கட்டுநாயக்காவில் கைதான ஜேர்மன் தமிழர்களை தெரிகிறதா…??

வலி.வடக்கு பிரதேசசபை நீதிமன்றக்காவலில்….

February 13, 20158:23 pm

கூட்டமைப்பு சார்பு வலி.வடக்கு பிரதேச சபை தவிசாளர் சுகிர்தன் இன்று இரு மணிநேரம் நீதிமன்றக் காவலில் வைக்கப்பட்டுள்ளார். இன்று மல்லாகம் நீதிமன்றில் ஆஜராக விடுக்கப்பட்ட பணிப்பினையடுத்து சமூகமளித்திருந்த நிலையினிலேயே இரண்டு மணிநேரம் நீதிமன்றக்காவலில் வைக்கப்பட்டார். பின்னர் நீதிமன்றத்தால் கடுமையாக எச்சரிக்கை செய்யப்பட்டார்.

நீதிமன்ற உத்தரவை மீறி மக்களுக்கு கழிவு ஒயில் கலந்த நீர் தொடர்ச்சியாக விநியோகிக்கப்பட்டால் நீதிமன்ற அவமதிப்பாக கருதப்பட்டு சிறைத்தண்டனைக்கு உள்ளாக வேண்டி வரும் என்றும் நீதிபதியால் கடுமையாக அவர் எச்சரிக்கப்பட்டார்.

கழிவு ஓயில் கலந்த குடிநீரால் பாதிக்கப்பட்ட மக்களிற்கு மாற்றீடாக குடிநீர் வழங்குவதாக தெரிவத்து அதே கழிவு ஓயில் கலந்த குடிநீரை மக்களிற்கு சுகிர்தன் விநியோகித்து வந்திருந்தார்.இதையடுத்து சுகாதார துறையால் செய்யப்பட்ட முறைப்பாட்டையடுத்தே நீதிமன்று அவரை இன்று எச்சரித்துள்ளது.

http://www.jvpnews.com/srilanka/97433.html

கட்டுநாயக்காவில் கைதான ஜேர்மன் தமிழர்களை தெரிகிறதா…??

February 14, 201512:13 am

தாயகத்திலிருந்து ஜேர்மனுக்கு திரும்புவதற்காக விமான நிலையத்திற்குச் சென்ற புலம்பெயர் தமிழர் ஒருவரும், அவருடன் சென்ற யாழ்ப்பாணத்தைச் சேர்ந்த இளைஞர் ஒருவரும் புலனாய்வுப் பிரிவினரால் கைது செய்யப்பட்டுள்ளனர்.

இவர்கள் இருவரும் கட்டுநாயக்க சர்வதேச விமான நிலையத்தில் வைத்து ஸ்ரீலங்கா புலனாய்வுப் பிரிவினரால் நேற்று கைது செய்யப்பட்டுள்ளனர். இதற்கு முன்னர் வெளிநாடுகளில் இருந்து தாயகம் திரும்பிய நிலையில் மட்டக்களப்பு மாவட்டத்தைச் சேர்ந்த ஈழத்தமிழர்கள் இருவர் புலனாய்வுப் பிரிவினரால் கைது செய்யப்பட்டிருந்தனர்.

அவர்களிடம் தொடர்ந்தும் விசாரணைகள் நடத்தப்பட்டுவரும் நிலையில் தற்போது மேலும் இரண்டு ஈழத்தமிழர்கள் கட்டுநாயக்கவில் கைது செய்யப்பட்டுள்ளனர். சிங்கப்பூருக்குச் சென்று அதனூடாக ஜேர்மன் செல்லவிருந்த தமிழர் ஒருவரும், அவருடன் சென்ற யாழ்ப்பாணத்தைச் சேர்ந்த 25 வயதுடைய இளைஞருமே இவ்வாறு கைது செய்யப்பட்டுள்ளனர்.

வடக்கு, கிழக்கு இளைஞர்களை ஐரோப்பிய நாடுகளுக்கு செல்வதற்காக போலி ஆவணங்களை தயாரிக்கும் முயற்சிகளில் இவர்கள் ஈடுபட்டதாக குற்றம் சுமத்தப்பட்டுள்ளது. இந்த நிலையில் குற்றப் புலனாய்வுப் பிரிவினர் தற்போது விசாரணைகளை மேற்கொண்டு வருகின்றனர்.

http://www.jvpnews.com/srilanka/97449.html