ஐ.நா உதவி செயலாளர் வடக்கிற்கு விஜயம்,மைத்திரி கூட்டுச் சதிவேலையில் ஈடுபடுகிறார்: ஜே.வி.பி குற்றச்சாட்டு

சட்டவிரோத மணல் அகழ்வு பிரதேச வீதிகள் பாதிப்பு: மாந்தை கிழக்கு பிரதேசசபை தவிசாளர் குற்றச்சாட்டு

[ புதன்கிழமை, 08 ஏப்ரல் 2015, 05:50.47 AM GMT ]

முல்லைத்தீவு மாவட்டத்தின் மாந்தை கிழக்கு பிரதேசசபையின் ஆளுகைக்கு உட்பட்ட சிராட்டிகுளம் பகுதியில் பிரதேசசபை நிர்வாகத்திற்கு தெரியாமல் தொடர்ந்து மணல் அகழ்வு இடம்பெற்றுவருகின்றது.

இதன் காரணமாக பிரதேசசபையால், உள்ளூர் மக்கள் மற்றும் மாணவர்களின் நலன்கருதி செப்பனிடப்பட்ட வீதிகள் மணல் ஏற்றும் கனரக வாகனங்களின் தொரடர்ச்சியான ஓட்டத்தால் குண்டும் குழியுமாக மாறிவருகின்றது.

பிரதேச சபையின் அனுமதியில்லாமல், பாதைகளின் ஊடாக இந்த மணல் ஏற்றும் வாகனங்கள் செல்வதால் மக்கள் பெருமளவு சிரமங்களை எதிர்கொண்டுவருவதாக மாந்தை கிழக்கு பிரதேசசபையின் தவிசாளர் தனிநாயகம் குற்றம் சுமத்தியுள்ளார்.

சீகிரிய கல்லில் அறியாமையில் கிறுக்கிய பெண் சிறையில்! திருடர்கள் வெளியே: துமிந்த நாகமுவ

[ புதன்கிழமை, 08 ஏப்ரல் 2015, 06:02.28 AM GMT ]

சீகிரியல் கிறுக்கல்பாவில் அறியாமையில் கிறுக்கிய பெண் இரண்டு வருடம் சிறை செல்லும் போது திருடர்கள் மோசடிகாரர்கள் வெளியே சுதந்திரமாக வாழ்வதாக முன்நிலை சோசலிச கட்சி உறுப்பினர் துமிந்த நாகமுவ குற்றம் சுமத்தியுள்ளார்.

நிறைவேற்று அதிகாரம் கொண்ட ஜனாதிபதி முறையை ஒழிக்க முடியாது என்று தற்போது கூறுகின்றனர்.

மைத்திரிபால சிறிசேன அதனை செய்தால், அவருக்கு தடிமன் ஏற்பட்டு விடுமாம். ரணில் விக்ரமசிங்கவுக்கு நிமோனியா காய்ச்சல் ஏற்பட்டு விடுமாம்.

இதனால், 19 வது திருத்தச் சட்டத்தை வழங்குவதை ஏற்றுக்கொள்வோம் என்று கூறுகின்றனர். சுயநினைவுடன் இப்படி கூறுகின்றனரா என நாங்கள் கேட்கிறோம்.

சீகிரிய கிறுக்கல் பாவின் கிறுக்கினார் என்பதற்காக யுவதி ஒருவரை இரண்டு வருடங்களுக்கு சிறையில் தள்ளினர். பெரும் திருடர்கள் வெளியில் இருக்கும் போது, அப்பாவிகள் சிறைக்கு போகின்றனர்.

ஆட்சியாளர்களே சட்டத்தை அமுல்படுத்துகின்றனர். அர்ஜூன் மகேந்திரன் போன்றவர்களுக்கு எந்த தண்டனையும் இல்லை.

நிறைவேற்று அதிகாரம் கொண்ட ஜனாதிபதி பதவியை இன்று மறந்து விட்டனர். திருடர்களை பிடிக்கும் கதையையும் மறந்து விட்டனர்.

மைத்திரிபாலவின் நாற்காலி அதிர்ந்தாலும் திருடர்களை பிடிக்க மாட்டார்கள் என்றார்.

மைத்திரி கூட்டுச் சதிவேலையில் ஈடுபடுகிறார்: ஜே.வி.பி குற்றச்சாட்டு

[ புதன்கிழமை, 08 ஏப்ரல் 2015, 06:39.28 AM GMT ]

முன்னாள் ஜனாதிபதி மகிந்த ராஜபக்சவின் ஆவிக்கு பயந்து 19வது அரசியலமைப்புத் திருத்தச் சட்டம் நிறைவேற்றப்படுவதை தடுக்கும் கூட்டுச்சதி வேலையை செய்ய வேண்டாம் என ஜனாதிபதி மைத்திரிபால சிறிசேனவிடம் வலியுறுத்துவதாக ஜே.வி.பியின் தலைவர் அனுரகுமார திஸாநாயக்க தெரிவித்துள்ளார்.

கொழும்பில் நேற்று நடைபெற்ற ஊடகவியலாளர் சந்திப்பில் அவர் இதனை கூறியுள்ளார்.

சம்பிக்க ரணவக்க, நிமால் சிறிபால டி சில்வா மற்றும் அனுர பிரியதர்ஷன யாப்பா ஆகியோரின் குரலுக்கு பின்னால் மைத்திரிபால சிறிசேன இருப்பதாக குற்றம் சுமத்தியுள்ள அனுரகுமார, அப்படியில்லை என்றால், மைத்திரிபால சிறிசேனவே அதனை நிரூபிக்க வேண்டும் என கூறியுள்ளார்.

அத்துடன் 9வது அரசியலமைப்புத் திருத்தம் தொடர்பான தனது நிலைப்பாடு என்ன என்பதை ஜனாதிபதி மைத்திரிபால சிறிசேன, நாட்டுக்கு தெரியப்படுத்த வேண்டும்.

ஜே.வி.பி என்பது நடந்து கொண்டிருப்பது என்னவென்பதை புரிந்து கொள்ள முடியாத குழந்தை அல்ல.

கதவின் சத்தம் எது, மேளத்தின் சத்தம் எது என்பது ஜே.வி.பிக்கு தெரியும் எனவும் அனுரகுமார திஸாநாயக்க குறிப்பிட்டுள்ளார்.

http://www.tamilwin.com/show-RUmtyETcSUkt3B.html

ஐ.நா உதவி செயலாளர் வடக்கிற்கு விஜயம்

[ புதன்கிழமை, 08 ஏப்ரல் 2015, 07:37.45 AM GMT ]

இலங்கைக்கு விஜயம் செய்துள்ள ஐக்கிய நாடுகளின் உதவி செயலாளர் நாயகமும், ஆசிய மற்றும் பசுபிக் வலயத் தலைவருமான ஹொலிங் ஷு இலங்கை விஜயத்தின் முதற் கட்டமாக வடக்கிற்கு சென்றுள்ளார்.

அதன் முதல் கட்டமாக முல்லைத்தீவு மாவட்டத்திற்கு விஜயம் செய்துள்ளார். அந்த வகையில் ஐ.நா அபிவிருத்தி திட்டத்தின் ஊடாக முல்லைத்தீவு, பனங்காமம் பிரதேசத்தில் முன்னெடுக்கப்பட்டுவரும் ஜீவனோபாய திட்டங்களை அவர் நேரில் சென்று பார்வையிட்டுள்ளார்.

நோர்வே மற்றும் நியூசிலாந்து அரசாங்கத்தின் உதவியுடனும், ஐ.நா அபிவிருத்தித் திட்டத்தின் வழிகாட்டலின் கீழும் யுத்தத்தினால் பாதிக்கப்பட்ட முல்லைத்தீவு மாவட்ட மக்களுக்கு ஜீவனோபாய உதவிகள் வழங்கப்பட்டு வருகின்றன. இதன்படி விவசாயம், பண்ணை வளர்ப்பு போன்ற திட்டங்கள் அங்கு முன்னெடுக்கப்பட்டு வருகின்றது.

இதேவேளை வடமத்திய மாகாணங்களில் ஐ.நா அபிவிருத்தி திட்டத்தின் ஊடாக முன்னெடுக்கப்பட்டுவரும் திட்டங்களையும் ஹொலிங் ஷு பார்வையிட்டு சென்றார் என தெரிவிக்கப்படுகின்றது.

http://www.tamilwin.com/show-RUmtyETcSUkt3F.html