[ திங்கட்கிழமை, 27 மே 2013, 04:10.42 AM GMT ]
மட்டக்களப்பு மாநகரசபை நுழைவாயிலின் வரவேற்பு வளைவுக்கு அருகில் புத்தர் சிலை அமைப்பதற்கு மேற்கொள்ளப்படும் நடவடிக்கைக்கு ஆட்சேபனை தெரிவித்தும் அதனை தடுத்து நிறுத்துமாறு கோரியும் ஜனாதிபதி மகிந்த ராஜபக்ஸவுக்கு தமிழ்த் தேசிய கூட்டமைப்பு கடிதம் ஒன்றை அனுப்பியுள்ளது.
தமிழ்த் தேசிய கூட்டமைப்பின் மட்டக்களப்பு மாவட்ட பாராளுமன்ற உறுப்பினர்களான பொன்.செல்வராசா, பா.அரியநேத்திரன், சீ.யோகேஸ்வரன் ஆகியோர் கையொப்பம் இட்டு இந்த கடிதத்தினை ஜனாதிபதிக்கு அனுப்பிவைத்துள்ளனர்.
விடுதலைப் புலிகளை பல நாடுகள் ஒன்று சேர்ந்தே அழித்திருந்தன. புலிகள் இன்று இருந்திருந்தால் வடக்கு, கிழக்கில் இடம்பெற்று வரும் பல்வேறு கெடுபிடிகள் ஏற்படுவதற்கு வாய்ப்பிருந்திருக்காது என்று தமிழ் தேசியக் கூட்டமைப்பின் தலைவரும் திருமலை மாவட்ட பாராளுமன்ற உறுப்பினருமான இரா. சம்பந்தன் தெரிவித்தார்.
மட்டக்களப்பு மாநகரசபையின் நுழைவாயில் புத்தர் சிலையொன்றை அமைப்பதற்கான நடவடிக்கைகள் எடுக்கப்பட்டுவருவது தொடர்பில் எங்களுக்கு உறுதிப்படுத்தப்பட்ட தகவல்கள் கிடைத்துள்ளன.
மட்டக்களப்பு மங்கலராமய விகாராதிபதி அம்பிட்டியே சுமங்கல தேரரின் வேண்டுகோளுக்கிணங்க நெடுஞ்சாலைகள் அமைச்சின் செயலாளர், வீதி அபிவருத்தி அதிகாரசபைக்கென ஒதுக்கப்பட்ட காணியின் ஒரு பகுதியை ஒதுக்குமாறும் சிலை நிறுவ உதவுமாறும் அறிவுறுத்தியுள்ளார்.
மட்டக்களப்பு நுழைவாயிலில் இவ்வாறு நிலை நிறுவ எடுக்கும் முயற்சியானது மட்டக்களப்பில் சமாதானத்தை குழப்பி, இனமுரண்பாட்டை ஏற்படுத்தும் நடவடிக்கையாகவே நோக்கப்பட வேண்டியுள்ளது.
இந்த நுழைவாயிலுக்கு வடக்காக 200 மீற்றர் தொலைவில் பிள்ளையார் ஆலயமும் மேற்கெ 500 மீற்றர் தொலைவில் கத்தோலிக்க மன்றேசாவும் உள்ள போதிலும் அவர்கள் துணிந்து அங்கு தமது மத சிலைகளை நிறுவாமல் இருக்கும் நிலையில் புத்தர் சிலையை அங்கு நிறுவும் செயலானது சமாதானத்தையும் இன நல்லிணக்கத்தையும் அது பாதிப்படைய செய்யும்.
எனவே இந்த புத்தர் சிலை அமைப்பதற்காக நெஞ்சாலைகள் அமைச்சின் செயலாளர் வழங்கிய உத்தரவை வாபஸ்பெற்று சிலை அமைக்கும் முயற்சியை தடுத்து நிறுத்தி இன ஐக்கியத்தை ஏற்படுத்த உதவுமாறு அந்த கடிதத்தில் தெரிவிக்கப்பட்டுள்ளது.
புலிகள் இருந்திருந்தால் கெடுபிடிகள் இடம்பெற்றிருக்கமாட்டாது! அவா்களை பல நாடுகள் சேர்த்தே அழித்தன!- சம்பந்தன்
[ திங்கட்கிழமை, 27 மே 2013, 04:05.39 AM GMT ]
ஒன்றிணைந்த நாட்டுக்குள் இறைமை, சுயநிர்ணய உரிமை, பாதுகாப்பு ஆகியவற்றுடன் கூடிய ஓர் தீர்வையே நாம் வேண்டி நிற்கிறோம். அதற்கு மேல் நாம் எதனையும் கேட்கவில்லை.
எமது கோரிக்கை நியாயமானதும் நீதியானதும் என்பதை சர்வதேச சமூகம் ஏற்றுக்கொண்டுள்ளது.
அதனை சர்வதேச சமூகம் அங்கீகரிக்கின்றது. எமக்கான தீர்வு கிடைக்கும் காலம் வெகு தொலைவில் இல்லை.
எமது கோரிக்கைகளையும் அபிலாஷைகளையும் சிங்கள மக்களில் பெரும்பான்மையானோர் ஏற்றுக்கொண்டுள்ளனர்.
சிங்கள மக்கள் எம்மை நேசிக்கின்றனர். எங்களுக்கு தீர்வைத் தர தயாராக உள்ளனர்.
ஆனால் அரசியல் தலைவர்கள் தமது சுயநலனுக்காகவும் தமது பதவிகளுக்காகவும் எமது உரிமைகளை தர மறுக்கின்றனர்.
விடுதலைப் புலிகளை பல நாடுகள் ஒன்று சேர்ந்தே அழித்திருந்தன.
புலிகள் இன்று இருந்திருந்தால் வடக்கு, கிழக்கில் இடம்பெற்று வரும் பல்வேறு கெடுபிடிகள் ஏற்படுவதற்கு வாய்ப்பிருந்திருக்காது என்றும் அவர் சுட்டிக்காட்டினார்.
Geen opmerkingen:
Een reactie posten