[ புதன்கிழமை, 26 நவம்பர் 2014, 05:32.02 AM GMT ]
இந்த செய்தியாளர் மாநாட்டில், 231ஆவது படைப்பிரிவின் கட்டளை தளபதி பிரிகேடியர் பாலித பெர்னாண்டோ, 232ஆவது படைப்பிரிவின் கட்டளை தளபதி கேணல் ரவீந்திர டயஸ், 233ஆவது படைப்பிரிவின் கட்டளை தளபதி பிரிகேடியர் நந்தன கத்துருசிங்க ஆகியோரும் கலந்து கொண்டனர்.
அவர் மேலும் தெரிவிக்கையில்,
இராணுவத்தினர் யுத்தத்தில் போரிடுவதற்கு மாத்திரமல்ல, இன்னும் பல விடயங்களும் அவர்களுக்கு உள்ளன.
இராணுவத்தினால் பல்வேறுபட்ட அபிவிருத்திகளும் மக்கள் நலன் சார்ந்த வேலைகளும் செய்யப்பட்டு வருகின்றன.
அத்துடன், இராணுவத்தின் ஏனைய விடயங்களையும் காண்பிப்பதற்காகவே இந்த சாகச நிகழ்வுகள் ஏற்பாடு செய்யப்பட்டுள்ளன.
கிழக்கு மாகாணத்தின் மட்டக்களப்பு மாவட்டத்தில் முதன்முறையாக நடைபெறும் இக்கண்காட்சியை முற்றிலும் இலவசமாக சகல மக்களும் பார்வையிடுவதற்கான ஏற்பாடுகள் செய்யப்பட்டுள்ளன.
இக்கண்காட்சி இரண்டு தினங்களும் பிற்பகல் 2 மணிமுதல் இரவு 6 மணிவரையிலும், இரவு இசை நிகழ்ச்சிகளும் நடைபெறும் வண்ணம் ஏற்பாடுகள் செய்யப்பட்டுள்ளன.
இந்த சாகச நிகழ்வுகளில் 2000 இராணுவ சிப்பாய்களின் பங்குபற்றலுடன் இராணுவ அணிவகுப்பு, விமானத்திலிருந்து பறக்கும் பரசூட் குடை சாகசம், மோட்டார் சைக்கிள் சாகசம், நாயின் வேடிக்கை விளையாட்டு, இராணுவ வாகனங்கள், ஆட்லறி அணியினரின் காட்சி, தீப்பந்தத்துக்குள் பாய்தல், கலாச்சார இசை நிகழ்ச்சிகள் மற்றும் துணிச்சல் மிகு சாகச நிகழ்ச்சிகள் என பல நடாத்துவதற்கான ஏற்பாடுகள் செய்யப்பட்டுள்தாகவும் அவர் தெரிவித்தார்.
பாடசாலை மாணவர்கள் பார்ப்பதற்கான போக்குவரத்து வசதிகளும் செய்து கொடுக்கப்படும்.
எனவே பார்வையாளர்கள் இச்சந்தர்ப்பத்தை தவறவிட வேண்டாம் என கேட்டுக்கொண்டார்.
சிவில் சமூகத்திற்கு இராணுவம் பற்றிய அச்சம் இல்லாமல் செய்வதே எமது நோக்கமாகும். நாங்கள் மக்களுடன் நெருங்கி வருகின்றோம்.
அவர்களுக்கான தேவைகளை மனிதாபிமான நோக்கில் இனங்கண்டு செயலாற்ற காத்திருக்கின்றோம் எனவும் கூறியதுடன் இராணுவத்தில் தமிழ், முஸ்லிம்கள் இணைந்து கொள்ள வேண்டும்.
அதற்கான வாய்ப்புக்கள் தொடர்ந்தும் வழங்கப்பட்டு கொண்டுள்ளன.
இராணுவத்தின் வாகனப்பழுதுபார்த்தல், குழாய் போறுத்துதல், மேசன், வாகன ஓட்டுனர், மரவேலைகள் செய்தல், உள்ளிட்ட பல்வேறுபட்ட வேலைகளுக்கும் பிரிவுகளுக்கும் ஆட்கள் தேவைப்படுகிறார்கள்.
அதே நேரத்தில் இராணுவத்தினரின் இசைக்குழுவிலும் இணைந்து கொள்ளமுடியும்.
இதற்கு விசேடமான தமிழ் பாரம்பரிய கலைகள், பாடல் திறமைகள் உள்ளவர்கள் இணைக்கப்படுகிறார்கள்.
மட்டக்களப்பு மாவட்டத்தை பொறுத்தவரையில், இங்கு இணைந்து கொள்பவர்கள் தங்களுடைய மாவட்டங்களிலேயே பணி செய்வதற்கு வாய்ப்பு வழங்கப்படுகிறது.
பெண்கள் காலையில் தொழிலுக்கு வந்து மாலையில் வீடு செல்லமுடியும்.
இதே போன்றதொரு வாய்ப்பு ஹம்பாந்தோட்டையைச் சேர்ந்தவருக்குக் கிடைப்பதில்லை எனவும் கேட்டுக் கொண்டார்.
இம்மாதம் 29,30 ஆம் திகதிகளில், மட்டக்களப்பு கல்லடி சிவானந்தா தேசியப் பாடசாலை விளையாட்டு மைதானத்தில் நடைபெறவுள்ள இலங்கை இராணுவத்தினரின் சாகச, களியாட்ட நிகழ்வுகளில் முதல் நாள் நிகழ்வில், பொருளாதாரப் பிரதி அமைச்சர் எம்.எல்.ஏ.எம்.ஹிஸ்புல்லா பிரதம அதிதியாகவும், கௌரவ அதிதியாக முன்னாள் முதலமைச்சர் சி.சந்திரகாந்தனும் கலந்து கொள்ளவுள்ளனர்.
அத்துடன், அரசாங்க அதிபர் திருமதி பி.எஸ்.எம்.சார்ள்ஸ், பிரதேச செயலாளர்கள், திணைக்களத் தலைவர்களும் கலந்து கொள்ளவுள்ளனர்.
அதே நேரம், இரண்டாம் நாள் நிகழ்வில், உற்பத்திதிறன் ஊக்குவிப்பு அமைச்சர் பசீர் சேகுதாவூத் பிரதம அதிதியாகவும் சிறப்பு அதிதியாக மீள்குடியேற்ற பிரதி அமைச்சர் வி.முரளிதரனும் கலந்து கொள்ளவுள்ளனர் என்றும் கட்டளைத் தளபதி தெரிவித்தார்.
மட்டு.வவுணதீவுப்பகுதியில் கஞ்சா தோட்டங்கள் கண்டுபிடிப்பு: இருவர் கைது
மட்டக்களப்பு மாவட்டத்தின் வவுணதீவு பிரதேசத்தின் வயல் பகுதியில் கஞ்சா தோட்டங்கள் செய்துவந்த இருவரை கொக்கட்டிச்சோலை பொலிசார் கைதுசெய்துள்ளனர்.
கொக்கட்டிச்சோலை பொலிஸாருக்கு கிடைக்கப்பெற்ற தகவலின் அடிப்படையில் சென்ற பொலிஸார் இவர்களை கைதுசெய்துள்ளனர்.
இதன்போது 66 கஞ்சா செடிகள் மீட்கப்பட்டதாகவும் வயல் பகுதியிலேயே இவை நடப்பட்டிருந்ததாகவும் கொக்கட்டிச்சோலை பொலிசார் தெரிவித்தனர்.
கன்னங்குடாவில் உள்ள வயல்வெளியில் இருந்தே இந்த கஞ்சா தோட்டங்கள் கண்டுபிடிக்கப்பட்டதாகவும் இதன்போது கன்னங்குடாவை சேர்ந்த சின்னத்தம்பி வைரமுத்து என்பவரின் தோட்டத்தில் இருந்து 47 கஞ்சா செடிகளும் கந்தையா சித்திரவேல் என்பவரின் தோட்டத்தில் இருந்து 19 செடிகளும் கைப்பற்றப்பட்டதாகவும் தெரியவந்துள்ளது.
கைது செய்யப்பட்டவர்களை நீதிவான் நீதிமன்றில் ஆஜர்படுத்திய நிலையில் இருவரையும் எதிர்வரும் தை மாதம் 26 ஆம் திகதி வரையில் விளக்கமறியலில் வைக்குமாறு நீதவான் உத்தரவிட்டுள்ளார்.
இது தொடர்பிலான விசாரணைகளை கொக்கட்டிச்சோலை பொலிசார் மேற்கொண்டுவருகின்றனர்.
http://www.tamilwin.com/show-RUmszBRaKYet7.html
முகாமில் துப்பாக்கி சூடு அதிரடிப்படை வீரர் மரணம்!
[ புதன்கிழமை, 26 நவம்பர் 2014, 05:52.47 AM GMT ]
இந்த சம்பவம் நேற்றிரவு நடந்துள்ளது.குறித்த முகாமில் பணியாற்றிய 24 வயதான பொலிஸ் கான்ஸ்டபள் ஒருவரே சம்பவத்தில் இறந்துள்ளார்.
முகாமின் காவலரணில் கடமையில் ஈடுபட்டிருந்த மற்றுமொரு அதிரடிப்படை வீரர் இந்த துப்பாக்கி பிரயோகத்தை மேற்கொண்டுள்ளார்.
சம்பவம் தொடர்பாக தெனியாய பொலிஸார் விசாரணைகளை மேற்கொண்டு வருகின்றனர்.
http://www.tamilwin.com/show-RUmszBRaKYeu0.html
குழந்தைக்கு விஷம் கொடுத்து தானும் தற்கொலை செய்ய முயற்சித்த தந்தை
[ புதன்கிழமை, 26 நவம்பர் 2014, 05:55.56 AM GMT ]
விஷம் கொடுக்கப்பட்ட குழந்தை பெரிய பண்டி விரிச்சான் வைத்தியசாலையில் அனுமதிக்கப்பட்ட பின் உயிரிழந்துள்ளது.
ஒன்றரை வயதான குழந்தையே இவ்வாறு உயரிழந்துள்ளது. விஷம் அருந்தியவர் குழந்தையின் தந்தை எனவும் அவர் பெரிய பண்டிவிரிச்சான் வைத்தியசாலை அனுமதிக்கப்பட்டு, மேலதிக சிகிச்சைக்காக மன்னார் வைத்தியசாலைக்கு மாற்றப்பட்டுள்ளார்.
இறந்து போன குழந்தையின் தாய் சில மாதங்களுக்கு முன்னர் விஷம் அருந்தி தற்கொலை செய்து கொண்டதாக பொலிஸார் தெரிவித்தனர்.
இந்த மரணத்தால் ஏற்பட்ட மன உளைச்சல் காரணமாக தந்தை குழந்தைக்கு விஷத்தை கொடுத்து கொலை செய்து விட்டு தானும் தற்கொலை செய்ய முயற்சித்துள்ளதாகவும் பொலிஸார் கூறினர்.
சம்பவம் குறித்து மடு பொலிஸார் விசாரணைகளை மேற்கொண்டு வருகின்றனர்.
http://www.tamilwin.com/show-RUmszBRaKYeu1.html
மைத்திரிபால அரசியல் மனித வெடி குண்டு: தேசிய சுதந்திர முன்னணி
[ புதன்கிழமை, 26 நவம்பர் 2014, 06:12.50 AM GMT ]
மைத்திரிபால சிறிசேன பொது வேட்பாளராக போட்டியிடுவதில் இருந்து விலகி தனது சகோதரரின் அரிசி அலையில் அரிசி குத்திக்கொண்டோ அல்லது மண் அகழ்ந்து கொண்டு வாழ்வது நாட்டுக்கு மிகப் பெரிய நன்மையாக அமையும் என அந்த கட்சியின் அரசியல் சபை உறுப்பினர் பியசிறி விஜேநாயக்க கூறியுள்ளார்.
மேற்குலக சார்பு கொண்ட சதிகாரர்களுடன் கூட்டு சேர்ந்துள்ள சிறிசேன, இன்று நாட்டுக்கு அரசியல் மனித வெடி குண்டை கொண்டு வந்துள்ளார்.
விடுதலைப் புலிகளின் பயங்கரவாததத்தை முற்றாக ஒழித்த நாட்டில் உருவாகும் இவ்வாறான அரசியல் சதிகார மனித வெடி குண்டை வெடிக்க செய்து மீண்டும் நாட்டை அராஜக நிலைக்கு கொண்டு செல்ல நாட்டில் உள்ள முற்போக்கு சக்திகளும் தேசிய சக்திகளும் எந்த விதத்திலும் இடமளிக்க போவதில்லை எனவும் விஜேநாயக்க குறிப்பிட்டுள்ளார்.
கொழும்பில் அண்மையில் நடைபெற்ற செய்தியாளர் சந்திப்பொன்றில் அவர் இதனை கூறியுள்ளார்.
http://www.tamilwin.com/show-RUmszBRaKYeu2.html
சுதந்திரக்கட்சியின் செயலாளர் நானே! நடக்க வேண்டியவை உரிய நேரத்தில் நடைபெறும்!- மைத்திரிபால சிறிசேன
[ புதன்கிழமை, 26 நவம்பர் 2014, 06:21.04 AM GMT ]
ஆளும் தரப்பிலிருந்து என்னுடன் இணைவதாகக் கூறிய அமைச்சர்கள், பாராளுமன்ற உறுப்பினர்கள் எங்கே என்று சிலர் கேள்வி எழுப்பி வருகின்றனர். விடியும் போது நல்ல நல்ல விளையாட்டுக்களை காணமுடியும் என்றே அவர்களுக்கு நான் பதில் சொல்ல வேண்டியுள்ளது. நடக்க வேண்டியவை சரியான நேரத்துக்கு நடைபெறும் என்றும் அவர் சுட்டிக்காட்டினார்.
ஹொரகொல்லையிலுள்ள பண்டாரநாயக்காவின் சமாதிக்கு நேற்று விஜயம் செய்த எதிரணியின் பொது வேட்பாளர் மைத்திரிபால சிறிசேன அங்கு மலரஞ்சலி செலுத்தினார். இதன்போது முன்னாள் ஜனாதிபதி சந்திரிகா குமாரதுங்க, முன்னாள் பிரதியமைச்சர் எம்.கே.டி.எஸ். குணவர்தன உட்பட பலரும் கலந்து கொண்டிருந்தனர்.
பண்டாரநாயக்காவின் சமாதிக்கு அஞ்சலி செலுத்திய மைத்திரபால சிறிசேன ஊடகவியலாளரிடம் கருத்து தெரிவிக்கையில்,
எதிர்வரும் நாட்களில் ஜனாதிபதி தேர்தலுக்காக வேட்புமனுவினை தாக்கல் செய்யவுள்ளேன். பண்டாரநாயக்காவின் ஜனன தினமான ஜனவரி 8ம் திகதி நடைபெறும் தேர்தலில் வெற்றி பெற்று பண்டாரநாயக்க வழியில் செயற்படுவேன்.
சிறிமாவோ பண்டாரநாயக்க காலத்தில் 17 வயது இளைஞனாக வாக்குப் பலம் இன்றியிருந்த காலத்திலேயே எனக்கு ஸ்ரீலங்கா சுதந்திரக் கட்சியில் உறுப்புரிமை கிடைத்தது. கட்சியில் எனக்கு 47 வருடகால அனுபவம் உள்ளது.
எதிர்க்கட்சித் தலைவர் ரணில் விக்கிரமசிங்க, முன்னாள் ஜனாதிபதி சந்திரிகா குமாரதுங்க உள்ளிட்ட தலைவர்கள் குழுவினர் விடுத்த அழைப்பின் பேரில் பொது வேட்பாளராக களமிறங்கியுள்ளேன். நாட்டின் தேசிய எதிர்பார்ப்புக்களை ஈடுசெய்வதற்காகவே இந்த முடிவினை எடுத்துள்ளேன்.
நான் ஐக்கிய தேசியக் கட்சியுடனோ அல்லது வேறு கட்சியுடனோ இணையவில்லை. பொது வேட்பாளராக பொது எதிரணியில் போட்டியிடுகின்றேன். கூட்டணி அரசியல் எனக்கு புதிய விடயமல்ல.
என்னோடு இணைவதாகக் கூறிய அமைச்சர்கள், எம்பிக்கள் எங்கே என்று சிலர் கேள்வி எழுப்பி வருகின்றனர். விடியும் போது நல்ல நல்ல விளையாட்டுக்களை காண முடியும் என்றே அவர்களுக்கு நான் பதில் சொல்ல வேண்டியுள்ளது. நடக்க வேண்டியவை உரிய நேரத்தில் நடைபெறும்.
நான் தற்போது ஸ்ரீலங்கா சுதந்திரக் கட்சியின் உறுப்பினராகவும் பொதுச் செயலாளராகவும் இருக்கின்றேன். என்னை கட்சி உறுப்புரிமை மற்றும் பொதுச் செயலாளர் பதவியிலிருந்து நீக்கப்பட்டதாக கூறிய போதும் அவை சட்டரீதியில் நடைபெறவில்லை என்று தெரிவித்துள்ளார்.
http://www.tamilwin.com/show-RUmszBRaKYeu3.html
Geen opmerkingen:
Een reactie posten