[ செவ்வாய்க்கிழமை, 28 மே 2013, 02:34.49 PM GMT ]
ஜாஎல ஏக்கல என்னும் இடத்தில் ஆயுததாரிகள் தனியார் நிறுவனமொன்றின் பணத்தைக் கொள்ளையிட்டுள்ளனர்.
பிற்பகல் ஒரு மணியளவில் இந்த சம்பவம் இடம்பெற்றுள்ளது.
தனியார் கைத்தொழில் நிறுவனமொன்றின் பணியாளர்களுக்கு சம்பளம் வழங்க எடுத்துச் சென்ற பணமே இவ்வாறு கொள்ளையிடப்பட்டுள்ளது.
இந்த சம்பவம் குறித்து பொலிஸார் விசாரணைகளை ஆரம்பித்துள்ளனர்.
ஒரு கிலோ ஹெரோயின் போதைப் பொருளுடன் பாகிஸ்தான் ஊடகவியலாளர் கைது
[ செவ்வாய்க்கிழமை, 28 மே 2013, 02:39.04 PM GMT ]
ஒரு கிலோ கிராம் எடையுடைய ஹெரோயின் போதைப் பொருளுடன் பாகிஸ்தான் ஊடகவியலாளர் ஒருவர் கைது செய்யப்பட்டுள்ளார்.
ஒருகொடவத்த பிரதேசத்தில் வைத்து பொலிஸ் போதைப் பொருள் தடுப்புப் பிரிவினர் குறித்த நபரை கைது செய்துள்ளனர்.
குற்றச் செயல்கள் தொடர்பில் செய்தி சேகரிப்பில் ஈடுபடும் சர்வதேச ஊடகவியலாளர் ஒருவரே இவ்வாறு கைது செய்யப்பட்டுள்ளார்.
குறித்த ஊடகவியலாளர் இதற்கு முன்னர் இருபது தடவைகள் இலங்கைக்கு விஜயம் செய்துள்ளார்.
சந்தேக நபரிடம் விசாரணைகள் ஆரம்பிக்கப்பட்டுள்ளதாகவும், நீதிமன்றில் ஆஜர் செய்யப்பட உள்ளதாகவும் பொலிஸார் தெரிவிக்கின்றனர்.
மீட்கப்பட்ட ஹெரோயினின் பெறுமதி ஐந்து மில்லியன் ரூபா எனத் தெரிவிக்கப்படுகிறது.
Geen opmerkingen:
Een reactie posten