100 கோடி தண்டம் 4 வருட சிறைத்தண்டனை: பெங்களூரில் ஜெயலலிதா கைது !

பெங்களூரில் உள்ள நீதிமன்றத்திற்கு அருகாமையில் பாரிய சிறைச்சாலை ஒன்று உள்ளது. அனைத்தும் திட்டமிட்ட வகையில் தான் நடந்தேறியுள்ளது. வழக்கின் தீர்ப்பை சனிக்கிழமைக்கு மாற்றி, சுமார் 6,000 பொலிசாரை முன்னரே காவலில் நிறுத்தியுள்ளார்கள். அத்தோடு தமிழ் நாட்டு இலக்க தகடு உள்ள வாகனம் எதனையும், பெங்களூர் செல்ல அனுமதிக்கவும் இல்லை. சாதாரண பயணிகளையே பொலிசார் அனுமதித்தார்கள். இதேவேளை தீர்ப்பு வழங்கப்படும் வேளை நீதிமன்றம் வரவேண்டும் என்றும் அழைப்பு விடுக்கப்பட்டது. இதனை ஏற்று ஜெயலலிதா உட்பட மூவரும் பெங்களூர் சென்றார்கள்.

முதலில் இந்திய நேரப்படி 4.00 மணிக்கு ஜெயலலிதா குற்றவாளி என்று அறிவித்தார்கள். தீர்ப்பு வழங்கப்பட்ட மறு நிமிடமே அவரை பொலிசார் கைதுசெய்து விட்டார்கள் என்று கூறப்படுகிறது. ஜெயலலிதாவோடு கைதான சசிகலா, சுதாகரன் , மற்றும் இளவரசி ஆகியோருக்கு தலா 4 ஆண்டுகளும், 10 கோடி ரூபா தண்டப் பணமும் தீர்ப்பாக வழங்கப்பட்டுள்ளது. சொத்துக் குவிப்பு வழக்கை முதன் முதலாக, சுப்பிரமணிய சுவாமி தான் ஜெயலலிதாவுக்கு எதிராக தொடுத்தார் என்பது குறிப்பிடத்தக்க விடையம் ஆகும். தற்போது குற்றவாளி என்று தீர்ப்பு வழங்கப்பட்டுள்ளதால், முதல் அமைச்சர் பதவியை இழக்கிறார் செல்வி ஜெயலலிதா. அத்தோடு அவர் 10 ஆண்டுகளுக்கு அரசியலில் ஈடுபடவும் முடியாது.

எனவே இடைக்கால முதல் அமைச்சராக ஒ.பன்னீர் செல்வம் அல்லது, சீலா நாயர் வரலாம் என்று கூறப்படுகிறது.

http://www.athirvu.com/newsdetail/1100.html

சொத்துக் குவிப்பு வழக்கு: ஜெயலலிதா குற்றவாளி-

[ Sep 27, 2014 02:53:08 PM | வாசித்தோர் : 18335 ]

பெங்களூர்:

வருமானத்துக்கு அதிகமாக சொத்து குவித்த வழக்கில் தமிழக முதல்வர் ஜெயலலிதா குற்றவாளி என்று பெங்களூர் சிறப்பு நீதிமன்றம் இன்று அதிரடியாக தீர்ப்பளித்துள்ளது. அவருக்கான தண்டனை விவரம் இன்னும் சிறிது நேரத்தில் அறிவிக்கப்பட இருக்கிறது. கடந்த 1991 முதல் 1996 வரை முதலமைச்சராக பதவி வகித்தபோது, ஜெயலலிதா வருமானத்துக்கு அதிகமாக சொத்து சேர்த்ததாக 1996-ம் ஆண்டு சுப்ரமணியன் சுவாமி நீதிமன்றத்தில் வழக்கு தொடுத்தார். அப்போது தொடங்கி சுமார் 18 ஆண்டுகள் வரை இந்த வழக்கு சென்னை மற்றும் பெங்களூருவில் அமைக்கப்பட்ட சிறப்பு நீதிமன்றங்களில் நடைபெற்றது.

குற்றம்சாட்டப்பட்ட ஜெயலலிதா, சசிகலா, சுதாகரன், இளவரசி ஆகியோர் பெங்களூரு சிறப்பு நீதிமன்றத்தில் நேரில் ஆஜராகி விளக்கமளித்தனர். இந்நிலையில், பெங்களூரு சிறப்பு நீதிமன்ற நீதிபதி மைக்கேல் டி.குன்ஹா, பரப்பன அக்ரஹாரம் பகுதியில் உள்ள நீதிமன்ற வளாகத்தில் இன்று காலை 11 மணிக்கு இந்த சொத்துக் குவிப்பு வழக்கின் தீர்ப்பை வெளியிடுவதாக அறிவித்திருந்தார். இதனால் பரப்பன அக்ரஹார நீதிமன்ற வளாகம் மற்றும் தமிழக-கர்நாடக எல்லையில் சுமார் 6 ஆயிரம் போலீசார் பாதுகாப்பு பணியில் ஈடுபடுத்தப்பட்டிருக்கின்றனர். மேலும் தமிழக-கர்நாடக எல்லை மற்றும் பரப்பன அக்ரஹாரா நீதிமன்ற வளாகம் உள்ளிட்ட இடங்களில் 6 ஆயிரம் போலீசார் பாதுகாப்பு பணியில் ஈடுபட்டுள்ளனர்.

பரப்பன அக்ரஹார பகுதியில் 144 தடை உத்தரவு விதிக்கப்பட்டது. இந்த நிலையில் இன்று காலை நீதிமன்றத்தில் ஜெயலலிதா, சசிகலா, இளவரசி, சுதாகரன் ஆகியோர் ஆஜராகினர். ஆனால் 11 மணிக்கு தீர்ப்பளிக்கப்படவில்லை. பின்னர் பிற்பகல் 2.15 மணியளவில் செய்தியாளர்களிடம் பேசிய அரசு வழக்கறிஞர் பவானிசிங், இந்தவழக்கில் ஜெயலலிதா, சசிகலா, இளவரசி, சுதாகரன் ஆகியோர் குற்றவாளிகள் என்று நீதிபதி குன்ஹா தீர்ப்பளித்ததாக தெரிவித்தார். ஜெயலலிதா உள்ளிட்டோருக்கான தண்டனைக்காலம் இன்னும் சிறிது நேரத்தில் அறிவிக்கப்பட இருக்கிறது. இந்தத் தீர்ப்பால் ஜெயலலிதா தனது முதல்வர் பதவியையும் எம்எல்ஏ பதவியையும் உடனடியாக இழக்கிறார். அவர் கைது செய்யப்பட்டு சிறையில் அடைக்கப்படுவார்.

http://www.athirvu.com/newsdetail/1099.html