாவுக்கான தூதுவராகப் பணியாற்றியவருமான உதயங்க வீரதுங்கவுக்கு எதிராக உக்ரேனிய அரசாங்கம் செய்துள்ள முறைப்பாட்டின் அடிப்படையில், விசாரணைகள் இடம்பெறவுள்ளன.

உக்ரேனிய பிரிவினைவாதப் போராளிகளுக்கு ஆயுதங்களை விற்பனை செய்ததாக குற்றம் சாட்டப்பட்டுள்ள, உதயங்க வீரதுங்க, தற்போது காணாமற்போயுள்ளார்.

இதுகுறித்து நேற்று செய்தியாளர்களிடம் கருத்து வெளியிட்ட, இலங்கை பிரதி வெளிவிவகார அமைச்சர் அஜித் பெரேரா,

தெரிவு செய்யப்பட்ட அரசாங்கத்துக்கு எதிராகப் போரிடும், உக்ரேனியர்களுக்கு ஆயுதங்களை விற்பனை செய்த குற்றச்சாட்டுக்குள்ளாகியுள்ள உதயங்க வீரதுங்கவுக்கு எதிராக மேற்கொள்ளப்படும் விசாரணையில், மகிந்த ராஜபக்சவும் கூட சிக்கிக் கொள்ளக் கூடும்.

உக்ரேனிடம் இருந்து இரண்டு முறைப்பாடுகள் கிடைத்துள்ளதில் இருந்து, உதயங்க வீரதுங்க காணாமற்போயுள்ளார்.

உதயங்க வீரதுங்கவினால் விநியோகிக்கப்பட்ட ஆயுதங்கள் தொடர்பான தகவல்களை உக்ரேன் வழங்கியுள்ளது.

இலங்கையில் ஆட்சிமாற்றம் ஏற்பட்டதையடுத்து, உதயங்க வீரதுங்க காணாமற்போயுள்ளதால்,நிலைமை மோசமடைந்துள்ளது.

இந்த விவகாரம் குறித்து ரஸ்யாவுடன் இலங்கை கலந்துரையாடவில்லை” என்றும் அவர் தெரிவித்துள்ளார்.

இலஞ்சம் மற்றும் கையூட்டல் ஆணைக்குழுவினால் கெஹலிய ரம்புக்வெல விசாரணை!

[ சனிக்கிழமை, 28 மார்ச் 2015, 03:42.35 AM GMT ]

இலஞ்ச மற்றும் கையூட்டல்   ஆணைக்குழுவினால் முன்னாள் ஊடகத்துறை அமைச்சர் கெஹலிய ரம்புக்வெல விசாரணை செய்யப்பட்டுள்ளார்.

இந்த விசாரணை நேற்று சுமார் ஒரு மணித்தியாலமாக இடம்பெற்றுள்ளதாக தெரிவிக்கப்பட்டுள்ளது.

எனினும் எந்தக்குற்றச்சாட்டுக்காக அவர் விசாரணை செய்யப்பட்டார் என்ற விபரம் வெளியாகவில்லை.

இதேவேளை ரம்புக்வெலயும் இந்த விசாரணை தொடர்பில் கருத்து எதனையும் கூற மறுத்துவிட்டார்.

மஹிந்த தனியான மே தினக் கூட்டமொன்றை நடாத்தத் திட்டம்

[ சனிக்கிழமை, 28 மார்ச் 2015, 03:44.06 AM GMT ]

முன்னாள் ஜனாதிபதி மஹிந்த ராஜபக்ச தனியான மே தினக் கூட்டமொன்றை நடாத்தத் திட்டமிட்டுள்ளார்.

மஹிந்த ராஜபக்ச தலைமையில் விசேட மே தினக் கூட்டமொன்றை நடாத்துவது குறித்து பேச்சுவார்த்தைகள் ஆரம்பிக்கப்பட்டுள்ளன.

ஐக்கிய மக்கள் சுதந்திரக் கூட்டமைப்பில் அங்கம் வகிக்கும் கூட்டணி கட்சிகள் இவ்வாறு திட்டமிட்டுள்ளன.

உழைக்கும் மக்களின் பொது தொழிலாளர் தினம் என்ற தொனிப்பொருளில் இந்த மே தினக் கூட்டம் நடத்தப்பட உள்ளது.

ஸ்ரீலங்கா சுதந்திரக் கட்சி இம்முறை மே தின பேரணிகளை நடத்தாது மே தினக் கூட்டத்தை மட்டும் நடாத்தத் தீர்மானித்துள்ளது.

ஜனாதிபதி மஹிந்த தலைமையில் விசேட கூட்டமொன்றை நடத்தத் சில கட்சிகள் தீர்மானித்துள்ளன.

இதேவேளை, இந்த மே தினக்; கூட்டம் குறித்து முன்னாள் ஜனாதிபதி மஹிந்த ராஜபக்ச எவ்வித கருத்துக்களையும் வெளியிடவில்லை.

விக்கினேஸ்வரனுக்கும் ரணிலுக்குமிடையில் கருத்து முரண்பாடுகள் எதுவுமில்லை என்கிறார் செல்வம் எம்.பி.

[ சனிக்கிழமை, 28 மார்ச் 2015, 04:16.34 AM GMT ]

வட­மா­காண முத­ல­மைச்சர் சி.வி. விக்­னேஸ்­வ­ர­னுக்கும் பிர­தமர் ரணில் விக்­கி­ர­ம­சிங்­க­விற்கும் இடையில் கருத்து முரண்­பா­டுகள் இல்லை. ஒரு சில தர்க்­கங்­களை பிரி­வி­னை­யாக கரு­தக்­கூ­டாது என தமிழ் தேசி­யக்­ கூட்­ட­மைப்பின் பாரா­ளு­மன்ற உறுப்­பினர் செல்வம் அடைக்­க­ல­நாதன் தெரி­வித்துள்ளார்.

வட­மா­கா­ணத்­திற்­காக விஜ­யத்­தினை பிர­தமர் ரணில் விக்­கி­ர­ம­சிங்க மேற்­கொண்­டுள்ள நிலையில் கூட்­ட­மைப்பு உட­னான சந்­திப்பு தொடர்­பிலும் வட­மா­காண முத­ல­மைச்சர் மற்றும் பிர­த­ம­ருக்கு இடையில் ஏற்­பட்­டுள்­ள­தாக தெரி­விக்­கப்­படும் கருத்து முரண்­பா­டுகள் தொடர்பில் வின­வி­ய­ போதே அவர் மேற்­கண்­ட­வாறு தெரி­வித்தார்.

இது தொடர்பில் அவர் மேலும் குறிப்­பிட்­ட­தா­வது,

பிர­த­மரின் யாழ். விஜயம் மிக ஆரோக்­கி­ய­மா­ன­தென்றே நாம் கரு­து­கின்றோம்.

கடந்த வாரம் வடக்கில் காணி விடு­விப்பு நிகழ்வில் பிர­தமர் கலந்து கொண்­டி­ருந்த போதும் அவ­ரு­ட­னான சந்­திப்­பினை மேற்கொள்ள முடி­ய­வில்லை.

எனினும் நாளை ஞாயிற்றுக்கிழமை நாம் பிர­தமர் ரணில் விக்­கி­ர­ம­சிங்­கவை கிளி­நொச்­சியில் சந்­திக்­க­வுள்ளோம்.

இச்­சந்­திப்பின் போது மன்னார், வன்னி பகு­தி­களில் இரா­ணுவ வச­மி­ருக்கும் பொது­மக்­களின் காணி­களை விடு­விப்­பது தொடர்­பிலும் அர­சியல் கைதி­களின் விடு­தலை தொடர்­பிலும் எம்பக்க கருத்­துக்­களை முன்­வைப்போம்.

வடக்கில் காணிகள் விடு­விக்­கப்­பட்ட போதிலும் மக்­களின் நிலங்கள் முழு­மை­யாக விடு­விக்­கப்­ப­ட­வில்லை. வன்னி, மன்னார் முள்­ளிக்­குளம், பகு­தி­களில் மக்­களின் நிலங்கள் இன்றும் இரா­ணு­வத்­தினர் பிடி­யி­லேயே உள்­ளது.

எனவே இவ்­வி­ட­யங்­களை பிர­தமர் ரணில் விக்­கி­ர­ம­சிங்­கவின் கவ­னத்­திற்கு கொண்டுவர­வுள்ளோம்.

அதே­போல வட­மா­காண முத­ல­மைச்சர் மக்­களின் உண்மை நிலை­மை­யினை வெளிப்­ப­டுத்­தி­யுள்ளார். அவரின் கருத்­துக்­களில் நியா­ய­மான கோரிக்­கை­களே உள்­ள­டங்­கி­யி­ருக்­கின்­றது.

அதேபோல் பிர­தமர் ரணில் விக்­கி­ர­ம­சிங்­க­விற்கும் வட­மா­காண சபைக்கும் எவ்­வித முரண்­பா­டு­களும் இல்லை.

ஒரு சில கருத்து முரண்பாடுகளை பிரிவினைக்கான சண்டையென சித்தரிப்பது தவறானது.

வடமாகாண முதலமைச்சர் சி.வி. விக்னேஸ்வரனின் கருத்துக்களினால் அரசாங்கத்துடன் முரண்பாடுகள் ஏற்படப் போவதில்லை எனவும் அவர் குறிப்பிட்டார்.

http://www.tamilwin.com/show-RUmtyDRcSUlv7G.html