இந்திய பிரஜை கட்டுநாயக்க விமான நிலையத்தில் உயிரிழப்பு- ஆசிரியையை கொலை செய்த மாணவன் கைது

மத்திய கிழக்கு நாடொன்றில் இருந்து ஸ்ரீலங்கன் விமானத்தில் கட்டுநாயக்க விமான நிலையத்திற்கு இன்று காலை வந்த இந்திய பிரஜை ஒருவர் உயிரிழந்துள்ளார்.

தம்மானில் இருந்து இவர் கட்டுநாயக்க விமான நிலையத்திற்கு வந்தடைந்துள்ளார்.

51 வயதான மொஹமட் நவாஸ் என்ற இந்த இந்திய பிரஜை திருச்சி நோக்கி செல்வதற்கு காத்திருந்த போது ஏற்பட்ட திடீர் சுகவீனம் காரணமாகவே அவர் உயிரிழந்துள்ளார்.

வைத்தியசாலைக்கு கொண்டு செல்லும் வழியில் அவர் உயிரிழந்துள்ளதாக கட்டுநாயக்க விமான நிலைய பொலிசார் தெரிவித்துள்ளனர்.

ஆசிரியையை துஷ்பிரயோகம் செய்து கொலை செய்த மாணவன் கைது

கண்டி பேராதனை கிரிபத்கும்புர பிரதேசத்தில் முன் பள்ளி ஆசிரியையை கொலை செய்த பாடசாலை மாணவன் கைது செய்யப்பட்டுள்ளார்.

முன்பள்ளி ஆசிரியையுடன் ஏற்பட்ட வாக்குவாதம் முற்றியதால் இந்த கொலை சம்பவம் நடந்துள்ளதாக பொலிசார் தெரிவித்துள்ளனர்.

ஆசிரியை திட்டியதால் ஆத்திரமடைந்த மாணவன், ஆசிரியையை துஸ்பிரயோகத்திற்க்கு உட்படுத்தி பின்னர் கொலை செய்துள்ளார்.

74 வயதான ஆசிரியையே இவ்வாறு கொலை செய்யப்பட்டுள்ளதுடன் சம்பவம் தொடர்பில் 17 வயதுடைய மாணவன் கைது செய்யப்பட்டுள்ளார்.

சம்பவம் குறித்து பேராதனை பொலிசார் விசாரணைகளை மேற்கொண்டு வருகின்றனர்.

http://www.tamilwin.com/show-RUmszARdKXkp5.html