இலங்கை அகதியின் கோரிக்கையை நிராகரித்த அவுஸ்திரேலிய நீதிமன்றம்

இலங்கை உறவுகள் மேலும் வலுவடையும் – அவுஸ்திரேலியா குடிவரவு அமைச்சர்

இலங்கையுடனான உறவுகள் மேலும் வலுவடையும் என அவுஸ்திரேலியா நம்பிக்கை வெளியிட்டுள்ளது. சட்டவிரோத ஆட்கடத்தல் நடவடிக்கைகளுக்கு எதிரான நடவடிக்கைகளில் இரு நாடுகளும் கை கோர்த்துக் கொண்டுள்ளதாக குடிவரவு அமைச்சர் ஸ்கொட் மொரிசன் தெரிவித்துள்ளார். சட்டவிரோத ஆட்கடத்தல் நடவடிக்கைகளை தடுப்பதற்கு எடுக்கப்பட்ட முனைப்புக்களைப் போன்றே எல்லை தாண்டிய குற்றச் செயல்களை தடுக்கவும் முனைப்பு காட்ட வேண்டியது அவசியமானது என அவர் தெரிவித்துள்ளார்.

சட்ட ரீதியான முறையில் அவுஸ்திரேலியாவிற்குள் பிரவேசிக்கும் இலங்கையர்களின் எண்ணிக்கையில் அதிகரிப்பு பதிவாகியுள்ளதாகத் தெரிவித்துள்ளார். இது ஓர் ஆரோக்கியமான மாற்றம் என அவர் சுட்டிக்காட்டியுள்ளார். அவுஸ்திரேலியாவிற்குள் பிரவேசிக்க நியாயமான காரணங்கள் இருந்தால் அவர்களுக்கு நிச்சமாக சந்தர்ப்பம் வழங்கப்படும் எனவும், ஆபத்தான கடல் வழியப் பயணங்களை தெரிவு செய்வதனை தவிர்க்க வேண்டுமெனவும் அவர் குறிப்பிட்டுள்ளார். சட்டவிரோத ஆட்கடத்தல் நடவடிக்கைகளை தடுக்க இலங்கை அரசாங்கம் ஒத்துழைப்பு வழங்கி வருவதாகத் தெரிவித்துள்ளார்.

http://www.jvpnews.com/srilanka/66587.html

இலங்கை அகதியின் கோரிக்கையை நிராகரித்த அவுஸ்திரேலிய நீதிமன்றம்

இலங்கை அகதியின் கோரிக்கையை நீதிமன்றம் நிராகரித்துள்ளது. தாம் இந்தியப் பிரஜை எனவும், தனது மகனுக்கு எதிரான வழக்கினை தள்ளுபடி செய்யுமாறும் குறித்த நபர் மனுவில் கோரியிருந்தார். 1946ம் ஆண்டு வெளிநாட்டவர் சட்டத்தின் கீழ் வழக்கை தள்ளுபடி செய்யுமாறு கோரியிருந்தார். இலங்கை அகதிகளை வெளிநாட்டவர் சட்டத்தின் கீழ் விடுதலை செய்ய முடியாது என உயர் நீதிமன்றம் அறிவித்துள்ளது.

1974ம் ஆண்டு இலங்கை இந்திய உடன்படிக்கையின் அடிப்படையில் தாம் இந்திய குடியுரிமைப் பெற்றுக்கொண்டதாகவும் பின்னர் யாழ்ப்பாணத்தில் வசித்து வந்ததாகவும் தெரிவித்துள்ளார். 1996ம் ஆண்டு யுத்தம் காரணமாக இந்திய கடவுச் சீட்டு எதுவுமின்றி இந்தியாவிற்குள் பிரவேசித்ததாகக் குறிப்பிட்டுள்ளார்.இந்தியாவிற்குள் பிரவேசித்த தம்மை பல்வேறு அகதி முகாம்களில் தங்க வைத்திருந்ததாகவும் தெரிவித்துள்ளார்.

குறித்த நபரின் புதல்வர் அவுஸ்திரேலியாவிற்கு ஆட்களை அனுப்பி வைப்பதாகத் தெரிவித்து நிதி மோசடியில் ஈடுபட்ட குற்றச்சாட்டின் பேரில் கைது செய்யப்பட்டுள்ளார்.வெளிநாட்டவர் சட்டத்தின் கீழ் மகனை விடுதலை செய்யுமாறு கோரிய போதிலும் நீதிமன்றம் இந்த கோரிக்கையை ஏற்றுக்கொள்ளவில்லை.

http://www.jvpnews.com/srilanka/66591.html