விமானப் பணிப் பெண்ணிடம் சேட்டை செய்த நபர் கைது!

பொதுபல சேனாவை தடைசெய்ய கோருவதா - தவ்ஹித் ஜமாத் மீது பாயும் ஜாதிக ஹெல உறுமய

[ புதன்கிழமை, 30 ஏப்ரல் 2014, 06:23.14 AM GMT ]

பொதுபல சேனா அமைப்பை தடைசெய்ய வேண்டும் என தவ்ஹித் ஜமாத் அமைப்பு விடுத்துள்ள கோரிக்கையை வன்மையாக கண்டிப்பதாக ஜாதிக ஹெல உறுமய தெரிவித்துள்ளது.

இவ்வாறான கருத்துக்கள் மூலம் பௌத்த மக்களின் உரிமைகளுக்காக குரல் கொடுக்கும் அமைப்புகளை ஸ்தம்பிக்கச் செய்து, பௌத்தர்களை ஆத்திரமூட்டுவதே தவ்ஹித் ஜமாத் அமைப்பின் நோக்கம்.

சம்பிரதாயபூர்வமான முஸ்லிம் மக்களுக்கு பாரிய அச்சுறுத்தலையும் மோதலான நிலைமையையும் ஏற்படுத்த அந்த அமைப்பு முயற்சித்து வருகிறது.

பௌத்த அமைப்புகளை தடை செய்யுமாறு கருத்துக்களை முன்வைத்து, பௌத்த சமூகத்திற்குள் சிக்கலான நிலைமையை ஏற்படுத்த முயற்சிக்க வேண்டாம் என தவ்ஹித் ஜமாத் அமைப்பிடம் கோரிக்கை விடுப்பதாகவும் ஜாதிக ஹெல உறுமய குறிப்பிட்டுள்ளது.

http://www.tamilwin.com/show-RUmsyEQULYnq2.html

விமானப் பணிப் பெண்ணிடம் சேட்டை செய்த நபர் கைது

[ புதன்கிழமை, 30 ஏப்ரல் 2014, 06:51.43 AM GMT ]

இத்தாலியின் ரோம் நகரில் இருந்து கொழும்பு வந்த விமானத்தின் பணிப்பெண்ணின் கடமைகளுக்கு தடையேற்படுத்திய துனீசிய பிரஜை ஒருவர் கைது செய்யப்பட்டுள்ளார்.

விமானத்தின் தலைமை பணிப்பெண்ணினால் கைது செய்யப்பட்ட இந்த நபர் கட்டுநாயக்க விமான நிலைய பொலிஸாரிடம் ஒப்படைக்கப்பட்டுள்ளார்.

கைது செய்யப்பட்டுள்ள நபர் சட்ட வைத்திய அதிகாரியின் மருத்துவப் பரிசோதனைக்கு உட்படுத்தப்பட்ட பின்னர், நீதிமன்றத்தில் ஆஜர்ப்படுத்தப்பட்டு பிணையில் விடுவிக்கப்பட்டுள்ளதுடன் அவரது கடவுச்சீட்டை பொலிஸார் கைப்பற்றியுள்ளனர்.

வர்த்தக நடவடிக்கை ஒன்றுக்காக இலங்கை வந்துள்ள இந்த நபர், பிணையில் விடுவிக்கப்பட்ட பின்னர், கொழும்பில் உள்ள துனீசிய தூதரக அலுவலகத்தில் ஒப்படைக்கப்பட்டுள்ளார்.

சம்பவம் குறித்து விமான நிலைய பொலிஸார் விசாரணைகளை நடத்தி வருகின்றனர்.

http://www.tamilwin.com/show-RUmsyEQULYnq4.html