மீறல்கள்: கலிபோனியாவில் உள்ள கோட்டபாயவின் வீட்டில் அமெரிக்க அதிகாரிகள் சோதனை !

donderdag 8 mei 2014

கலிபோனியாவில் உள்ள கோட்டபாயவின் வீட்டில் அமெரிக்க அதிகாரிகள் சோதனை !

இரட்டை குடியுரிமை பெற்றுள்ள இலங்கையின் பாதுகாப்புச் செயலாளர், கோட்டபாய ராஜபக்ஷவுக்கு அமெரிக்காவில் வீடு ஒன்று உள்ளது. 1 மில்லியன் அமெரிக்க டாலர் பெறுமதியான இந்த வீட்டை அவர், தனது மனைவி அயோமா ராஜபக்ஷவின் பெயரில் பதிந்து வைத்துள்ளார். அமெரிக்காவில் உள்ள, கலிபோனியா மாநிலத்தில் உள்ள சான் -டீமாஸ் என்னும் நகரில் கோட்டபாயவின் வீடு உள்ளது. இங்கே சில அதிகாரிகள் சென்று, அங்கு தற்போது வசிக்கும் பெண்மணி ஒருவரை பல கேள்விகள் கேட்டதாகவும், சில சோதனைகளை நடத்தியதாகவும், தூதரக வட்டாரங்களில் இருந்து செய்திகள் கசிந்துள்ளது. அமெரிக்காவில் உள்ள இலங்கை தூதரகம் மேற்படி, இத்தகவலை இலங்கைக்கு அனுப்பியுள்ளதகா கொழும்பில் இருந்து கிடைக்கும் செய்திகள் மேலும் தெரிவிக்கின்றன.

குறித்த அதிகாரிகள் கோட்டபாய தொடர்பாக விசாரித்துவிட்டு, அந்த அறிக்கையை தாம் ஐரோப்பிய ஒன்றியத்தில் உள்ள நாடு ஒன்றுக்கு, அனுப்ப உள்ளதாகவும் கூறியுள்ளார்கள். எந்த நாட்டு அதிகாரிகள், இல்லை என்றால் எந்த நாடு கேட்டுக்கொண்டதற்கு அமைவாக இந்த விசாரணை அமெரிக்காவில் நடைபெற்றது என்பது தொடர்பாக எச்செய்தியும் இதுவரை தெளிவாக வெளியாகவில்லை என்பது, இங்கே குறிப்பிடத்தக்க விடையம் ஆகும். ஊடகங்களில் பலமுறை கோட்டபாடவைப் பற்றி செய்திகள் வெளியாகியுள்ளது. ஆனால் அவரது மனைவை தொடர்பான செய்திகள் வெளியாவது மிகக்குறைவாகவே உள்ளது. இதோ அவரது கலிபோனியா வீடு, மனைவி ஆகியோரின் புகைப்படங்களையும் , நாம் அதிர்வின் வாசகர்களுக்காக இங்கே இணைத்துள்ளோம் பாருங்கள்.

புலம்பெயர் நாட்டில் உள்ள தமிழர்களை வேவுபார்த்து, பட்டியலை தயாரித்து வெளிவிடும் கோட்டபாய ராஜபக்ஷ, தமிழர்கள் நினைத்தால் எதனையும் அறிந்துவிடுவார்கள் என்பதனையும் சற்று தெரிந்திருக்கட்டுமே !