அறிக்­கையை பிற்­போடும் நோக்கில் ஜெனிவா செல்­ல­வுள்ள அர­ச­த­ரப்பு

கிழக்கு மாகாண விவகாரம்: ஆராய்வதற்கு குழுவை நியமித்தது கூட்டமைப்பு

[ திங்கட்கிழமை, 16 பெப்ரவரி 2015, 07:33.08 AM GMT ]

கிழக்கு மாகாண சபையில் அமைச்சுப் பொறுப்புக்களைப் பெறுவதா? இல்லையா என்பது தொடர்பில் ஆராய்வதற்கு தமிழ் தேசிய கூட்டமைப்பு மூன்று நபர்களைக் கொண்ட குழுவொன்றை நியமித்துள்ளது.

ஸ்ரீலங்கா முஸ்லிம் காங்கிரஸ், பொதுஜன ஐக்கிய முன்னணியுடன் இணைந்து கிழக்கு மாகாண சபையில் ஆட்சியைக் கைப்பற்றியுள்ளது.

இந்த  நிலையில், இணக்க அரசியலை ஏற்படுத்த ஐக்கிய தேசியக் கட்சிக்கும், த.தேசியக் கூட்டமைப்புக்கும் முஸ்லிம் காங்கிரஸ் அழைப்பு விடுத்திருக்கின்றமை குறிப்பிடத்தக்கது.

இதேவேளை, கிழக்கு மாகாண சபையில் எதிர்க்கட்சியான தமிழ்த் தேசியக் கூட்டமைப்புக்கு ஒரு மாகாண அமைச்சர் பதவியையும், தவிசாளர் பதவியையும் வழங்க இணக்கம்காணப்பட்டுள்ளதாக தெரிவிக்கப்படுகிறது.

இது தொடர்பில் ஆராயவே கூட்டமைப்பு குழுவொன்றை நியமித்துள்ளது.

தண்டனைகள் தாமதமானால் குற்றவாளிகள் வலுவடைவர்

[ திங்கட்கிழமை, 16 பெப்ரவரி 2015, 07:52.10 AM GMT ]

ஜனாதிபதித் தேர்தலில் மைத்திரிபால சிறிசேன வெற்றி அடைந்ததை அடுத்து, முன்னாள் ஜனாதிபதி மகிந்த ராஜபக்­வும் அவரது சகோதரர்களும் ஆட்சியில் இருந்தபோது செய்த பாதகங்கள் வெளிவரத் தொடங்கி உள்ளன.

அதில் மிகவும் முக்கியமானது ஜனாதிபதித் தேர்தலில் தனக்குத் தோல்வி ஏற்பட்டுள்ளதை உறுதி செய்த மகிந்த ராஜபக்ச­ நாட்டில் இராணுவ ஆட்சியை ஏற்படுத்த முயற்சி செய்தார் என்ற செய்தியாகும்.

இராணுவ ஆட்சி கொண்டு வரப்பட்டிருந்தால்; மைத்திரிபால சிறிசேன, சந்திரிகா குமாரதுங்க, ரணில் விக்கிரமசிங்க உட்படப் பல அரசியல் தலைவர்கள் சிறை சென்றிருப்பர். இன்னும் சிலர் காணாமல் போயிருப்பர். நல்ல காலம் இராணுவ ஆட்சிக்கு படைத்தரப்பு சம்மதிக்கவில்லை என்று கேள்வி. எதுவாயினும் நாட்டில் இராணுவ ஆட்சியைக் கொண்டு வர முயற்சி செய்வதென்பது பாரதூரமான குற்றமாகும்.

இந்த நாட்டில் ஜனநாயக ஆட்சியை நிலைநாட்டுதல் என்ற பேரில் எத்தனையோ தமிழ் இளைஞர்கள் சிறையில் அடைக்கப்பட்டனர். புதிய புதிய சட்டங்கள் கொண்டு வரப்பட்டன. பிரிவினைவாதத்திற்கு துணைபோக மாட்டோம் என்று சத்தியம் செய்கின்ற நடைமுறை கூட அரசியல் அமைப்பில் புகுத்தப்பட்டது.

நிலைமை இதுவாக இருக்க, நாட்டில் இராணுவப் புரட்சியை ஏற்படுத்துவதற்கு சதித்திட்டம் தீட்டிய முன்னாள் ஜனாதிபதி மகிந்த ராஜபக்­ச  மீது இதுவரை சட்ட நடவடிக்கை எடுக்கப்படாதது ஏன்? என்ற கேள்வி ஏற்படுகின்றது.

அதுமட்டுமன்றி மகிந்த ராஜபக்­சவின் சகோதரர்கள் பொறுப்பான பதவியில் இருந்து கொண்டு ஊழல் நடவடிக்கையில் ஈடுபட்டதான குற்றச்சாட்டுகள் குறித்தும் இன்னமும் சட்ட நடவடிக்கை எடுக் கப்பட்டதாகத் தெரியவில்லை.

எனவே ஜனாதிபதி மைத்திரிபால சிறிசேனவின் ஆட்சியில், மகிந்த ராஜபக்ச­  குடும்பத்திற்கு போதிய பாதுகாப்பு வழங்கப்படுகிறதா? என்ற சந்தேகம் ஏற்படுகிறது. பொதுவில் குற்றவாளிக்கு உரிய தண்டனை என்பது உடனடியாக வழங்கப்பட வேண்டும்.

இல்லையேல் சம்பந்தப்பட்ட குற்றவாளிகள் அரசியல் புலத்தின் களநிலைமையை தமக்குச் சாதகமாக்கி விடுவர். அத்தகையதொரு நிலைமை நடக்குமாக இருந்தால் குற்றவாளிகள் பொய்ப்பிரசாரம் செய்து நியாயமான ஆட்சியை முறியடிக்கவும் செய்வர். அதற்கான சந்தர்ப்பமும் சாத்தியமும் இலங்கையில் தெரிகிறது.

குறிப்பாக எதிர்வரும் பொதுத்தேர்தலில் முன்னாள் ஜனாதிபதி மகிந்த ராஜபக்­ச போட்டியிட்டு பிரதமர் பதவியை பெறுவதற்கான முயற்சிகள் நடந்து கொண்டிருக்கின்றன. அந்த முயற்சி வெற்றி தருமாக இருந்தால், இராணுவப் புரட்சியை ஏற்படுத்த முற்பட்டார் என்ற குற்றச்சாட்டு புஷ்வாணமாகி விடும்.

ஆகையால் முன்னாள் ஜனாதிபதி மகிந்த ராஜபக்ச­  குடும்பத்தின் மீது உரிய விசாரணைகள் நடத்தப்பட வேண்டும். தமிழர் தரப்பில், போர்க்களத்தில் உயிர்நீத்த தன் உடன்பிறப்பை நினைவுகூர்ந்து தீபம் ஏற்றினால் அது குற்றம். மாவீரர் தினத்தில் நடுகல்லுக்கு மாலை அணிவித்தால் அது மகாகுற்றம். மாவீரர் நாளில் கோயில் மணி அடித்தால் அது தெய்வகுற்றம் என்று தமிழர்கள் மீது குற்றப்பத்திரிகை தாக்கல் செய்யும் படைத்தரப்பினர், இராணுவப் புரட்சி செய்ய முயன்ற முன்னாள் ஜனாதிபதி மகிந்த மீது சட்ட நடவடிக்கை எடுக்க, குற்றப்பத்திரிகை தாக்கல் செய்யத் தயங்குவது ஏன்?

விடுதலைப் புலிகளைத் தோற்கடித்து தமிழ் இனப் படுகொலையை அரங்கேற்றிய ஆட்சித் தலைவர் எது செய்தாலும் சட்ட நடவடிக்கை எடுக்கக் கூடாது என்ற கொள்கையிலா மகிந்த மீதான விசாரணை கிடப்பில் போடப்பட்டுள்ளது? என்ற கேள்வி எழுவதில் மிகுந்த நியாயம் உள்ளது.

ஆகையால் குற்றவாளி தமிழரா? சிங்களவரா? என்று நோக்காமல் இழைக்கப்பட்ட குற்றம் யாது என்று அறிந்து சட்ட நடவடிக்கை எடுப்பதே நாட்டில் ஜனநாயகம் உயிர் வாழ்வதற்கு உதவும்.

அறிக்­கையை பிற்­போடும் நோக்கில் ஜெனிவா செல்­ல­வுள்ள அர­ச­த­ரப்பு

[ திங்கட்கிழமை, 16 பெப்ரவரி 2015, 08:13.45 AM GMT ]

வெளிவி­வ­கார அமைச்சர் மங்­கள சம­ர­வீர தலை­மை­யி­லான உயர்­ மட்ட குழு­வொன்று மார்ச் மாதம் ஜெனி­வா­ வுக்கு சென்று ஐக்­கிய நாடு­களின் மனித உரிமை ஆணை­யாளர் செய்ட் அல் ஹுசைனை சந்தித்து இலங்கை குறித்த அறிக்­கையை பிற்­போ­டு­மாறு கோர­வுள்­ள­தாக வெளிவி­வ­கார அமைச்சின் தக­வல்கள் தெரி­வித்­தன.

ஐக்­கிய நாடுகள் மனித உரிமை அலு­வ­லகம் இலங்கை தொடர்பில் மேற்­கொண்ட விசா­ர­ணையின் அறிக்­கையை தாம­தப்­ப­டுத்தும் செயற்­பாட்டில் பான் கீ மூனிடம் சாத­க­மான பதில் கிடைக்­காத நிலையில் அர­சாங்கம் ஜெனிவா நோக்கி படை­யெ­டுக்கும் நகர்­வு­களை முன்­னெ­டுத்­துள்­ளது.

வெளிவி­வ­கார அமைச்சர் மங்­கள சம­ர­வீர தலை­மை­யி­லான உயர்­மட்ட குழு­வொன்று மார்ச் மாதம் ஜெனி­வா­ வுக்கு சென்று ஐக்­கிய நாடு­களின் மனித உரிமை ஆணை­யாளர் செய்ட் அல் ஹுசைனை சந்தித்து இலங்கை குறித்த அறிக்­கையை பிற்­போ­டு­மாறு கோர­வுள்­ள­தாக வெளிவி­வ­கார அமைச்சின் தக­வல்கள் தெரி­வித்­தன.

மறு­புறம் ஜெனிவா அறிக்­கையை தாம­த­மின்றி மார்ச் மாதமே வெளியி­டவேண்:டும் என்­ப­தனை வலி­யு­றுத்தி தமிழ்த் தேசியக் கூட்­ட­மைப்பும் ஜெனி­வா­வுக்கு சென்று இரா­ஜ­தந்­திர காய்­ந­கர்த்­தல்­களை முன்னெ­டுத்­து ­வ­ரு­கின்­றது.

தற்­போ­தைக்கும் தமிழ்த் தேசியக் கூட்­ட­மைப்பின் பிர­தி­நி­திகள் சிலர் ஜெனிவா சென்று இரா­ஜ­தந்­திர முயற்­சி­களில் ஈடு­பட்­டுள்ள நிலையில் சில வாரங்­களில் மேலும் சிலர் ஜெனிவா செல்­ல­வுள்­ள­தாக தெரி­விக்­கப்­ப­டு­கின்­றது.

ஐ.நா. மனித உரிமைப் பேர­வையின் 28வது கூட்டத்தொடர் எதிர்­வரும் மார்ச் மாதம் 2ம் திக­தி­யி­லி­ருந்து 27ம் திக­தி­வரை நடை­பெ­ற­வுள்­ளது.

மார்ச் மாதம் 25ம் திகதி இலங்கை விசா­ரணை குறித்த அறிக்கை பேர­வைக்கு சமர்ப்­பிக்­கப்­ப­ட­வுள்­ளது. ஐக்­கிய நாடுகள் மனித உரிமை ஆணை­யாளர் செய்ட் அல் ஹுசேனால் இந்த அறிக்கை மனித உரிமைப் பேர­வைக்கு சமர்ப்­பிக்­கப்­ப­ட­வுள்­ளது.

இந்­நி­லை­யி­லேயே இந்த அறிக்­கையை தாமத்­ப­டுத்­து­வ­தற்கு அர­சாங்கத் தரப்­பிலும் அறிக்­கையை தாம­த­மின்றி வெளியி­டு­வ­தற்கு கூட்­ட­மைப்பின் தரப்­பிலும் பாரிய முயற்­சிகள் முன்­னெ­டுக்­கப்­ப­ட­டு­ வருகின்­றன. இரண்டு தர­ப­பி­னரும் இந்த விட­யத்தில் ஏட்­டிக்­குப் ­போட்­டி­யான முயற்­சியில் ஈடு­பட்­டு­ வ­ரு­கின்­றனர்.

அமெ­ரிக்­காவில் கடந்த வௌ்ளி்க்கிழமை ஐக்­கிய நாடுகள் செய­லாளர் நாயகம் பான் கீ மூனை சந்­தித்து பேச்­சு­வார்த்தை நடத்­திய வெளிவி­வ­கார அமைச்சர் மங்­கள சம­ர­வீர இலங்கை குறித்த அறிக்­கையை தாம­தப்­ப­டுத்­து­மாறு கோரி­யி­ருந்தார். எனினும் அதற்கு பதி­ல­ளித்­தி­ருந்த பான் கீ மூன் அது ஐக்­கிய நாடு­களின் மனித உரிமை ஆணை­யா­ளரின் கைக­ளி­லேயே தங்­கி­யுள்­ள­தாக கூறி­யி­ருந்தார்.

இந்­நி­லை­யி­லேயே அர­சாங்­கத்தின் பிர­தி­நி­திகள் ஜெனி­வா­வுக்கு விஜயம் செய்து அறிக்­கையை பிற்­போடும் முயற்­சி­களில் ஈடு­ப­ட­வுள்­ள­தாக தெரி­விக்­கப்­ப­டு­கின்­றது.

புதிய  அர­சாங்கம் இலங்­கையில் 100 நாள் வேலைத்­திட்­டத்தின் கீழ் பாரிய அர­சி­ய­ல­மைப்பு மாற்­றங்­களை செய்­ய­வுள்­ள­தா­கவும் அத்­துடன் யுத்தக் குற்­றச்­சாட்­டுக்கள் தொடர்பில் உள்­ளக விசா­ர­ணை­களை முன்­னெ­டுப்­பதாகவும் தெரி­வித்து ஜெனிவா அறிக்­கையை பிற்­போடும் முயற்­சியில் ஈடு­ப­ட­வுள்­ள­தாக தக­வல்கள் தெரி­வித்­தன.

ஏற்­க­னவே ஐக்­கிய நாடு­களின் மனித உரிமை ஆணை­யாளர் செய்ட் அல் ஹுசேனை இலங்­கைக்கு விஜயம் செய்­யு­மாறு வெளிவி­வ­கார அமைச்சர் மங்­கள சம­ர­வீர அழைப்பு விடுத்­தி­ருந்தார்.

இதற்கு மேல­தி­க­மாக ஜனா­தி­பதி மைத்­தி­ரி­பால சிறி­சே­னவின் சர்­வ­தேச விவ­கா­ரங்­க­ளுக்­கான ஆலோ­சகர் கலா­நிதி ஜயந்த ஜெனிவா அண்­மையில் சென்று பல்­வேறு தரப்­புக்­களை சந்­தித்து பேச்­சு­வார்த்தை நடத்­தி­யி­ருந்தார்.

விசே­ட­மாக ஐக்­கிய நாடுகள் மனித உரிமை ஆணை­யாளர் செய்ட் அல் ஹுசே­னையும் ஜயந்த தன­பால சந்­தித்து பேச்சு நடத்­தி­யி­ருந்தார். இதன்­போதும் இந்த விட­யங்கள் தொட்ர்­பாக ஆரா­யப்­பட்­டுள்­ளன.

கடந்த 2014ம் ஆண்டு மார்ச் மாதம் இடம்­பெற்ற ஐக்­கிய நாடுகள் மனித உரிமைப் பேர­வையின் 25வது கூட்டத் தொடரில் இலங்­கைக்கு எதி­ரான மூன்­றா­வது பிரே­ரணை நிறை­வேற்­றப்­பட்­டது.

இலங்­கையில் பொறுப்­புக்­கூ­ற­லையும் நல்­லி­ணக்­கத்­தையும் ஊக்­கு­வித்தல் என்ற தலைப்­பி­லான இந்தப் பிரே­ர­ணைக்கு ஆத­ர­வாக 23 நாடு­களும் பிரே­ர­ணையை எதிர்த்து 12 நாடு­களும் வாக்­க­ளித்­தன. அத்­துடன் இந்­தியா உள்­ளிட்ட 12 நாடுகள் வாக்­க­ளிப்பில் கலந்­து­கொள்­ளாமல் நடு­நிலை வகித்­தி­ருந்­தன.

இந்தப் பிரே­ர­ணையின் ஊடாக இலங்­கையில் இடம்­பெற்­ற­தாகக் கூறப்­படும் மனித உரிமை மீறல்கள் குறித்து ஐக்­கிய நாடுகள் மனித உரிமை அலு­வ­லகம் விசா­ரணை நடத்தும் என அறி­விக்­கப்­ப­ட­டது.

அதா­வது நல்­லி­ணக்க ஆணைக்­குழு கவனம் செலுத்­திய காலப் பகு­தியில் இலங்­கையில் இரு­த­ரப்­பி­ன­ராலும் இழைக்­கப்­பட்­ட­தாகக் கூறப்­படும் குற்­றங்கள் மற்றும் மோச­மான மனித உரிமை மீறல்கள், துஷ்­பி­ர­யோ­கங்கள் தொடர்­பாக ஐக்­கிய நாடுகள் சபை மனித உரிமைப் பேர­வையின் விரி­வான சுதந்­தி­ர­மான விசா­ர­ணையை மேற்­கொள்ள வேண்டும் என்ற கோரிக்கை முன்­வைக்­கப்­பட்டே இலங்­கைக்கு எதி­ரான பிரே­ரணை கடந்த மார்ச் மாதம் நிறை­வேற்­றப்­பட்­டது.

இந்­நி­லையில் கடந்த செப்­டெம்பர் மாதம் நடை­பெற்ற ஐக்­கிய நாடுகள் மனித உரிமைப் பேர­வையின் 27வது கூட்டத் தொடரில் இலங்கை விசா­ரணை குறித்த வாய்­மூல அறிக்கை சமர்ப்­பிக்­கப்­பட்­டது.

இது இவ்­வாறு இருக்க ஐக­கிய நாடுகள் மனித உரிமை பேர­வையின் இலங்கை குறித்த விசா­ரணை அறிக்கை தாம­தப்­ப­டுத்­தப்­ப­டாது உரிய நேரத்தில் வெளியி­டப்­ப­ட­வேண்டும் என்று கூட்­ட­மைப்பு தொடர்ச்­சி­யாக வலி­யு­றுத்­தி ­வ­ரு­கின்­றது.

இது தொடர்பில் கருத்து வெளியிட்­டுள்ள கூட்­ட­மைப்பின் பாரா­ளு­மன்ற உறு­ப்­பினர் மாவை சேனா­தி­ராஜா மனித உரிமை அலு­வ­ல­கத்தின் அறிக்கை தாம­தப்­ப­டுத்­தப்­பட் வெளியி­டப்­ப­டு­வதை தாங்கள் எதிர்ப்­ப­தா­கவும் அறிக்கை முன்னர் தீர்­மா­னிக்­கப்­பட்ட நிலை­யி­லேயே வெளியா­க­வேண்டும் என்றும் குறிப்பிட்டிருந்தார்.

இது இவ்வாறு இருக்க ஐ.நா மனித உரிமைகள் பேரவையில் இலங்கைக்கு எதிரான யுத்த குற்ற விசாரணை அறிக்கையை சமர்பிப்பதில் எந்தவித மாற்றங்களும் இல்லை எனவும் தகவல்கள் வந்து  கொண்டிருக்கின்றன. விசாரணை அறிக்கை எதிர்வரும் மார்ச் மாதம் 25ம் திகதி ஐ.நா மனித உரிமைகள் பேரவையில் சமர்பிக்கப்படவுள்ளது.

அந்த செயற்பாட்டு அட்டவணை நிகழ்சசி நிரலில் இதுவரை எந்த மாற்றமும் செய்யப்படவில்லை. எனவே அறிக்கை வெளியிடப்படுவதற்கு இன்னும் ஒரு மாத காலமே எஞ்சியுள்ள நிலையில் அந்த நிகழ்சசி நிரலில் இதுவரை மாற்றம் வரவில்லை என்பது குறிப்பிடத்தக்கது.

http://www.tamilwin.com/show-RUmtyCSaKdex0.html