வட்டரக்க விஜித தேரர் மீது இனந்தெரியாத நபர்கள் தாக்குதல்

கொட்டகலையில் மோட்டார் சைக்கிளில் சுற்றித் திரிந்த ஆறுமுகன் தொண்டமான்

[ வியாழக்கிழமை, 19 யூன் 2014, 12:48.15 PM GMT ]

அமைச்சர் ஆறுமுகன் தொண்டமான் தனது சொந்த இடமான கொட்டகலை பிரதேசத்தில் தனது பரிவாரங்களுடன் மோட்டார் சைக்கிளை ஒட்டிச் சென்றுள்ளார்.

நாட்டின் சட்டத்திற்கு தான் அடிபணிந்தவர் அல்ல என்பதை காட்டும் வகையில் தலைக்கவசம் அணியாது அவர் மோட்டார் சைக்கிளை ஓட்டிச் சென்றிருக்கலாமோ என்று இதனைக் கண்ட பிரதேச வாசிகள் தெரிவித்தனர்.

அமைச்சர் தொண்டமானுக்கு எதிராக நுவரெலியா மாவட்ட வைத்திய அதிகாரிகள் நேற்று அடையாள வேலை நிறுத்தம் ஒன்றை மேற்கொண்டனர்.

தொண்டமான், கொட்டகலை வைத்திய அதிகாரிக்கு அச்சுறுத்தல் விடுத்தார் என்ற காரணத்தின் அடிப்படையில் இந்த அடையாள வேலை நிறுத்தம் முன்னெடுக்கப்பட்டது.

இதற்கு தீர்வு காணப்படவில்லை என்பதால், வைத்திய அதிகாரிகள் தொடர்ந்தும் வேலை நிறுத்தத்தில் ஈடுபட்டுள்ளனர்.

http://www.tamilwin.com/show-RUmsyGSdLahr1.html

வட்டரக்க விஜித தேரர் மீது இனந்தெரியாத நபர்கள் தாக்குதல்

[ வியாழக்கிழமை, 19 யூன் 2014, 04:27.00 AM GMT ]

தேசிய பலசேனா அமைப்பின் தலைவர் வட்டரக்க விஜித தேரர் மீது தாக்குதல் நடத்தப்பட்டுள்ளது.

இனந்தெரியாத நபர்கள், விஜித தேரரை கடத்திச் சென்று தாக்கியுள்ளனர்.

பாணந்துறை ஹிரனம பாலத்திற்கு அருகாமையில் விஜித தேரர் கை, கால்கள் கட்டப்பட்ட நிலையில் கண்டுபிடிக்கப்பட்டுள்ளார்.

தேரரின் தேசிய அடையாள அட்டை அருகாமையில் இருந்து மீட்கப்பட்டுள்ளது.

சம்பவத்தில் காயமடைந்த விஜித தேரர், கொழும்பு தேசிய வைத்தியசாலையில் அனுமதிக்கப்பட்டு சிகிச்சை பெற்று வருகிறார்.

தேசிய வைத்தியசாலையில் தீவிர சிகிச்சைப் பிரிவில் சிகிச்சை பெற்று வரும் தேரரிடம், தற்போது வாக்கு மூலம் பெற்றுக்கொள்ள முடியாது என பொலிஸார் தெரிவித்துள்ளனர்.

http://www.tamilwin.com/show-RUmsyGSdLaix3.html