மன்னார் கடற்பரப்பில் கைதான இந்திய மீனவருக்கு விளக்கமறியல் நீடிப்பு

கஞ்சா கடத்திய பொலிஸ் உத்தியோகத்தர் கல்முனையில் அகப்பட்டார்

August 08, 20147:49 am

நீண்டகாலமாக கல்முனை பிரதேசத்தில் கஞ்சா கடத்தலில் ஈடுபட்டு வந்த பொலிஸ் உத்தியோகத்தர் ஒருவர் நேற்று இரவு கல்முனை பொலிஸாரால் கைது செய்யப்பட்டுள்ளார் . இவரைக் கைது செய்யும் போது இவரிடம் இரண்டு கிலோ கஞ்சா இருந்துள்ளது. இவர் உகண பிரதேசத்தை சேர்ந்த பெரும்பான்மை இனத்தைச் சேர்ந்தவர் என்று தெரிவிக்கப்பட்டது.

நீண்டகாலமாக இந்த கஞ்சா கடத்தல் மற்றும் விற்பனையில் ஈடுபட்ட இவர், நாட்டின் பல இடங்களில் கைதுசெய்யப்பட்டு நீதிமன்றத்தால் குற்றஞ்சாட்டப்பட்டு பொலிஸ் பதவியில் இருந்து இடைநிறுத்தப்பட்டவர் என்றும் ஆரம்ப விசாரணைகளிலிருந்து தெரியவந்துள்ளது. இவர் நேற்று இரவு அம்பாறையில் இருந்து சாய்ந்தமருது பிரதேசத்துக்கு வந்தபோதே கல்முனை பொலிஸ் நிலையப் பொறுப்பதிகாரி ஏ.டபிள்யூ.ஏ.கப்பார் தலைமையிலான பொலிஸ் குழுவினர் இவரைக் கஞ்சாவுடன் கைதுசெய்தனர்.

கல்முனை, சாய்ந்தமருது, மருதமுனை பிரதேசங்களில் கடந்த ஐந்து வருடங்களுக்கும் மேலாக இவர், கஞ்சா கடத்தல் தொழிலில் ஈடுபட்டு வந்துள்ளார் என்பது தெரியவந்துள்ளது. கைதுசெய்யப்பட்ட இவர் கல்முனை நீதிவான் நீதிமன்றில் முன்னிலைப்படுத்தப்படவுள்ளார். 

http://www.jvpnews.com/srilanka/78885.html

தொண்டைமானாறில் இளைஞர் மீது தாக்குதல்

August 08, 20147:52 am

தொண்டைமனாறு, மயிலியதனைப் பகுதியில் வைத்து இளைஞர் ஒருவர் இனந்தெரியாதவர்களால் தாக்கப்பட்டு படுகாயமடைந்தார். நேற்று வியாழக்கிழமை இரவு 7 மணிக்கு இடம்பெற்ற இச்சம்பவத்தில் அதே இடத்தைச் சேர்ந்த ரஞ்சன் ரமணன் (வயது 26) என்ற இளைஞனே இவ்வாறு படுகாயமடைந்தார்.

நான்கு பேர் கொண்ட இனந்தெரியாத குழுவினரே தாக்குதல் மேற்கொண்டனர் எனத் தெரிவிக்கப்பட்டது. கழுத்திலும் கால்களிலும் காயமடைந்த இவர், வல்வெட்டித்துறை ஊறணி வைத்தியசாலையில் சேர்க்கப்பட்டு மேலதிக சிகிச்சைக்காக பருத்தித்துறை ஆதார வைத்தியசாலைக்கு அனுப்பிவைக்கப்பட்டார். இது தொடர்பாக வல்வெட்டித்துறைப் பொலிஸார் விசாரணைகளை மேற்கொண்டு வருகின்றனர்.

http://www.jvpnews.com/srilanka/78888.html

மன்னார் கடற்பரப்பில் கைதான இந்திய மீனவருக்கு விளக்கமறியல் நீடிப்பு

August 08, 20148:02 am

மன்னார் கடற்பரப்பில் கடந்த 21ஆம் திகதி அத்துமீறி நுழைந்து மீன்பிடியில் ஈடுபட்ட குற்றச்சாட்டில் கைது செயப்பட்டு ஏற்கனவே விளக்கமறியலில் வைக்கப்பட்டிருந்த 20 இந்திய மீனவர்களுக்கும் மீண்டும் விளக்கமறியல் நீடிக்கப்பட்டுள்ளது.

தமிழக மீனவர்களும் 20 பேரும் இன்று வெள்ளிக்கிழமை மன்னார் நீதிமன்றில் முற்படுத்தப்பட்டனர். வழக்கை விசாரித்த நீதிவான் இவர்களை எதிர்வரும் 22ஆம் திகதி வரை விளக்கமறியலில் வைக்குமாறு உத்தரவிட்டார். 

http://www.jvpnews.com/srilanka/78891.html