கூட்டமைப்பிற்கு எதிர்க்கட்சி தலைவர் பதவி தருவதில் இழுபறி! கிடைத்தால் சாதிக்கலாம் என்கிறார் சுரேஸ் எம்.பி

கோத்தபாய விரைவில் கைது?

[ புதன்கிழமை, 08 ஏப்ரல் 2015, 06:16.08 AM GMT ]

ஊழல் மோசடி குற்றம் சாட்டப்பட்டுள்ள கோத்தபாய ராஜபக்ச விரைவில் கைது செய்யப்படவுள்ளதாக, ஸ்ரீஜயவர்தனபுர பல்கலைக்கழகத்தின் சிரேஷ்ட விரிவுரையாளர் மெதகொட அபயதிஸ்ஸ தேரர் தெரிவித்துள்ளார்.

நாரஹேன்பிட்டியில் நேற்று நடந்த ஊடகவியலாளர் சந்திப்பில் தேரர் கருத்து வெளியிட்டார்.

யுத்தக் குற்றச்சாட்டை முன்வைத்து கோத்தபாய ராஜபக்சவைக் கைது செய்ய தடைகள் உள்ளது. இதன் காரணமாக மோசடி குற்றச்சாட்டில் அவரைக் கைது செய்யத் திட்டமிட்டு வருவதாக தேரர் தெரிவித்துள்ளார்.

கோத்தபாய ராஜபக்ஷவின் வங்கிக் கணக்குகளில் எவ்வாறு பெருந்தொகைப் பணம் சேமிப்பிடப்பட்டுள்ளது என்பது குறித்து விசாரணை நடத்துவதாக அரசாங்கம் கூறியிருந்தது.

குற்றம் இழைக்கப்பட்டிருப்பின் அதனை நிரூபித்துக் காண்பிக்குமாறு கோத்தபாய ராஜபக்ச அண்மையில் தெரிவித்திருந்தார். அவ்வாறு சவால் விடுக்கப்பட்டு, நேற்றுடன் 3 வாரங்கள் ஆகின்ற போதிலும் அது நிரூபிக்கப்படவில்லை என்றும் தேரர் தெரிவித்தார்.

http://www.tamilwin.com/show-RUmtyETcSUkt3A.html

கூட்டமைப்பிற்கு எதிர்க்கட்சி தலைவர் பதவி தருவதில் இழுபறி! கிடைத்தால் சாதிக்கலாம் என்கிறார் சுரேஸ் எம்.பி

[ புதன்கிழமை, 08 ஏப்ரல் 2015, 06:57.26 AM GMT ]

தமிழ்த் தேசியக் கூட்டமைப்பு எதிர்க்கட்சித் தலைவர் பதவியைக் கோரவில்லை. ஆனால் சபாநாயகர் சம்பந்தனை அழைத்துப் பேசியுள்ளார் என பாராளுமன்ற உறுப்பினர் சுரேஸ் பிறேமச்சந்திரன் தெரிவித்துள்ளார்.

எதிர்க்கட்சித் தலைவர் பதவி தொடர்பாக எழும்பியுள்ள சர்ச்சை குறித்து லங்காசிறி வானொலிக்கு வழங்கிய விசேட செவ்வியிலேயே அவர் இவ்வாறு தெரிவித்துள்ளார்.

யார் எதிர்க்கட்சித் தலைவராக வரப்போகிறார்கள் என்பதில் இராஜதந்திரிகள் பலர் ஆர்வமாக உள்ளனர்.

ஆனால் சபாநாயகர் தன்னுடைய இராஜதந்திரத்தின் பிரகாரம் பிரச்சினைகளை உருவாக்காமல் இதனை விடுவதற்கு யோசித்திருக்கலாம்.

ஏனென்றால் சபாநாயகர் தொடர்பாக அவருடைய பதில் ஆரோக்கியமானதாக அமையவில்லை என சுரேஸ் எம்.பி தெரிவித்துள்ளார்.

http://www.tamilwin.com/show-RUmtyETcSUkt3D.html