கிழக்கில் எந்தப் பிரச்சனையும் இல்லை: ஆனால் வடக்கிற்காக 9,000 போராளிகளை இழந்தோம் !

கோத்தாபயவின் பின்னால் ஒழிந்து கொண்டுள்ள NGO க்கள்: வன்னிப் போரில் என்ன செய்தார்கள் !

[ Sep 10, 2014 01:43:59 PM | வாசித்தோர் : 9725 ]

சர்வதேச சமூகத்தின் கவனத்தை திசைதிருப்புவதற்காக இலங்கையின் சில அரசசார்பற்ற அமைப்புகள் ஒன்றுசேர்ந்து வன்னிப்போரின் இறுதிதருணங்களில் நிகழ்ந்தவை குறித்த புதியகதைகளை முன்வைப்பதாக மனிதஉரிமை பணியாளர் நிமல்கா பெர்ணாண்டோ குற்றம்சாட்டியுள்ளார். இந்த அமைப்புகள் பாதுகாப்பு செயலாளருடன் தொடர்பு கொண்டுள்ளதாகவும் அவர் குற்றம்சாட்டியுள்ளார்.

மனிதஉரிமை பாதுகாவலர் சுனிலா அபயசேகர நினைவுப்பேரூரையை நேற்று கொழும்பில் ஆற்றிய வேளையே அவர் இதனை தெரிவித்தார். அண்மையில் மார்கா அமைப்பும், இலங்கையின் மனித நேயஅமைப்புகளின் கூட்டமைப்பும் இணைந்து வெளியிட்ட அறிக்கை தொடர்பாகவே அவர் இந்த கருத்தை வெளியிட்டுள்ளார். தேர்ட் நரேட்டிவ் என்ற இந்த அறிக்கை பொதுமக்களுக்கு ஏற்பட்ட உயிரிழப்புகளுக்கு புலிகளை குற்றம்சாட்டியிருந்தது குறிப்பிடத்தக்கது.

http://www.athirvu.com/newsdetail/970.html

புலிகளை விடவும் முஸ்லிம் கடும்போக்குவாதம் ஆபத்தானது – பொதுபலசேனா !

[ Sep 10, 2014 02:21:46 PM | வாசித்தோர் : 4110 ]

தமிழீழ விடுதலைப் புலிகளை விடவும் முஸ்லிம் கடும்போக்குவாதம் ஆபத்தானது என பொதுபல சேனா இயக்கம் தெரிவித்துள்ளது. தமிழீழ விடுதலைப் புலிகளுடனான 30 ஆண்டுகால யுத்தத்தில் ஏற்பட்ட இழப்புக்களை விடவும் அதிகளவு இழப்புக்கள் முஸ்லிம் கடும்போக்குவாதத்தின் ஊடாக ஏற்படக் கூடுமென பொதுபல சேனா இயக்கத்தின் தேசிய அமைப்பாளர் விதாரான்தெனிய நந்த தேரர் தெரிவித்துள்ளார்.

அதிகாரிகள் முஸ்லிம் கடும்போக்குவாதம் பரவுவதனை தடுக்க நடவடிக்கை எடுக்கப்பட வேண்டுமென குறிப்பிட்டுள்ளார்.

முஸ்லிம் கடும்போக்குவாத சக்திகள் சஹரிய சட்டத்தை அமுல்படுத்த முயற்சித்து வருவதாகக் குற்றம் சுமத்தியுள்ளார். இலங்கையின் சில வங்கிகளில் சஹரிய சட்டம் அமுல்படுத்தப்பட்டு வருவதாகவும் இதனை தடுத்த நிறுத்த நடவடிக்கை எடுக்கப்பட வேண்டுமெனவும் அவர் கோரியுள்ளார். நாட்டில் சஹரிய சட்டத்தை அமுல்படுத்த அமைச்சர் ரவூப் ஹக்கீம், அசாத் சாலி, மிலிந்த மொரகொட, அலவி மௌலானா போன்றவர்கள் ஆதரவளித்து வருவதாக தெரிவித்துள்ளார்.

http://www.athirvu.com/newsdetail/971.html

கிழக்கில் எந்தப் பிரச்சனையும் இல்லை: ஆனால் வடக்கிற்காக 9,000 போராளிகளை இழந்தோம் !

[ Sep 10, 2014 02:32:29 PM | வாசித்தோர் : 14645 ]

வடக்கு கிழக்கு என்று பிரதேசவாதம் பேசியே, இலங்கை தமிழர்களை சீரழித்த மனிதர் கருணா. கிழக்கு மாகாணத்தில் எங்களுக்கு எந்தப் பிரச்சினையும் இருந்திருக்கவில்லை. ஆனால், வடபகுதியில் உள்ளவர்களின் பிரச்சினைகளுக்காக நாங்கள் அங்கு சென்று போராடினோம்' என கருணா தெரிவித்துள்ளார். இந்த அநாவசியப் போராட்டத்தால் கிழக்கு மாகாணத்திலிருந்த தமது உறவுகளான 9,000 போராளிகளை இழந்துள்ளதாகவும் அவர் கூறினார். ஆனையிறவு மற்றும் ஜயசிக்குறு சமரில் 6,000 இற்கும் மேற்பட்ட கிழக்கு மாகாணப் போராளிகள் பலியாகினர். இழந்த உறவுகள் விலை மதிப்பிடமுடியாத சொத்துக்கள் எனவும் அவர் கூறினார்.

மட்டக்களப்பு மாவட்டத்தின் பட்டிப்பளை பிரதேச செயலாளர் பிரிவுக்கு உட்பட்ட முதலைக்குடாவில் பொருளாதார அபிவிருத்தி அமைச்சின் 'ஒரு கிராமத்துக்கு ஒரு வேலைத்திட்டத்தின் கீழ் பொது விளையாட்டு மைதான புனரமைப்பு வேலைகள் செவ்வாய்க்கிழமை (09.09.14) ஆரம்பமாகியது. இதன்போது உரையாற்றுகையிலேயே கருணா மேற்கண்டவாறு தெரிவித்துள்ளார். ஆனால் இவர் ஒரு விடையத்தை மறந்து விட்டார். அது என்னவென்றால், இவர் சொல்லும் கிழக்கு மாகாணப் போராளிகள் எவரும் கருணாவுக்காக போராடவில்லையே. அவர்கள் விடுதலைப் புலிகள் இயக்கத்தில் இணைந்து, தேசிய தலைவரின் வழிநடத்தலில் போராடினார்கள். இன்றுவரை வடக்கத்தையான் , கிழக்கத்தையான் என்று பிரதேசம் பேசி தமிழர்களை பிரித்து வருவது கருணா தான்.

அது தான் சிங்களத்தின் தேவையாகவும் உள்ளது. இதனையே கருணா கோட்டபாயவுடன் இணைந்து செயல்படுத்தி வருகிறார்.

http://www.athirvu.com/newsdetail/972.html