யுத்த வலயத்தில் பாலியல் வன்முறை தடுக்கும் மகாநாட்டில் பங்குபற்ற இலங்கைக்கு அழுத்தம்

அரசைக் கவிழ்க்க இடமளியோம்: மகிந்தர் பதறல்

அரசாங்கங்கள் கவிழ்க்கப்படலாம். மக்களுக்கு விருப்பம் இல்லை என்றால் அரசாங்கங்கள் கவிழ்க்கப்படத்தான் வேண்டும். ஆனால் அது பலாத்காரத்தினால் அதைச் செய்ய அனுமதிக்க முடியாது. – இவ்வாறு கூறியிருக்கின்றார் ஜனாதிபதி மஹிந்த ராஜபக்‌ஷ. இலங்கை மத்திய வங்கியின் கடந்த வருடத்துக்கான அறிக்கையை இன்று வெளியிட்டு வைத்து உரையாற்றிய போதே அவர் இப்படித் தெரிவித்திருக்கின்றார்.

அரசாங்கத்தைக் கவிழ்ப்பது எப்படி என்பதைப் படிப்பதற்கு ஹவார்ட் போன்ற பல்கலைக்கழங்களுக்குச் செல்லத் தேவையில்லை. அதனை அறிய விரும்புபவர்கள் மெதமுலனைக்கு (ஜனாதிபதியின் சொந்த இடத்துக்கு) வந்தால் அரசாங்கத்தைக் கவிழ்க்கும் முறையைச் சொல்லித் தர முடியும். நாட்டின் பொருளாதாரமும் அரசும் கவிழும் என எதிரணி காத்திருக்கின்றது. ஆனால் அது நடக்காது. வேலையில்லலாப் பிரச்சினை 4.4 வீதமாகக் குறைந்துள்ளது. சில நிறுவனங்கள் இந்தியாவிலிருந்தும் குவைத்திலிருந்து வேலையாட்களைக் கூட்டி வர விரும்பின. ஆனால் நான் அதற்கு இடம் கொடுக்கவே இல்லை. நாட்டின் தற்போதைய அபிவிருத்திப் போக்கு 2040 ஆம் ஆண்டு – அதையும் தாண்டி 2050 ஆம் ஆண்டு – வரையும் கூட இதேபோன்று தாக்குதல் பிடித்து முன்னேறும். – என்றார் அவர். -

http://www.jvpnews.com/srilanka/65087.html

யுத்த வலயத்தில் பாலியல் வன்முறை தடுக்கும் மகாநாட்டில் பங்குபற்ற இலங்கைக்கு அழுத்தம்

யுத்த வலயங்களில் பாலியல் வன்முறைகளை தடுப்பது தொடர்பிலான சர்வதேச மாநாட்டில் இலங்கை பங்கேற்க வேண்டும் என பிரித்தானியா கோரியுள்ளது. எதிர்வரும் ஜூன் மாதம் நடைபெறவுள்ள இந்த மாநாட்டில் இலங்கை பங்குபற்றும் என எதிர்பார்ப்பதாக பிரித்தானிய வெளிவிவகார அமைச்சர் வில்லியம் ஹேக் தெரிவித்துள்ளார்.

மாநாட்டில் பங்கேற்குமாறு இலங்கையை வலியுறுத்தவில்லை எனவும், பங்கேற்குமாறு ஊக்கப்படுத்துவதாகவும் அவர் குறிப்பிட்டுள்ளார். யுத்த வலயங்களில் பாலியல் வன்முறைகளைத் தடுக்கும் பிரகடனத்தில் 143 நாடுகள் இதுவரையில் கைச்சாத்திட்டு;ளளதாகத் தெரிவித்துள்ளார். அண்மைய தசாப்தங்களில் இடம்பெற்ற பிரச்சினைகள் காணரமாக இலங்கை இந்த விடயத்தில் கவனம் செலுத்துவது பொருத்தமாக இருக்கும் என கருதுவதாகத் தெரிவித்துள்ளார்.

http://www.jvpnews.com/srilanka/65083.html