ஐ.நா படிவத்துடன் ஒருவர் அதிரடிக் கைது

மகிந்தரின் அழைப்பு பழைய பல்லவி செல்வராசா எம்.பி

October 25, 20148:55 pm

அரசாங்கத்துடன் இணைந்து கொள்ளுமாறு தமிழ்த் தேசியக் கூட்டமைப்புக்கு ஜனாதிபதி மீண்டும் அழைப்பு விடுத்திருப்பது, பாடிய பாட்டையே மீண்டும் பாடிக் கொண்டிருப்பதற்கு ஒப்பானது என்று நாடாளுமன்ற உறுப்பினர் பொன். செல்வராசா தெரிவித்துள்ளார். இன்று நாடாளுமன்றத்தில் உரையாற்றிய அவர், அரசாங்கத்தினால் உருவாக்கப்பட்டுள்ள நாடாளுமன்றத் தெரிவுக்குழு மற்றும் அதற்கான அழைப்பு ஆகியன தொடர்பான தமிழ்த் தேசியக் கூட்டமைப்பின் நிலைப்பாடு மிகத் தெளிவாகவே அறிவிக்கப்பட்டு விட்டது.

இந்தநிலையில் வரவு செலவுத் திட்ட உரையில் ஜனாதிபதி மீண்டும் அழைப்பு விடுத்திருப்பது பாடிய பாட்டையே மீண்டும் பாடிக்கொண்டிருப்பதற்கு ஒப்பானது. தமிழர் தொடர்பாக ஏதாவதொன்றை கூறிவிட வேண்டும் என்பதற்காக இந்த கருத்துக்கள் முன்வைக்கப்பட்டிருக்கின்றன. யுத்தத்தால் பாதிக்கப்பட்டவர்கள், இடம்பெயர்ந்தவர்கள் மற்றும் மீள்குடியேற்றப்பட்டவர்கள் தொடர்பாக அவர் எதுவும் கூறாதது கவலையளிக்கின்றது என்றும் அவர் குறிப்பிட்டார்.

http://www.jvpnews.com/srilanka/84975.html

ஐ.நா படிவத்துடன் ஒருவர் அதிரடிக் கைது

October 26, 20147:41 am

ஐ.நா. மனித உரிமைகள் பேரவையின் விசாரணைக்கு அனுப்புவதற்கான படிவத்தை பொதுமக்களுக்கு விநியோகம் செய்தார் என்ற குற்றச்சாட்டில் கிளிநொச்சி கிராஞ்சியை சேர்ந்த 58 வயதுடைய சின்னத்தம்பி கிருஸ்ணன் என்பவர் இராணுவ புலனாய்வாளர்களால் நேற்று சனிக்கிழமை 5 மணியளவில் கைது செய்யப்பட்டுள்ளார்.

மேற்படி நபர் கிளிநொச்சி இரணைமாதா நகரில், ஐ.நா. விசாரணை படிவங்களை விநியோகம் செய்துகொண்டிருந்தபோது கைது செய்யப்பட்டுள்ளார்.

கிளிநொச்சி இராணுவ புலனாய்வாளர்கள் அலுவலகத்தில் வைத்து மேற்படி நபரை விசாரணை செய்து வருவதாக தகவல்கள் கிடைத்துள்ளதாக அவருடைய உறவினர்கள் தெரிவித்தனர்.

http://www.jvpnews.com/srilanka/84992.html