ராஜிவ் கொலை வழக்கு: வெளியுறவுச் செயலாளருக்கு விளக்கமளிக்க நீதிமன்றம் ஆணை!

15 வயது சிறுமியை கடத்தி வல்லுறவுக்குட்படுத்திய 16 வயது சிறுவன்

[ புதன்கிழமை, 29 மே 2013, 12:49.20 PM GMT ]

கண்டியிலிருந்து கடத்திச் சென்ற 15 வயது சிறுமியை வத்தளை ஹெந்தலை பிரதேசத்தில் வைத்து 16 வயது சிறுவன் ஒருவன் பாலியல் துஷ்பிரயோகம் செய்ததாக சிறுமி ஒருவர் கண்டி பொலிஸ் பெண்கள் பாதுகாப்புப் பிரிவில் முறைப்பாடு செய்துள்ளார்.

கண்டி அகஸ்ட்டாவத்த என்ற இடத்தைச் சேர்ந்த சிறுமி ஒருவரே தான் பாலியல் துஷ்பிரயோகத்திற்கு உட்படுத்தப்பட்டதாக முறைப்பாடு செய்துள்ளார். தற்போது இச்சிறுமி கண்டி வைத்தியசாலையில் அனுமதிக்கப்பட்டுள்ளார்.

15 வயது சிறுமியான என்னை கடந்த 25ஆம் திகதி 16 வயது சிறுவன் ஆசைவார்த்தைக் காட்டி கடத்திச்சென்று வத்தளை ஹெந்தலை பிரதேசத்தில் வீடொன்றில் தடுத்து வைத்து பாலியல் துஷ்பிரயோகம் புரிந்ததாகவும் தான் இந்நிலையில் அங்கிருந்து தப்பி வந்ததாகவும் பொலிஸ் முறைப்பாட்டில் தெரிவித்துள்ளார்.

இது குறித்து விசாரணைகளை மேற்கொண்டுவரும் பொலிஸார் சந்தேக நபரான 16 வயதுச் சிறுவனை கைது செய்ய நடவடிக்கைகளை மேற்கொண்டு வருகின்றனர்.

http://news.lankasri.com/show-RUmryFRdNcnt0.html

ராஜிவ் கொலை வழக்கு: வெளியுறவுச் செயலாளருக்கு விளக்கமளிக்க நீதிமன்றம் ஆணை!

[ புதன்கிழமை, 29 மே 2013, 12:01.51 PM GMT ]

ராஜிவ் காந்தி கொலை வழக்கு தொடர்பில் ஜூன் 5ம் திகதிக்குள் வெளியுறவுச் செயலாளர் விளக்கமளிக்க வேண்டும் என சென்னை உயர்நீதிமன்ற மதுரை கிளை நீதிபதி உத்தரவு பிறப்பித்துள்ளது.

மேலும் ரோ அமைப்பு, சிபிஐ துணை இயக்குநரும் பதிலளிக்க வேண்டும் என்றும் ஆணை பிறப்பிக்கப்பட்டுள்ளது.

முன்னாள் பிரதமர் ராஜிவ் காந்தி கொலை வழக்கை மீண்டும் விசாரிக்கக் கோரி சென்னை உயர்நீதிமன்றத்தின் மதுரை கிளையில், நேற்று  புதிதாக ஒரு வழக்கு தொடரப்பட்டது.

மதுரை மேலூரைச் சேர்ந்த சாந்தகுமரேசன் என்னும் சட்டத்தரணி இந்த பொதுநல வழக்கை தொடர்ந்துள்ளார். மறு விசாரணை நடத்தினால் தான், ராஜிவ் கொலைச் சம்பவத்தில் மறைக்கப்பட்ட உண்மைகளை வெளிக்கொண்டு வர முடியும் என்று, சாந்த குமரேசன் தனது மனுவில் தெரிவித்திருந்தார்.

ராஜிவ் படுகொலை தொடர்பான சில காணொளிகள் சிறப்பு புலனாய்வு குழுவிடம் ஒப்படைக்கப்படவில்லை என்று, சிபிஐ முன்னாள் விசாரணை அதிகாரி ரகோத்தமன் தொலைக்காட்சி பேட்டி ஒன்றில் கூறிய தகவல்கள் இந்த மனுவில் சுட்டிக் காட்டப்பட்டுள்ளன.

மேலும், புல்லர் மற்றும் மகேந்திர தாஸ் மரண தண்டனை விவகாரத்தில் உச்சநீதிமன்றம் இருவேறு கருத்துக்களை தெரிவித்துள்ள நிலையில், ராஜிவ் கொலை வழக்கில் சாந்தன், முருகன், பேரறிவாளன் ஆகியோர் காப்பாற்றப்பட வேண்டும் என்றும் சாந்த குமரேசன் தனது மனுவில் குறிப்பிட்டுள்ளார்.

http://news.lankasri.com/show-RUmryFRdNcntz.html