மகிந்தவைச் சந்திக்க UN முக்கியஸ்தர்களுக்கு அனுமதி மறுப்பு! ஆரம்பமானது முறுகல்

திருமலை முஸ்லீம் வர்தக நிலையம்மீது தாக்குதல்

திருகோணமலை பேருந்து நிலையத்தின் அருகில் உள்ள முஸ்லீம் வர்த்தக நிலையம் ஒன்றின்மீதே சற்று முன்னர் தாக்குதல் நடத்தப்பட்டதாக அங்குள்ள எமது செய்தியாளர் தெரிவித்தார்.

இன்று இரவு 10.20 அளவில் இந்த அசம்பாவிதம் நடைபெற்றுள்ளது. மதுபோதையில் வந்த சில பொரும்பான்மையினத்தவர்கள் குறித்தவர்த்தக நிலையத்தை தாக்கியுள்ளனர்.

மதுபோதையில் வந்த பொரும்பான்மையினத்தவர்கள் சிலர் முஸ்லீம் உணவகத்திற்குள் நுழைந்து முரண்பாடுகளை தோற்றுவித்து வர்த்தக நிலையத்தில் உள்ள பொருட்களுக்கு சேதம் விளைவித்தனர்.

http://www.jvpnews.com/srilanka/74030.html

மஹிந்தவிற்கு 38 ஆலோசகர்கள்: 4,14,00824.81 ரூபா செலவு

ஜனாதிபதிக்கு ஆலோசனைகள் வழங்குவதற்கென அங்கீகரிக்கப்பட்ட 38 ஆலோசகர்கள் இருப்பதாகவும் இந்த ஆலோசகர்களுக்கென கடந்த மூன்று வருடங்களில் மட்டும் 4,14,00824.81 ரூபா செலவு ஏற்பட்டதென அரச தரப்பின் பிரதம கொறடாவும் அமைச்சருமான தினேஸ் குணவர்த்தன தெரிவித்தார்.

பாராளுமன்றத்தில் வெள்ளிக்கிழமை இடம்பெற்ற வாய்மூல விடைக்கான வினாவின் போது ஜனநாயக தேசியக் கூட்டணி எம்.பி.அநுரகுமார திஸாநாயக்க எழுப்பிய ஜனாதிபதியின் ஆலோசகர்கள் தொடர்பான வினாவுக்கு பதிலளிக்கையிலேயே இவ்வாறு தெரிவித்தார் அமைச்சர் தினேஸ் குணவர்த்தன.

http://www.jvpnews.com/srilanka/74035.html

மகிந்தவைச் சந்திக்க UN முக்கியஸ்தர்களுக்கு அனுமதி மறுப்பு! ஆரம்பமானது முறுகல்

போரின் போது இடம்பெற்ற மீறல்கள் குறித்த ஐ.நா விசாரணை ஆரம்பிக்கப்படவுள்ள நிலையில், சிறிலங்காவின் தற்போதைய மனித உரிமைகள் மற்றும் அரசியல் நிலைமைகள் குறித்து உயர்மட்ட அதிகாரிகள், அமைச்சர்களுடன் பேச்சு நடத்துவதற்காகவே இவர்கள் சிறிலங்காவுக்கு பயணம் மேற்கொண்டுள்ளனர்.

ஐ.நாவின் அரசியல் விவகாரங்களுக்கான உதவிச்செயலர் ஒஸ்கார் பெர்னான்டஸ் தரங்கோ, மற்றும் அமெரிக்க இராஜாங்கத் திணைக்களத்தின், தெற்காசியாவுக்கான பிரதி உதவிச்செயலர் அதுல் கெசாப் ஆகியோர், சிறிலங்காவில் உயர்மட்டப் பேச்சுக்களை நடத்தி வருகின்றனர்.

இவர்கள் இருவரும் தனித்தனியாகவே சிறிலங்கா பயணத்தை மேற்கொண்டுள்ளனர்.

ஐ.நாவின் அரசியல் விவகாரங்களுக்கான உதவிச்செயலர், தரங்கோ, சிறிலங்கா அதிபர் மகிந்த ராஜபக்சவை சந்தித்துப் பேசுவதற்கு, விருப்பம் வெளியிட்டுள்ள போதிலும், இதுவரை அதற்கான அனுமதி வழங்கப்படவில்லை என்று தகவல்கள் தெரிவிக்கின்றன.

எனினும், அவர், சிறிலங்கா பாதுகாப்புச் செயலர் கோத்தாபய ராஜபக்ச, வெளிவிவகார அமைச்சர் ஜி.எல்.பீரிஸ், மற்றுமை தமிழ்த் தேசியக் கூட்டமைப்பு உள்ளிட்ட அரசியல் கட்சிகளின் தலைவர்களைச் சந்தித்துப் பேசுவதற்கு அனுமதி கிடைத்துள்ளது.

ஐ.நாவின் அரசியல் விவகாரங்களுக்கான உதவிச் செயலர் தரங்கோ யாழ்ப்பாணத்துக்குப் பயணம் மேற்கொண்டு வடக்கு மாகாண முதல்வர் சி.வி.விக்னேஸ்வரன் மற்றும் மாகாண ஆளுனர் சந்திரசிறி ஆகியோரைச் சந்திப்பார் என்று எதிர்பார்க்கப்படுகிறது.

நேற்றுக் காலை தொடக்கம் அவர் சந்திப்புகளை மேற்கொண்டு வருவதாக தகவல் வெளியிட்டுள்ள ஐ.நா வட்டாரங்கள், அதுபற்றிய விபரங்களை எதையும் வெளியிடவில்லை.

http://www.jvpnews.com/srilanka/74039.html