தமிழ்த் தேசியக் கூட்டமைப்பின் சங்கிலி தொடர் கலந்துரையாடல்கள்

ரணில் நாளையதினம் இங்கிலாந்திற்கு விஜயம் செய்யவுள்ளார்

[ ஞாயிற்றுக்கிழமை, 28 செப்ரெம்பர் 2014, 02:23.58 AM GMT ]

எதிர்க்கட்சித் தலைவர் ரணில் விக்ரமசிங்க நாளையதினம் இங்கிலாந்திற்கு விஜயம் செய்யவுள்ளார்.

ஒரு வார காலத்திற்கு ரணில் விக்ரமசிங்க இங்கிலாந்தில் தங்கியிருப்பார் என கட்சி வட்டாரத் தகவல்கள் தெரிவிக்கின்றன.

இங்கிலாந்தின் பல முக்கிய அரசியல்வாதிகளுடன் ரணில் சந்திப்பு நடத்தவுள்ளார்.

இங்கிலாந்து வாழ் இலங்கையர்களுடனும் சந்திப்பு நடத்தப்படவுள்ளதாகத் தெரிவிக்கப்படுகிறது.

எதிர்வரும் ஜனாதிபதி தேர்தல் உள்ளிட்ட பல்வேறு விடயங்கள் தொடர்பில் இந்த சந்திப்பின் போது கவனம் செலுத்தப்பட உள்ளது.

http://www.tamilwin.com/show-RUmsyJRcKVhq1.html

தமிழ்த் தேசியக் கூட்டமைப்பின் சங்கிலி தொடர் கலந்துரையாடல்கள்

[ ஞாயிற்றுக்கிழமை, 28 செப்ரெம்பர் 2014, 02:28.38 AM GMT ]

தமிழ் அரசியல் கட்சிகள் மத்தியில் கூட்டணி ஒன்றை அமைப்பதை நோக்காக கொண்டு தமிழ்த் தேசியக் கூட்டமைப்பு தமிழ் கட்சிகளுடன் பேசவுள்ளது.

இதற்கான தீர்மானம், கடந்த வியாழக்கிழமை எடுக்கப்பட்டதாக ஆங்கில ஊடகம் ஒன்று கூறுகிறது.

இதன் அடிப்படையிலேயே நேற்று ஸ்ரீலங்கா முஸ்லிம் காங்கிரஸை சந்திக்க ஏற்பாடாகியிருந்தது.

எனினும் இறுதி நேரத்தில் அமைச்சர் ரவூக் ஹக்கீமின் சுகவீனம் காரணமாக அது நடைபெறவில்லை.

தமிழர்களின் பிரச்சினைகளை தீர்த்துக் கொள்வதற்காக தமிழ் கட்சிகள் ஒன்றிணைந்து செயற்படுவது அவசியமானது என்று கூட்டமைப்பு வலியுறுத்தியுள்ளது.

இந்த அடிப்படையில் மனோ கணேசனின் ஜனநாயக மக்கள் முன்னணி விரைவில் தமிழ் தேசியக் கூட்டமைப்புடன் பேச்சு நடத்தவுள்ளது.

இதேவேளை இந்தியாவின் அறிவுரையின்படி தமிழ் தேசியக்கூட்டமைப்பு மலையக தமிழ் கட்சிகளுடனும் பேச்சு நடத்தும் என்று எதிர்பார்க்கப்படுகிறது.

http://www.tamilwin.com/show-RUmsyJRcKVhq2.html