தேவிகனுக்கு தமிழகத்திலும் தொடர்பாம்…

மது போதையில் மாணவர்கள் கைது

மாணவர்கள் நீண்ட காலமாகவிருந்தே தத்தமது பெற்றோரிடம் பொய் கூறி மேலதிக வகுப்புகளுக்கென்று பதுளை ஓயா ஆற்றங்கரைக்கு வந்து, மது அருந்துவதாக ஆரம்ப விசாரணைகளில் இருந்து தெரிய வந்ததாக பொலிஸார் மேலும் தெரிவித்துள்ளனர்.

பதுளை ஓயா ஆற்றுக்கருகாமையில் மது அருந்திக் கொண்டிருந்த நான்கு மாணவர்களை பதுளை பொலிஸார் கைது செய்துள்ளனர். பதுளையிலுள்ள பிரபல பாடசாலையொன்றின் உயர்வகுப்பு மாணவர்களே நேற்று திங்கட்கிழமை இவ்வாறு கைது செய்யப்பட்டுள்ளதாக பொலிஸார் தெரிவித்துள்ளனர்.

குறித்த மாணவர்கள் மேலதிக வகுப்புகளுக்காக பதுளை நகருக்கு வந்து பதுளை ஓயா ஆற்றிற்கருகாமையில் மது அருந்திக் கொண்டிருப்பதாக பதுளை பொலிஸாருக்கு கிடைக்கப்பெற்ற தகவலொன்றினையடுத்து ஸ்தலத்திற்கு விரைந்த பொலிஸார் இம் மாணவர்களை கைது செய்துள்ளனர்.

http://www.jvpnews.com/srilanka/67577.html

தேவிகனுக்கு தமிழகத்திலும் தொடர்பாம்…

முக்கிய அரசியல் தலைவர்களை படுகொலை செய்யும் திட்டத்தை கோபி முன்னெடுத்திருந்தார் என்று பயங்கரவாத ஒழிப்பு தொடர்பான நிபுணத்துவ பேராசிரியர் ரொஹான் குணரட்ன தெரிவித்துள்ளார். தமிழீழ விடுதலைப் புலிகள் இயக்கத்தை மீள ஒருங்கிணைக்கும் நோக்கில் செயற்பட்டதாக குற்றம்சுமத்தப்பட்ட கோபி உள்ளிட்ட மூன்று பேர் அண்மையில் படையினரால் சுட்டுக் கொலை செய்யப்பட்டிருந்தனர்.

இவர்களில் கோபி என்பவர் முக்கிய அரசியல் தலைவர்களை படுகொலை செய்யத் திட்டமிட்டிருந்தார் என பேராசிரியர் ரொஹான் குணரட்ன தெரிவித்துள்ளார். தமிழீழ விடுதலைப் புலிகளின் தலைவர் வேலுப்பிள்ளை பிரபாகரனின் உத்தரவிற்கு அமைய தேவிகன் என்பவர் தமிழகத்திற்கு தப்பிச் சென்றதாகவும் அவர் குறிப்பிட்டுள்ளார். இவர் ஓர் புலனாய்வுப் பிரிவு உறுப்பினர் எனவும், விமானங்கள் தொடர்பிலான நிபுணத்துவ அறிவு கொண்டவர் எனவும் அவர் தெரிவித்துள்ளார். தேவிகன் தமிழகத்தில் யார் யாருடன் தொடர்புகளைப் பேணினார் என்பது குறித்து அந்நாட்டு அரசாங்கம் விசாரணை நடத்த வேண்டியது அவசியமானது என ரொஹான் குணரட்ன தெரிவித்துள்ளார்.

http://www.jvpnews.com/srilanka/67528.html