இலங்கை நிலவரம்: பிரித்தானியா தொண்டு நிறுவனங்களோடு பேச்சுவார்த்தை !

பிஷ்வாலுக்கும் புலம்பெயர் தமிழர்களுக்கும் இடையில் விசேட சந்திப்பு !

29 April, 2014 by admin

தென் மற்றும் மத்திய ஆசியாவிற்கான அமெரிக்க துணை ராஜாங்கச் செயலாளர் நிஸா பிஷ்வாலுக்கும், புலம்பெயர் தமிழர்களுக்கும் இடையில் விசேட சந்திப்பொன்று நடைபெறவுள்ளது. இன்றைய தினம் அமெரிக்காவில் இந்த சந்திப்பு நடைபெறவுள்ளது. பயங்கரவாத நடவடிக்கைகைள மீளவும் தூண்டும் முனைப்புக்களில் புலம்பெயர் அமைப்புக்கள் ஈடுபட்டு வருவதாகத் தெரிவித்து இலங்கை அரசாங்கம் சில புலம்பெயர் அமைப்புக்களையும் தனிப்பட்ட நபர்களையும் தடை செய்துள்ளமை குறிப்பிடத்தக்கது.

இந்த விடயங்கள் மற்றும் தமிழ் மக்களுக்கான தீர்வுத் திட்டம், நல்லிணக்கம் போன்ற விவகாரங்கள் குறித்து பேசப்படும் என எதிர்பார்க்கப்படுகிறது. இதேவேளை, பிஷ்வால், அமெரிக்காவிற்கான இலங்கைத் தூதுவர் ஜாலிய விக்ரமசூரியவுடனும் பிரிதொரு சந்திப்பினை நடாத்த உள்ளதாகத் தெரிவிக்கப்படுகிறது. மனித உரிமை விவகாரங்கள் தொடர்பில் இந்த சந்திப்பில் கவனம் செலுத்தப்பட உள்ளதாகத் தெரிவிக்கப்படுகிறது.

யுத்தம் இடம்பெற்ற காலத்தில் இலங்கையில் பாலியல் வன்கொடுமைகள் இடம்பெற்றதாக அண்மையில் ஐக்கிய நாடுகள் அமைப்ப அறிக்கை வெளியிட்டிருந்தமை குறிப்பிடத்தக்கது. இவ்வாறான ஓர் பின்னணியில் பிஷ்வால், ஜாலியவை சந்திக்க உள்ளார்.

http://www.athirvu.com/target_news.php?getnews=news&action=fullnews&showcomments=1&id=6754

இலங்கை நிலவரம்: பிரித்தானியா தொண்டு நிறுவனங்களோடு பேச்சுவார்த்தை !

29 April, 2014 by admin

இலங்கை விவகாரம் குறித்து பிரித்தானியாவிற்கும்; தன்னார்வ தொண்டு நிறுவனங்களுக்கும் இடையில் பேச்சுவார்த்தை நடத்தப்பட்டுள்ளது. பிரித்தானிய வெளிவிவகார அமைச்சர் ஹியூகோ ஸ்வெயார், தன்னார்வ தொண்டு நிறுவனங்களை சந்தித்து பேச்சுவார்த்தை நடத்தியுள்ளார். ஐக்கிய நாடுகள் மனித உரிமைப் பேரவையில் தீர்மானம் நிறைவேற்றப்பட்டதன் பின்னரான நிலைமைகள் குறித்து இந்தப் பேச்சுவார்த்தைகளின் போது கவனம் செலுத்தப்பட்டுள்ளது.

தன்னார்வ தொண்டு நிறுவனங்களுடனான சந்திப்பு ஆக்கபூர்வமாக அமைந்தது என ஸ்வெயார் தெரிவித்துள்ளார். குற்றச் செயல்கள் தொடர்பில் சர்வதேச சுயாதீன விசாரணப் பொறிமுறைமை ஒன்று உருவாக்கப்பட வேண்டுமென வலியுறுத்தி ஐக்கிய நாடுகள் மனித உரிமைப் பேரவையில் தீர்மானம் நிறைவேற்றப்பட்டிருந்தமை குறிப்பிடத்தக்கது.

http://www.athirvu.com/target_news.php?getnews=news&action=fullnews&showcomments=1&id=6755