மாயமான மலேசிய விமானம் கடலுக்குள் வீழ்ந்ததா?? செயற்கைக்கோள் பரபரப்புத் தகவல்கள்

மாயமான விமானம் கடலுக்குள் வீழ்ந்ததைக் கண்டறிய உதவிய செயற்கைக்கோள் தகவல்கள் வெளியீடு கடந்த மார்ச் மாதம் 8ஆம் திகதி 239 பேருடன் மலேசியத் தலைநகர் கோலாலம்பூரில் இருந்து சீன தலைநகர் பெய்ஜிங் நோக்கிப் பயணித்த மலேசியன் ஏர்லைன்ஸ் விமானம் எம்.ஹெச். 370 மாயானது.

பின்னர் அந்த விமானம் தெற்கு இந்தியப் பெருங்கடலில் வீழ்ந்து மூழ்கிவிட்டதாக மலேசிய அரசு அறிவித்தது.
இதையடுத்து இந்தியப் பெருங்கடலில் மாதக்கணக்கில் தேடுதல் பணிகள் நடந்து வருகின்றபோதிலும் இதுவரை விமானத்தின் பாகங்கள் எதுவும் கிடைக்கவில்லை.

இந்நிலையில், மாயமான விமானத்தின் பாதையைக் கண்டுபிடிக்க உதவிய இங்கிலாந்தைச் சேர்ந்த இன்மார்சாட் நிறுவனத்திடம் இருந்து பெறப்பட்ட செயற்கைக்கோள் தகவல்களை மலேசிய அரசு இன்று வெளியிட்டுள்ளது.
விமானத்தில் இருந்து செயற்கைக்கோளுக்கு வந்த சமிக்கைகளை வைத்து மலேசிய விமானம் தெற்கு இந்திய கடற்பகுதியில் வீழ்ந்தது என்பதைக் கூறியதே இந்த இன்மார்சாட் நிறுவனம் தான் என்பது குறிப்பிடத்தக்கது.
விமானம் கடலுக்குள் வீழ்ந்தது என்பதைத் தீர்மானிக்க உதவிய செயற்கைக்கோள் தகவல்களை வெளியிட மலேசியா முதலில் தயங்கியது.

இதையடுத்து, அந்தத் தகவல்களை வெளியிடுமாறு விமானத்தில் பயணம் செய்தவர்களின் குடும்பத்தினர் கோரிக்கை விடுத்தனர். அதன் பிறகே, செயற்கைக்கோள் தகவல்களை மலேசியா இன்று வெளியிட்டது என்பது குறிப்பிடத்தக்கது.

- See more at: http://www.canadamirror.com/canada/26700.html#sthash.4v575xmw.dpuf