புலிகளின் ஆயுத விபரங்களை வெளியிட வேண்டாம்: ராஜதந்திரிகள் கோரினர்

தமிழகத்தில் ஆதரவு வீழ்ச்சி மனோ சாடல்…

August 01, 20147:37 am

தமிழகத்தில் தமிழ்த் தேசியக் கூட்டமைப்பு கட்சிக்கான ஆதரவு வீழ்ச்சியடைந்துள்ளதாக ஜனநாயக மக்கள் முன்னணியின் தலைவர் மனோ கணேசன் தெரிவித்துள்ளார். குறிப்பாக தமிழகத்தில் உள்ள தேசியாவத கட்சிகளின் ஆதரவில் சரிவு ஏற்பட்டு ள்ளதாகத் தெரிவித்துள்ளார். இந்திய விஜயத்தை முடித்துக் கொண்டு நாடு திரும்பியதன் பின்னர் அவர் இதனைத் தெரிவித்துள்ளார்.

தமிழ்த் தேசியக் கூட்டமைப்பு பிரிவினைவாத கொள்கைகளை முன்னெடுத்து வருவதாகவே ஊடகங்களும், பிரதான அரசியல்வாதிகளும் கருதுகின்றனர் என அவர் சுட்டிக்காட்டியுள்ளார். பிரிவினைவாத கோட்பாடுகளுக்கு ஆதரவளிக்க தமிழக அரசியல்வாதிகள் தயக்கம் காட்டி வருவதாகத் தெரிவித்துள்ளார்.

உள்நாட்டு ரீதியில் பிரிவினைவாதத்தை கைவிட்டுள்ளதாக தமிழ் தேசியக் கூட்டமைப்பு அறிவித்துள்ள போதிலும் இந்திய அரசியலவாதிகளுக்கு அந்த செய்தி வெளிப்படுத்தப்படவில்லை என அவர் சுட்டிக்காட்டியுள்ளார். இலங்கை தமிழர் தொடர்பில் இந்தியாவின் தெளிவற்ற தன்மைக்கு இலங்கை அரசாங்கமும் காரணமாகும் என அவர் தெரிவித்துள்ளார்.

தமிழர் பிரச்சினைக்கு காத்திரமான தீர்வுத் திட்டமொன்றை முன்வைக்க அரசாங்கம் இதுவரையில் நடவடிக்கை எடுக்கவில்லை எனவும், இந்திய அரசியல்வாதிகளின் நிலைப்பாடும் இதுவாகவே அமைந்துள்ளது எனவம் அவர் குறிப்பிட்டுள்ளார்.

ராஜபக்ஷ அரசாங்கம் தூய சிங்கள தேசமொன்றை உருவாக்க முயற்சிக்கும் அதேவேளை, தமிழ்த் தேசியக் கூட்டமைப்பு பிரிவினைவாதத்தை முன்னெடுத்து வருவதாகவும் அவர் தெரிவித்துள்ளார். இவ்வாறான நிலைமைகள் சர்வதேச ரீதியில் குழப்பங்களை ஏற்படுத்தும் எனவும், இது எவருக்கும் நன்மையை ஏற்படத்தாது எனவும் அவர் தெரிவித்துள்ளார்.

http://www.jvpnews.com/srilanka/78099.html

புலிகளின் ஆயுத விபரங்களை வெளியிட வேண்டாம்: ராஜதந்திரிகள் கோரினர்

August 01, 20147:41 am

யுத்தத்தின் போது தமிழீழ விடுதலைப் புலிகள் பயன்படுத்திய ஆயுதங்கள் தொடர்பிலான தகவல்களை வெளியிட வேண்டாம் என சில ராஜதந்திரிகள் கோரியிருந்தனர் என ஊடக அமைச்சர் கெஹலிய ரம்புக்வெல்ல தெரிவித்துள்ளார். அரசாங்கத் தகவல் திணைக்களத்தில் அமைச்சரவை தீர்மானங்களை அறிவிக்கும் நோக்கில் நடைபெற்ற ஊடகவியலாளர் சந்திப்பில் பங்கேற்ற போது அவர் இதனைத் தெரிவித்துள்ளார்.

தமிழீழ விடுதலைப் புலிகள் வெளிநாட்டு ஆயுங்களைப் பயன்படுத்தியிருந்தனர் என அவர் குறிப்பிட்டுள்ளார். தமிழீழ விடுதலைப் புலிகளின் பதுங்கு குழிகள் மற்றும் முகாம்களிலிருந்து மீட்கப்பட்ட ஆயதங்களின் மூலம் இந்த விடயம் அம்பலமாகியது என அவர் தெரிவித்துள்ளார்.

இவ்வாறு மீட்கப்பட்ட ஆயுதங்கள் தொடர்பிலான தகவல்களை ஊடகங்களில் வெளியிட வேண்டாம் என சில வெளிநாட்டு ராஜதந்திரிகள் கோரியிருந்தனர் என அவர் குறிப்பிட்டுள்ளார். தன்னார்வ தொண்டு நிறுவனங்களின் ஊடாக இவ்வாறான ஆயதங்களை புலிகள் பெற்றுக்கொண்டிருந்தனர் என அவர் சுட்டிக்காட்டியுள்ளார்.

http://www.jvpnews.com/srilanka/78102.html