ஸ்டாலின் காட்டுத் தனமாக ஒருவரை போட்டு அடிக்கும் காட்சி: வைரலாக பரவி வருகிறது !

dmk by athirvu
சென்னை மெட்ரோ ரயிலில் திமுக பொருளாளர் ஸ்டாலின் இன்று பயணம் செய்தபோது, சக பயணி கன்னத்தில் அடித்ததை போன்ற வீடியோ, போட்டோக்கள் வெளியாகி பரபரப்பை ஏற்படுத்தியுள்ளன. சென்னையில், கோயம்பேடு-ஆலந்தூர் இடையே முதாலவது, மெட்ரோ ரயில் இயக்கம் இரு தினங்களுக்கு முன்பு தொடங்கப்பட்டது. இந்த திட்டம் திமுக ஆட்சி காலத்தில் தொடங்கப்பட்டது என்ற அடிப்படையிலும், மெட்ரோ ரயிலின் வசதிகள் குறித்து அறியவும் திமுக பொருளாளர் மு.க.ஸ்டாலின் இன்று கோயம்பேடு-ஆலந்தூர் இடையே பயணித்தார்.
முதல்வர் ஜெயலலிதாவே, இந்த திட்டத்தை நேரில் வந்து தொடங்கி வைக்காமல் வீடியோ கான்பரன்ஸ் வசதி மூலம் தொடங்கி வைத்த நிலையில், ஸ்டாலின் நேரில் சென்றதால் ஊடகங்கள் அதை மிகவும் முன்னிலைப்படுத்தி செய்தியாக காண்பித்தன. சில டிவி சேனல்கள் அவர் பயணத்தை லைவ் காண்பித்தன. அப்போது, 'தளபதி ஸ்டாலின் வாழ்க' என்று உடன் பயணித்த திமுக தொண்டர்கள் கோஷமிட்டபடி இருந்தனர். இந்நிலையில், ஸ்டாலின் அருகே ஒட்டினாற்போல நின்ற ஒரு வாலிபரை ஸ்டாலினுடன் வந்த திமுகவினர் தள்ளிப்போகுமாறு கூறினர். அவர் சற்று தயங்கியபோது, ஸ்டாலின் அந்த வாலிபரின் கன்னத்தில் தனது கையால் அறைந்து, தள்ளிப்போகுமாறு கூறுவது போல வீடியோவில் காட்சிகள் பதிவாகியுள்ளன.