[ புதன்கிழமை, 22 ஏப்ரல் 2015, 01:09.30 AM GMT ]
ஹேனகம ஜெயராஜ் பெர்னாண்டோபுள்ளே தம்சக் விஹாரை மற்றும் கெடுமான சதஹாம் விஹாரை ஆகியவற்றில் நடைபெற்ற மத வழிபாட்டு நிகழ்வுகளில் பங்கேற்ற பின் அவர் இதனைக் குறிப்பிட்டுள்ளார்.
தற்போதைய அரசாங்கம் நூறு நாள் திட்டத்தில் நாம் முன்னெடுத்த அபிவிருத்தித் திட்டங்களை அங்குரார்ப்பணம் செய்வதனையும், எம்மை பழிவாங்குவதனையும் மட்டுமே செய்கின்றது.
நல்லாட்சி என்பது என்ன?
நாம் இந்த அரசாங்கத்திற்கு கூறுகின்றோம், பொய்களை நிறுத்திவிட்டு முடியாவிட்டால் முடிந்தவர்களிடம் ஒப்படைத்துவிட்டு செல்ல முடியும்.
தற்போது நாட்டின் அபிவிருத்தி முற்று முழுதாக ஸ்தம்பிதம் அடைந்துள்ளது.
நாட்டின் பொருளாதாரம் பாரியளவில் வீழ்ச்சியடைந்துள்ளது.
எனது ஆட்சிக் காலத்தில் பணமும் இருந்தது பொருளாதார அபிவிருத்தியும் இருந்தது.
தற்போது இந்த அரசாங்கம் நெருக்கடி நிலைமைகளை எதிர்நோக்கி வருகின்றது.
செய்வதறியாது தவிக்கின்றது. முடியாவிட்டால் எம்மிடம் ஒப்படைக்க முடியும் நாம் ஏற்கனவே செய்தவர்கள்ää எஞ்சியவற்றையும் எம்மால் செய்ய முடியும்.
பழிவாங்கும் போது நினைத்துப் பார்க்க வேண்டும் அதிகாரம் இல்லாத காலத்தில் இவை மீளவும் எம்மை தாக்கும் என்பதனை.
எங்கள் கைகளிலும் பிழைகள் இடம்பெற்றன.
சில அமைச்சர்கள் செய்த குப்பைத்தனமான கீழ்த்தரமான செயற்பாடுகளை நாம் மூடிமறைத்தோம்.
அதன் பிரதிபலன்களையே நான் இன்று அனுபவிக்கின்றேன்.
எனினும் அந்த எருமைமாட்டு வேலைகளை மீண்டும் நான் செய்ய மாட்டேன்.
நான் இப்போது மக்களை அறிந்து கொண்டேன் என மஹிந்த ராஜபக்ஸ தெரிவித்துள்ளார்.
நாட்டின் நன்மைக்காக மைத்திரியும் மஹிந்தவும் இணைந்து கொள்ள வேண்டும்!- கோத்தபாய ராஜபக்ச
[ புதன்கிழமை, 22 ஏப்ரல் 2015, 02:04.20 AM GMT ]
இந்திய ஊடகமொன்றுக்கு வழங்கிய நேர்காணலில் அவர் இதனைத் தெரிவித்துள்ளார்.
தற்போதைய அரசியல் சூழ்நிலை குழப்பம் நிறைந்ததாக அமைந்துள்ளது.
பொருளாதாரம் ஒரே இடத்தில் உக்கிப் போகும் வகையில் அமைந்துள்ளது.
எதிர்வரும் ஆறு ஆண்டுகளுக்கான ஜனாதிபதியாக மக்கள் மைத்திரிபால சிறிசேனவை நியமித்துள்ளனர். அவர் அந்த பதவியில் நீடிக்க வேண்டும்.
எனினும், உடனடியாக பொதுத் தேர்தல் ஒன்றை நடத்தி அதன் ஊடாக பிரதமராக மஹிந்த ராஜபக்சவை நியமிக்க வேண்டும்.
இவ்வாறான ஓர் நிலைமையின் கீழே மக்களின் தேவைகளை அரசாங்கத்தினால் பூர்த்தி செய்ய முடியும்.
கடந்த ஜனாதிபதி தேர்தலில் 58 லட்சம் வாக்குகளைப் பெற்றுக்கொண்ட மஹிந்த ராஜபக்ச மீண்டும் சேவைக்கு வர வேண்டும்.
ஒரு புறத்தில் ரணில் விக்ரமசிங்க அரச நிர்வாகத்தை மேற்கொள்கின்றார், மறுபுறத்தில் சந்திரிக்கா, ராஜித மற்றும் சம்பிக்க ஆகியோரும் அரச நிர்வாகப் பணிகளை மேற்கொள்கின்றார்கள்.
எனினும் நாட்டில் அரசாங்கம் ஒன்று ஆட்சி செய்வதனை மக்கள் உணரவில்லை. மக்கள் இன்னமும் குழப்ப நிலையில் இருக்கின்றார்கள்.
எனவே மைத்திரியும் மஹிந்தவும் ஒன்றிணைந்து செயற்பட வேண்டியது நாட்டிற்கு மிகவும் முக்கியமானது என கோத்தபாய ராஜபக்ச தெரிவித்துள்ளார்.
25 வருடங்களின் பின் சொந்த மண்ணுக்குத் திரும்பிய தாயின் சோகம்
[ புதன்கிழமை, 22 ஏப்ரல் 2015, 02:39.13 AM GMT ]
இங்கே வீடு இல்லை. வீடு ஒன்றை கட்டுவதற்கு எங்களிடம் வசதியும் இல்லை. எங்களுக்கு ஒரு அரைநிரந்தர வீட்டையேனும் அமைத்துக் கொடுங்கள் என வலி.வடக்கு பிரதேசத்திற்குட்பட்ட வீமன்காமம் வடக்கு பகுதியில் மீள்குடியேற்றத்திற்கு வந்து சனசமூக நிலையத்தில் தங்கியிருக்கும் 3 பிள்ளைகளின் தாய் கண்ணீர்மல்க வேண்டுகோள் விடுத்துள்ளார்.
கடந்த 11ம் திகதி வலி.வடக்கு உயர்பாதுகாப்பு வலயத்திற்குள்ளிருந்த ஒரு பகுதி நிலம் மீள்குடியேற்றத்திற்கு அனுமதிக்கப்பட்டிருந்தது.
இந்நிலையில் பாலேஷ்வரன் காயத்திரி என்ற பெண் தனது கணவர் மற்றும் 3 சிறுபிள்ளைகளுடன் மீள்குடியேற்றத்திற்காக வந்து வீமன்காமம் வடக்கு காந்தி சமூக சேவா சனசமூக நிலையத்தில் தஞ்சம் புகுந்து தங்கியிருக்கின்றார்.
இந்நிலையில் குறித்த தாயுடன் நேற்றைய தினம் ஊடகவியலாளர்கள் பேசியபோது அவர் இவ்வாறு கூறினார்.
1990ம் ஆண்டு நாங்கள் சிறுவர்களாக இடம்பெயர்ந்து சென்றோம். 25 வருடங்களில் பல துன்பங்களை அனுபவித்து அகதிகளாக 15ற்கும் மேற்பட்ட வீடுகளில் தங்கியிருந்து வாடகை கொடுத்து பல ஊர்களுக்குச் சென்று இப்போது எங்கள் சொந்த மண்ணுக்கு திரும்பி வந்திருக்கிறோம்.
எனக்கு 3 பிள்ளைகள் கணவன் கூலி வேலை செய்பவர். இடம்பெயர்ந்து வாழும் காலத்தில் கணவருடைய உழைப்பு எங்கள் சாப்பாட்டிற்கும், வீட்டு வாடகை கொடுப்பதற்குமே சரியாகிவிடும்.
இந்த நிலையில் எமக்கென்று எதனையும் சேமிக்காத நிலையில் எப்படி வெறுங்கையோடு சொந்த மண்ணை விட்டுச் சென்றோமோ? அப்படியே வெறுங்கையோடு மீண்டும் எங்கள் சொந்த மண்ணுக்கு வந்திருக்கிறோம்.
எங்களுடைய சொந்த நிலத்தை விடுவிக்ககோரி நடத்தப்பட்ட அத்தனை ஆர்ப்பாட்டங்கள், கவனயீர்ப்பு போராட்டங்களிலும் கலந்து கொண்டேன்.
மறவன்புலோ பகுதியில் இடம்பெயர்ந்து இருந்தபோதும் சகல போராட்டங்களிலும் நான் கலந்து கொண்டு எங்களுடைய மண்ணை விடுவிக்க கேட்டிருந்தேன்.
இப்போது விடுவித்திருக்கின்றார்கள். நான் எங்களுடைய மண்ணிலேயே மீள்குடியேற வந்திருக்கிறேன். ஆனால் என்னுடைய நிலத்தில் வீடு இல்லை. அதனால் இந்த சனசமூக நிலையத்தின் கட்டிடத்தில் பிள்ளைகளோடு தங்கியிருக்கின்றேன்.
எப்பாடு பட்டாலும் சொந்த மண்ணில் வாழவேண்டும் அரசியல்வாதிகள், அதிகாரிகள் எங்களுக்கு ஒரு அரைநிரந்தர வீட்டையாவது பெற்றுக் கொடுங்கள் என அந்த தாய் மேலும் கேட்டுக் கொண்டார்.
http://www.tamilwin.com/show-RUmtyERWSUjs1F.html
Geen opmerkingen:
Een reactie posten