[ புதன்கிழமை, 28 மே 2014, 08:13.45 AM GMT ]
இராவணா பலய அமைப்பின் பிக்குகள் அமைச்சுக்குள் புகுந்து அங்கு அமர்ந்து உள்ளிருப்பு போராட்டத்தில் ஈடுபட்டனர்.
அமைச்சின் அதிகாரிகளிடம் பேசிய இராவணா பலய அமைப்பினர், புதிய பொலிஸ் பிரிவு கலைக்கப்பட வேண்டும் என கோரினர்.
பிக்குமாரின் கோரிக்கை குறித்து அரசாங்கத்தின் உயர் அதிகாரிகளுடன் கலந்துரையாடி அரசாங்கம் தரும் பதிலின் அடிப்படையில் முடிவை எடுப்பதாக அமைச்சின் அதிகாரிகள் கூறியுள்ளனர்.
பெரும்பாலும் முஸ்லிம்களை இலக்கு வைத்து அண்மைய காலத்தில் நடந்த சம்பவங்களை தொடர்ந்தும் ஜனாதிபதி மகிந்த ராஜபக்ஷ இந்த புதிய பொலிஸ் பிரிவை ஏற்படுத்தினார்.
http://www.tamilwin.com/show-RUmsyFRcLZip3.html
நில ஆக்கிரமிப்புக்கு எதிராக கிளிநொச்சியில் கவனயீர்ப்பு போராட்டம்
[ புதன்கிழமை, 28 மே 2014, 07:20.11 AM GMT ]
கிளிநொச்சி அரச செயலகம் முன்பாக தமிழ் தேசிய மக்கள் முன்னணி மற்றும் தமிழ்த் தேசிய கூட்டமைப்பு ஆகியவை இணைந்து இந்தக்கவனயீர்ப்பு போராட்டத்தினை நடத்தியுள்ளன.
வலிகாமம் வடக்கு, கிளிநொச்சி பரவிப்பாஞ்சான், இரணைத்தீவு, கிளிநொச்சி கரும்புத்தோட்டம், முல்லைத்தீவு, கோப்பாபுலவு உட்பட இராணுவத்தால் ஆக்கிரமிக்கப்பட்ட நிலங்களில் இருந்து வெளியேறக்கோரியும், தமது சொந்த இடங்களில் மக்கள் வாழ வழிவகை செய்யக் கோரியும் இந்த கவனயீர்ப்புப் போராட்டத்தில் கோசங்களை மக்கள் பிரதிநிதிகளும் பாதிக்கப்பட்ட மக்களும் எழுப்பினர்.
இந்த கவனயீர்ப்பு போராட்டத்தில் தமிழ்த் தேசிய மக்கள் முன்னணியின் தலைவர் கஜேந்திரகுமார் பொன்னம்பலம், அக்கட்சியின் பிரதிநிதிகள், த.தே.கூட்டமைப்பின் பா.உறுப்பினர்களான சுரேஸ் பிரேமசந்திரன், சி.சிறீதரன் மற்றும் வடமாகாண சபை அமைச்சர்களான குருகுலராஜா, ஜங்கரநேசன், வடமாகாணசபை உறுப்பினர்கள், பிரதேச சபைகளின் தலைவர்கள் மற்றும் உறுப்பினர்கள் என பெருமளவோனார் கலந்து கொண்டு குரல் எழுப்பியிருந்தனர்.
http://www.tamilwin.com/show-RUmsyFRcLZip0.html
Geen opmerkingen:
Een reactie posten