3 பேரின் கொலையும் அமெரிக்க அறிக்கையும் திடுக்கிடும் தகவல் அம்பலம் !

சென்னையில் ஊடுருவிய, பாகிஸ்தான் உளவாளி: பல திடுக்கிடும் தகவல் ...

01 May, 2014 by admin

சென்னையில் ஊடுருவிய, பாகிஸ்தான் உளவு அமைப்பான, ஐ.எஸ்.ஐ.,யின் உளவாளியை, தமிழக, 'க்யூ' பிரிவு போலீசார் நேற்று முன்தினம் இரவு, சுற்றி வளைத்தனர். இவன், இலங்கையை சேர்ந்தவன்.அவன் சேகரித்து அனுப்பிய தகவல்களின் அடிப்படையில், சென்னையில் உள்ள அமெரிக்க துணை தூதரகம், பெங்களூரில் உள்ள இஸ்ரேல் துணை தூதரகத்தை, குண்டு வைத்து தகர்க்கும், ஐ.எஸ்.ஐ.,யின் நாசவேலை திட்டம் 
முறியடிக்கப்பட்டுள்ளது.

'லோக்சபா தேர்தலுக்கு பிறகு, தமிழகத்தில், பயங்கரவாதிகள் தாக்குதல் நடத்தக் கூடும்' என, மத்திய உளவுப்பிரிவு போலீசார், தமிழக உளவுப்பிரிவு, தீவிரவாதிகளை கண்காணிக்கும், 'க்யூ' பிரிவு மற்றும் பயங்கரவாத தடுப்பு பிரிவு போலீசாருக்கு, தகவல் கொடுத்தனர்.அதன் அடிப்படையில், சென்னை, திருவல்லிக் கேணி, மண்ணடி, பெரியமேடு உள்ளிட்ட பகுதிகளை, க்யூ பிரிவு போலீசார் மாறுவேடத்தில் கண்காணித்து வந்தனர்.மண்ணடியில் ஒரு லாட்ஜில் தங்கியிருந்த வாலிபன் மீது, க்யூ பிரிவு போலீசாருக்கு சந்தேகம் ஏற்பட்டது. அவனின் நடவடிக்கையை ரகசியமாக கண்காணிக்க துவங்கினர்.அவன், பாகிஸ்தானின் உளவு அமைப்பான, ஐ.எஸ்.ஐ.,யின் உளவாளி; சென்னையில் பதுங்கி, சதிச்செயலுக்கு உளவு பார்க்கிறான் என, தெரிய வந்ததும், நேற்று முன் தினம் இரவு, அவனை சுற்றி வளைத்தனர்.

ஆட்டோவில் தப்பி ஓட்டம்: 

போலீசார் நெருங்கி விட்டதை அறிந்த அவன், ஆட்டோவில் தப்பினான். சேப்பாக்கம், சிவானந்தம் சாலையில் உள்ள தொலைக்காட்சி நிலையம் அருகே அந்த ஆட்டோ வந்த போது, அங்கு மாறுவேடத்தில் இருந்த போலீசார், அவனை மடக்கி பிடித்து கைது செய்தனர். அவனிடம் போலீசார் நடத்திய விசாரணையில் அதிர்ச்சி தகவல்கள் கிடைத்தன:

அதன் விவரம் வருமாறு:

அந்த வாலிபன், இலங்கையை சேர்ந்த முகமது ஜாகீர் உசேன், 37; பட்டதாரி. அவனது மனைவி பெயர் பாத்திமா ரியசா. இரண்டு குழந்தைகள் உள்ளன.இலங்கையில் உள்ள, பாகிஸ்தான் துணை தூதரக அதிகாரி, அமீர் சுபேர் சித்திக் என்பவரின் நட்பு, ஜாகீர் உசேனுக்கு கிடைத்தது. ஜாகீர் உசேனை, பாகிஸ்தான் உளவாளியாக மாற்ற, சித்திக் முடிவு செய்தார். அதற்கு, ஜாகீர் உசேனும் சம்மதம் தெரிவித்தான். இதையடுத்து, ஜாகீர் உசேன், தூதரக உயர் அதிகாரி பாஸ் என்ற ஷாவிடம் அழைத்து செல்லப்பட்டான். ஷா மற்றும் சித்திக் ஆகியோரும், ஐ.எஸ்.ஐ., உளவு அமைப்பினரும், ஜாகீர் உசேனுக்கு, இரண்டு ஆண்டுகளாக, உளவு தகவல் சேகரிப்பது தொடர்பாக கடும் பயிற்சி அளித்தனர்.

விசாகப்பட்டினம் உள்ளிட்ட இந்திய நகரங்களின் வரைபடங்கள் அளிக்கப்பட்டன. மேலும், அந்த நகரங்களில், குண்டு வைத்து தகர்க்க வேண்டிய இடங்கள் பற்றியும் சொல்லி தரப்பட்டது.மேலும், சேகரித்த தகவல்களை, செயற்கைக் கோள் போன் மற்றும் 'இ-மெயில்' மூலம் சங்கேத மொழியில் அனுப்புவது குறித்து கற்றுத் தரப்பட்டது. தொடர் பயிற்சி காரணமாக, ஜாகீர் உசேன் அவற்றில் நிபுணத்துவம் பெற்றான்.அவனுக்கு, சென்னை யில் உள்ள அமெரிக்க துணை தூதரகம், பெங்களூரில் உள்ள இஸ்ரேல் துணை தூதரகம், கொச்சி, விசாகப்பட்டினத்தில் உள்ள கடற்படை அலுவலகங்களை குண்டு வைத்து தகர்ப்பது தொடர்பான பணி தரப்பட்டது. 

6 மாதங்களாக... 

அதற்காக அவனுக்கு, முதல் கட்டமாக, இலங்கை கரன்சி மதிப்பில், 20 ஆயிரம் ரூபாய்தரப்பட்டது. தகர்ப்பு பணியை வெற்றிகரமாக முடித்தால், ஒரு கோடி ரூபாய் தருவதாக, பாகிஸ்தான் தூதரக அதிகாரிகள் தெரிவித்துள்ளனர்.இதையடுத்து, ஆறு மாதங்களுக்கு முன், சென்னை வந்த ஜாகீர் உசேன், மண்ணடியில் தங்கினான். மருந்து மற்றும் துணி வியாபாரம் செய்வது போல் போக்கு காட்டி, அமெரிக்க துணை தூதரகத்திற்கு அளிக்கப்பட்டுள்ள பாதுகாப்பு; அங்குள்ள நுழைவு வாயில்கள்; விமான நிலையத்தில் இருந்து, தூதரகம் எவ்வளவு தூரத்தில் உள்ளது; கடல் வழியாக சென்னைக்குள் ஊடுருவும் விதம் குறித்த தகவல்களை சேகரித்து, புகைப்படங்களுடன், இலங்கைக்கு அனுப்பி வைத்துள்ளான்.

நாசவேலை முறியடிப்பு :

அவன் கொடுத்த தகவலின் அடிப்படையில், சென்னை மற்றும் பெங்களூரு உள்ளிட்ட நகரங்களுக்கு, கடல் மற்றும் வான்வழி மார்க்கமாக, பயங்கரவாதிகளை அனுப்ப, பாகிஸ்தான் உளவு அமைப்பான ஐ.எஸ்.ஐ., அமைப்பு தயாரானது.இந்த சூழ்நிலையில் தான், ஜாகீர் உசேனை, க்யூ பிரிவு போலீசார் கைது செய்துள்ளனர். அதனால், பெரும் நாசவேலை முறியடிக்கப்பட்டுள்ளது.பலி எண்ணிக்கைக்கு ஏற்ப பணம் உளவாளி தந்த அதிர்ச்சி தகவல்:''பலி எண்ணிக்கைக்கு ஏற்ப பணம் தருவதாக, பாகிஸ்தான் தூதரக அதிகாரிகள் உறுதி அளித்தனர்,'' என, சென்னையில் சிக்கிய பாகிஸ்தான் உளவாளி, ஜாகீர் உசேன், வாக்குமூலம் அளித்துள்ளான்.அவன் போலீசாரிடம் அளித்துள்ள வாக்குமூலம்: மும்பையில் நடந்த பயங்கரவாத தாக்குதலுக்கு பிறகு, பாகிஸ்தான் உளவு அமைப்பான ஐ.எஸ்.ஐ., சென்னை, பெங்களூர், கொச்சி, விசாகப்பட்டனம் உள்ளிட்ட நகரங்களிலும் தாக்குதல் நடத்த முடிவு செய்தது.அதற்காக, உளவாளிகளாக, நான் உட்பட பலர், இந்தியாவிற்குள் ஊடுருவினோம். 

நான் சென்னையில் தங்கி, அதற்கான பணிகளில் ஈடுபட்டேன். மற்றவர்கள் மீண்டும் இலங்கைக்கு சென்று விட்டனர்.திட்டப்படி தாக்குதல் நடத்த, சில வாரங்கள் மட்டுமே இருந்ததால், சென்னையில், பாகிஸ்தான் பயங்கரவாதிகளை தங்க வைக்க வாடகை வீடு பார்த்து வந்தேன்.மேலும், இவ்வளவு பெரியவேலையை, உள்ளூரில் இருப்பவர்களின் உதவி இல்லாமல் செய்ய முடியாது என்பதால், சில உள்ளூர் வாலிபர்களை மூளைச் சலவை செய்து தயார்படுத்தினேன்.அவர்களை பற்றியும், சென்னையில் எனக்கு அடைக்கலம் கொடுத்தவர்களின் விவரங்களை, இலங்கையில் உள்ள பாக்., தூதரக அதிகாரிகள் மற்றும் ஐ.எஸ்.ஐ., உளவு அமைப்பினருக்கு அனுப்பி வைத்துள்ளேன். நாசவேலை வெற்றிகரமாக நடந்து, அதிகளவில் உயிர் பலி ஏற்பட்டால், பலி எண்ணிக்கைக்கு ஏற்ப, பேசிய தொகையை விட, அதிகளவில் பணம் தருவதாகவும், இலங்கையில் உள்ள தூதரக அதிகாரிகள் உறுதி அளித்து இருந்தனர்.இவ்வாறு, அவன் தெரிவித்துள்ளான்.

எந்த பிரிவில் வழக்கு பதிவு ?

நாசவேலைக்கு உளவு பார்த்த ஜாகீர் உசேன் மீது, பயங்கரவாத தடைச்சட்டத்தின், 120 பி(கூட்டு சதி), 480(அரசு ஆவணங்களை சட்ட விரோதமாக வைத்து இருத்தல்) உள்ளிட்ட பிரிவுகளின் கீழ் வழக்கு பதிவு செய்யப்பட்டுள்ளது.ஜாகீர் உசேனிடமிருந்து, 1,000 ரூபாய் கள்ள நோட்டுகள், இரண்டு; 500 ரூபாய் கள்ள நோட்டுகள், இரண்டு; நான்கு செயற்கைக்கோள் போன்கள்; 'லேப்-டாப்' ஆகியவை பறிமுதல் செய்யப்பட்டுள்ளன.ஜாகீர் உசேன், சில ஆண்டுகளுக்கு முன், திருச்சி விமான நிலையத்தில், போலி பாஸ்போர்ட் வைத்திருந்ததாக பிடிபட்டு தப்பியுள்ளான். தற்போது அவன் வைத்து இருந்தது இலங்கையில் அளிக்கப்பட்ட ஒரிஜினல் பாஸ்போர்ட்.

http://www.athirvu.com/target_news.php?getnews=news&action=fullnews&showcomments=1&id=6770

3 பேரின் கொலையும் அமெரிக்க அறிக்கையும் திடுக்கிடும் தகவல் அம்பலம் !

01 May, 2014 by admin

கடந்த சில மாதங்களுக்கு முன்னர், நெடுங்கேணியில் உள்ள காட்டில், மூன்று தமிழ் இளைஞர்களை இலங்கை இராணுவம் சுட்டுக்கொன்றது. இவர்கள் அனைவரும் முன் நாள் விடுதலைப் புலிகள் உறுப்பினர் என்பதுபோக, அவர்கள் புலிகள் இயக்கத்தை மீள கட்டியெழுப்ப உள்ளார்கள் என்ற கதையை தான் இலங்கை இராணுவம் பாரிய பரப்புரையாக மேற்கொண்டு வந்தது. இதற்கான விடை தற்போது அம்பலமாகியுள்ளது. இந்த நாடகம் அனைத்தும் மிக மிக துல்லியமாக திட்டமிடப்பட்டு நடத்தப்பட்டு உள்ளது. அமெரிக்கா வருடாந்தம் வெளியிட்டு வரும் பயங்கரவாதிகள் தொடர்பான அறிக்கையில், எது இடம்பெறவேண்டும் என்று இலங்கை அரசு விரும்பியதோ அது தற்போது நடந்துள்ளது ! ஆக மொத்தத்தில் இந்த அறிக்கையை குறிவைத்து தான் தமது தடுப்புக்காவலில் இருந்த, இம்மூவரையும் இலங்கை இராணுவம் சுட்டுக்கொன்றுள்ளது ! சரி வாருங்கள் விடையத்திற்கு போகலாம்.

அமெரிக்க இரட்டைக்கோபுரத் தகர்ப்புக்குப் பின்னர், அமெரிக்கா அரசு பல இயக்கங்களை பயங்கரவாதிகள் பட்டியலில் இட்டது யாவரும் அறிந்ததே. இதனையடுத்து அமெரிக்காவின் நட்பு நாடுகளும் அவ்வியக்கங்களை தாமும் பயங்கரவாதிகள் பட்டியலில் இட்டன. இதில் புலிகள் இயக்கமும் சேர்க்கப்பட்டது மிகவும் துரதிஷ்டவசமானதாகும். இதுவே எமது போராட்டம் அழிய முதல் காரணமாகவும் அமைந்தது. 2002ம் ஆண்டு முதல் இன்றுவரை இந்தப் பயங்கரவாதிகள் பட்டியலில் புலிகள், இயக்கத்தின் பெயர் இருந்துவருகிறது. 2009ம் ஆண்டு புலிகளை யுத்தரீதியாக இலங்கை அரசு வென்றாலும், இலங்கையில் புலிகள் மீள இணைகிறார்கள் என்ற பொய்யான ஒரு தோற்றப்பட்டை, இலங்கை அரசு திட்டமிட்டே ஏற்படுத்தி வருகிறது. அதாவது எப்பாடுபட்டாவது , புலிகளுக்கான சர்வதேச தடையை நீடிக்கவேண்டும் என்பதில் இலங்கை அரசு உறுதியாக உள்ளது. 

ஆனால் அதனை தக்கவைக்க இலங்கை பெரும் நாடகங்களை ஆடிவருகிறது. 2013ம் ஆண்டுக்கான பயங்கரவாதப் பட்டியல் அறிக்கையை, அமெரிக்கா தயாரித்து வந்தது. இறுதி வரைபுகள் கடந்த மார்ச் மாதம் முதல் எழுதப்பட்டு வந்தது. இன் நிலையில் தான், தாம் தேய்வீகன், அப்பன், கோபி போன்றவர்களை தேடுவதாகவும், அவர்கள் தப்பிவிட்டார்கள் என்றும் பல கட்டுக்கதைகளை இலங்கை அரசு திட்டமிட்டு களமிறக்கியது. இறுதியில் அவர்களை பாரிய இராணுவ நடவடிக்கையூடாக சுட்டுக்கொன்றதாக , இலங்கை அரசு அறிவித்தது. இச்செய்திகள் முறையாக ஆவணப்படுத்தப்பட்டு , கொழும்பில் உள்ள அமெரிக்க தூதரகத்திற்கு அனுப்பப்பட்டுள்ளது. அவ்வப்போது நடைபெறும் இந்த சம்பவம் தொடர்பாக, முழுத் தகவல்களையும் அமெரிக்க ராஜாங்கத் திணைக்களத்திற்கு இலங்கை அரசு வழங்கிவந்துள்ளது.

அமெரிக்க வெளியுறவுத்துறை தயாரித்த இந்த பயங்கரவாதிகள் தொடர்பான அறிக்கை, நேற்றைய தினம்(ஏப்பிரல் 30) அமெரிக்க செனட் சபை முன் சமர்பிக்கப்பட்டுள்ளது. இதில் இலங்கை தொடர்பாக நீண்ட தகவல் வெளியாகியுள்ளது. அதில் புலிகள் மீள இணைவதாகவும், இதனையிட்டு இலங்கை அரசு பெரும் கவலையில் உள்ளதாகவும் நேரடியாக குறிப்பிடப்பட்டுள்ளது. எனவே இலங்கை அரசு எதனைக் குறிவைத்ததோ அது நடந்து முடிந்துள்ளது. அமெரிக்கா தடையை நீடிக்கும், அதேவேளை அமெரிக்காவை பின்பற்றி ஏனைய பல நாடுகளும் தடையை நீடிக்கும். இதுவே நடந்து முடிந்துள்ளது. இதனை தவிர , மேலும் பல இரகசிய விடையங்களை, இந்த அறிக்கை அம்பலப்படுத்தியும் உள்ளது. இலங்கை அரசுக்கு 2013ம் ஆண்டில் அமெரிக்க அதிகாரிகள் வழங்கிய பயிற்சி தொடர்பாகவும் குறிப்பிடப்பட்டுள்ளது. 

இது இவ்வாறு இருக்க, அமெரிக்காவால் வருடந்தோறும் வெளியிடப்படும் இந்த அறிக்கைய, குறிவைத்தே 3 தமிழ் இளைஞர்களை இலங்கை இராணுவம் சுட்டுக்கொன்றுள்ளது என்பது தற்போது வெளிச்சத்திற்கு வந்துள்ளது. இது இலங்கை- அமெரிக்க கூட்டு சதியா ? என்பது தெரியவில்லை. ஆனால் ஒன்று மட்டும் புரிகிறது. புலிகள் இயக்கத்தை தொடர்ந்து தடைசெய்வதன் மூலம், தமிழர்களின் நியாயமான போராட்டத்தை அமெரிக்க ஏகாதிபத்தியம் உட்பட பல நாடுகள் நசுக்க முனைகிறது என்பது தான் அவ்விடையம் ஆகும்.

http://athirvu.com/target_news.php?getnews=news&action=fullnews&showcomments=1&id=6769