1988 இல் புலிகளுடன் இணைந்து செயற்பட்டேன்! அமைச்சர் ராஜித

தேடப்படும் கொலையாளியை பிரதமர் மோடியிடம் மறைத்த மகிந்த

அமைச்சர் டக்ளஸ் தேவானந்தா இந்தியாவில் தேடப்படும் கொலை வழக்கு குற்றவாளி என்பதால் அவர் இக்குழுவில் இடம்பெறவில்லை என தெரியவருகிறது. அவருக்கு பதிலான யாழ். மாநகர மேயர் யோகேஸ்வரி இக்குழுவில் இடம்பெற்றுள்ளார்.

இந்திய தலைமை அமைச்சர் பதவியேற்பு விழாவுக்கு செல்லும் சிறிலங்கா அரசுத்தலைவர் மகிந்த ராசபக்ச தலைமையிலான குழுவில் யாழ். மாநகர சபை மேயர் யோகேஸ்வரி பற்குணராஜா, அமைச்சர் ஆறுமுகன் தொண்டமான் ஆகியோர் இடம்பெறுகிறார்கள் என புதுடில்லிக்கான இலங்கைத்தூதுவர் பிரசாத் காரியவசம் அறிவித்துள்ளார்.

இலங்கையில் தமது அரசு தமிழர்களுடன் நல்லிணக்க ஆட்சியை நடத்துகிறது என இந்தியாவிற்கு காட்டுவதற்காக வடமாகாண முதலமைச்சர் விக்னேஸ்வரனையும் தமது குழுவில் இணைந்து கொள்ளுமாறு மகிந்த ராசபக்ச அழைப்பு விடுத்திருந்தார். ஆனால் வடமாகாண முதலமைச்சர் அதற்கு மறுப்பு தெரிவித்திருந்த நிலையில் யோகேஸ்வரி பற்குணம், ஆறுமுகன் தொண்டமான் ஆகியோரை மகிந்த ராசபக்ச அழைத்து செல்கிறார்.

http://www.jvpnews.com/srilanka/70803.html

1988 இல் புலிகளுடன் இணைந்து செயற்பட்டேன்! அமைச்சர் ராஜித

1988ம் ஆண்டு தேர்தல் நடைபெற்ற காலத்தில் வாரத்திற்கு இரண்டு தடவைகள் வடக்கிற்கு விஜயம் செய்து தேர்தல் பிரச்சாரக் கூட்டங்களை நடத்தியிருந்தேன். ஈ.பி.ஆர்.எல்.எப் மற்றும் ஈரோஸ் போன்ற அமைப்புக்களுடன் இணைந்து தேர்தல் பிரச்சாரத்தில் ஈடுபட்டோம். சகல தமிழீழ விடுதலைப் புலி உறுப்பினர்களுடனும் இணைந்து நான் செயற்பட்டிருக்கின்றேன். பயங்கரவாதத்தை நான் நிராகரித்தேன். இந்திய இலங்கை உடன்படிக்கை கைச்சாத்திடப்பட்டது முதல் நான் தமிழ் மக்களுக்காக குரல் கொடுத்துள்ளேன் என அவர் தெரிவித்துள்ளார்.

விடுதலைப் புலிகளின் சகல உறுப்பினர்களுடனும் தான் இணைந்து செயற்பட்டிருப்பதாக, மீன்பிடி அமைச்சர் ராஜித சேனாரட்ன தெரிவித்துள்ளார். மத்துகமவில் நடைபெற்ற மக்கள் சந்திப்பொன்றின் கருத்து வெளியிட்ட அவர், இனவாதிகள் மற்றும் மதவாதிகளினால் நீண்ட காலத்திற்கு நிலைத்திருக்க முடியாது. கௌதம புத்தர் இனவாதம், மதவாதம் மற்றும் அடிப்படைவாதத்தை முற்று முழுதாக நிராகரித்தார். மனித நேயத்தை எவ்வாறு வளர்த்துக் கொள்வது என்பது பற்றியே கௌதம புத்தர் வழிகாட்டி வந்தார்.

http://www.jvpnews.com/srilanka/70810.html