புலி உறுப்பினர்களுக்கு எவ்வாறு ஐ.நா அகதி அந்தஸ்து வழங்கப்பட்டது என்பது குறித்து விசாரணை

இணையத்தளங்கள் பற்றி விசாரிக்க தனியான புலனாய்வுப் பிரிவு

[ புதன்கிழமை, 28 மே 2014, 06:59.27 AM GMT ]

அரசாங்கத்திற்கு எதிராக விமர்சனங்களை முன்வைக்கும் இணையத்தளங்கள் தொடர்பில் ஆராய பாதுகாப்பு பிரிவின் புலனாய்வு அதிகாரிகளை கொண்ட தனியான புலனாய்வுப் பிரிவு ஏற்படுத்தப்பட்டுள்ளது.

செய்தி இணையத்தளங்கள் ஊடாக அரசாங்கத்தின் செயற்பாடுகள் கடுமையாக விமர்சிக்கப்படுவதை தடுக்கவும் அதற்கு எதிராக எடுக்கப்பட வேண்டிய நடவடிக்கைகள் பற்றி ஆராயும் இந்த புலனாய்வுப் பிரிவு ஏற்படுத்தப்பட்டுள்ளது.

பொதுவாக சகல செய்தி இணையத்தளங்களில் வெளியாகும் செய்திகளை பகுப்பாய்வு செய்வது, இணையத்தளங்களின் ஊடகவியலாளர்கள், அவற்றின் உரிமையாளர்கள், அந்த இணையத்தளங்கள் பெறும் தொழிற்துட்ப வசதிகள் தொடர்பாக இந்த புலனாய்வுப் பிரிவு விசாரணை நடத்த உள்ளது.

அத்துடன் குறிப்பிட்ட சில இணையத்தளங்கள் பற்றி விசேட விசாரணைகள் நடத்தப்பட்டு வருவதாகவும் தெரியவருகிறது.

இந்த இணையத்தளங்களுக்கு இணையான பெயருள்ள இணையத்தளங்கள் பற்றியும் விசாரிக்க அதிகாரிகளுக்கு ஆலோசனை வழங்கப்பட்டுள்ளது.

குற்றப்புலனாய்வு திணைக்களத்தின் அதிகாரிகள் சில மாதங்கள் ரகசியமான விசாரணைகளை நடத்தி பின்னர், ஸ்ரீலங்கா மிரர் மற்றும் ஸ்ரீலங்கா எக்ஸ் நியூஸ் ஆகிய இணையத்தள அலுவலகங்களை முற்றுகையிட்டனர்.

அத்துடன் இந்த முற்றுகைக்கு முன்னர், குறித்த இணையத்தளங்களுக்கு எதிராக அரச ஊடகங்களில் அவதூறு பிரசாரங்கள் மேற்கொள்ளப்பட்டன. அரசாங்கத்திற்கு ஆதரவான ஊடகங்கள் தற்போதும் செய்தி இணையத்தளங்களுக்கு எதிராக அவதூறு பிரசாரங்களை முன்னெடுத்துள்ளன.

இன்போநெட் உட்பட 8 செய்தி இணையத்தளங்கள் எவ்விதமான நியாயமான காரணங்களும் இன்றி இலங்கை தொலைத் தொடர்புகளை ஒழுங்குப்படுத்தும் ஆணைக்குழுவினால் வாசகர்கள் பார்வையிட முடியாது தடை செய்யப்பட்டுள்ளன.

இந்த செயற்பாடுகளின் பின்னணியில் சில மோசடியான அரசியல்வாதிகள் மற்றும் பணத்திற்கு அடிபணிந்த அதிகாரிகள் இருப்பதாக தகவல்கள் தெரிவிக்கின்றன.

http://www.tamilwin.com/show-RUmsyFRcLZipz.html

புலி உறுப்பினர்களுக்கு எவ்வாறு ஐ.நா அகதி அந்தஸ்து வழங்கப்பட்டது என்பது குறித்து விசாரணை

[ புதன்கிழமை, 28 மே 2014, 02:20.51 AM GMT ]

தமிழீழ விடுதலைப் புலிகளின் சிரேஸ்ட உறுப்பினர்களுக்கு எவ்வாறு ஐக்கிய நாடுகள் அமைப்பின் அகதி அந்தஸ்து வழங்கப்பட்டது என்பது குறித்து விசாரணை ஆரம்பிக்கப்பட்டுள்ளதாக தெரிவிக்கப்படுகிறது.

மலேசிய பயங்கரவாத தடுப்புப் பிரிவினரும் இலங்கை புலனாய்வுப் பிரிவினரும் கூட்டாக இணைந்து இந்த விசாரணைகளை ஆரம்பித்துள்ளனர்.

தமிழீழ விடுதலைப் புலிகளின் வான்படைப் பிரிவு இரண்டாம் தலைவர் குஷான்தன் மற்றும் புலனாய்வுப் பிரிவு நான்காம் தலைவர் அன்தராயன் ஆகியோருக்கு எவ்வாறு ஐக்கிய நாடுகள் அகதிகளுக்கான உயர்ஸ்தானிகராலயம்

அகதி அந்தஸ்து வழங்கியது என்பது குறித்து விசாரணை நடத்பத்பட்டு வருவதாகத் தெரிவிக்கப்படுகிறது.

குறித்த இருவருக்கும் ஐக்கிய நாடுகள் அகதிகளுக்கான உயர்ஸ்தானிகராலயம் வழங்கும் அகதி அடையாள அட்டை வழங்கப்பட்டுள்ளது.

குஷான்தனின் கடவுச் சீட்டும் மீட்கப்பட்டுள்ளது.

சர்வதேச பொலிஸாரினால் தேடப்பட்டு வரும் குஷான்தன், தான் ஓர் சாதாரண பிரஜை எனத் தெரிவித்துள்ளார்.

கைது செய்யப்பட்ட இலங்கைக்கு நாடு கடத்தப்பட்ட புலி உறுப்பினர்களுக்கு, மலேசிய பிரிவினைவாதத் தலைவர் ஒருவர் ஒத்துழைப்பு வழங்கியுள்ளதாகத் தெரிவிக்கப்படுகிறது.

புலி உறுப்பினர்கள் கைது செய்யப்பட்டமையினால் புலம்பெயர் புலி ஆதரவாளர்கள் அதிர்ச்சியடைந்துள்ளதாக சிங்களப் பத்திரிகையொன்று செய்தி வெளியிட்டுள்ளது.

http://www.tamilwin.com/show-RUmsyFRcLZjx5.html