யாழில் அகப்பட்ட சங்கிலித் திருடர்கள்

வெள்ளிக்கிழமை முற்பகல் 11.00 மணியளவில் அரியாலைப் பகுதியில் இடம் பெற்றுள்ளது. அரியாலை ஆசிர்வாதப்பர் வீதியில் உறவினர் வீட்டுக்கு சென்ற பெண்ணின் சங்கிலியை மோட்டார் சையிக்களில் வந்த இளைஞர்கள் இருவர் அறுத்துக் கொண்டு தப்பியோடியுள்ளனர். வீதியால் சென்ற பெண்ணின் சங்கிலியை அறுத்துக் கொண்டு தப்பி ஓட முற்பட்ட இளைஞர்கள் இருவர் முதியவர் ஒருவரின் துணிச்சலான நடவடிக்கையால் வகையாக மாட்டிக்கொண்டனர். சங்கிலியை பறி கொடுத்த பெண் கூச்சலிட்டதும் எதிரில் வீதியோரமாக மரத்தின் கீழ் அமர்ந்திருந்த வயோதிபர் அந்த மோட்டார் சைக்கிள் மீது கதிரையைத் தூக்கி வீசியுள்ளார். இதனால் மோட்டார்சைக்கிள் சரிந்து விழுந்தது. அப்போது அங்கு கூடியமக்கள் ஒருவரை பிடித்தநிலையில் மற்றவர் மோட்டார் சைக்கிளையும் விட்டுவிட்டு தப்பியோடிவிட்டார். பின்னர் ஊர் இளைஞர்கள் கூடி நாயன்மார்கட்டுப் புகுதியில் வைத்து அந்த நபரையும் பிடித்துள்ளனர். பிடிபட்டவாகள் சகோதரர்கள் எனவும் புதுக்குடியிருப்பு கைவேலிப் பகுதியைச் சேர்ந்த 18 19 வயது நிரம்பியவர்கள் எனவும் தெரிவிக்கப்படுகிறது. இவர்கள் இருவரும் யாழ்ப்பாணம் பொலிஸாரிடம் ஒப்படைக்கப்பட்டுள்ளனர். -

02 May 2014