தமிழர்களுக்கு இலங்கையை விட்டால் வேறு கதியில்லை மகிந்தர் நக்கல்

கொழும்பு செல்லக் காத்திருந்த பஸ் நொருங்கியது

September 02, 20148:13 am

யாழ். பண்ணை தனியார் பஸ் நிலையத்தில் இருந்து கொழும்பு செல்லத் தயாராக இருந்த பஸ் மீது நேற்றுமாலை கல் வீசித் தாக்குதல் நடத்தப்பட்டதில், பஸ்ஸின் கண்ணாடிகள் உடைந்ததுடன் அதில் பயணம் செய்வதற்காக ஏறியிருந்த பயணிகள் மூவரும் காயமடைந்தனர். அவர்கள் யாழ். போதனா வைத்தியசாலையில் சிகிச்சைக்காக சேர்க்கப்பட்டனர். கடந்த மூன்று நாள்களாக தொடரும் தனியார் பஸ் உரிமையாளர்களுக்கு இடையிலான தொழில் போட்டி காரணமாக இந்தச் சம்பவம் இடம்பெற்றுள்ளது.

சனிக்கிழமை தனியார் பஸ் ஒன்றின் மீது இடம்பெற்ற கல்வீச்சில் பெண் ஒருவர் காயம் அடைந்தார். அத்துடன் பஸ் வண்டியின் கண்ணாடிகளும் உடைந்துள்ளன. இதன் தொடர்ச்சியாக நேற்றுமுன்தினமிரவு பண்ணையில் இருந்து புறப்பட இருந்த பஸ்களை மறித்து, கொழும்பு பயணத்தை மேற்க்கொள்ள விடாது தடை செய்யக்கோரி வழித்தட அனுமதிப்பத்திரமற்றவர்கள் பஸ்களை வீதியின் குறுக்கே நிறுத்தி போராட்டம் ஒன்றை நடத்தினர். அதன் தொடர்ச்சியாக நேற்று பகல் யாழ்ப்பாணம் பொலிஸ் நிலையத்தில் தனியார் பஸ் உரிமையாளர்களுக்கும் பொலிஸ் உயர் அதிகாரிகளுக்கும் இடையே நடந்த கலந்துரையாடலைத் தொடர்ந்து யாழ்ப்பாணம் – கொழும்பு பாதையில் சேவையில் ஈடுபட்ட நாற்பது பஸ்களுக்கு அனுமதிப்பத்திரம் இன்றி சேவையில் ஈடுபடக் கூடாது என்ற அறிவுறுத்தல் பிறப்பிக்கப்பட்டிருந்தது.

இதன் எதிரொலியாக நேற்று மாலையில் பண்ணையில் இருந்து கொழும்பு நோக்கி புறப்படவிருந்த தனியார் பஸ் மீது கல்வீச்சு இடம்பெற்றுள்ளது இது சம்பந்தமாக யாழ்ப்பாணம் பொலிஸ் நிலையத்தில் செய்யப்பட்ட முறைப்பாட்டைத் தொடர்ந்து தனியார் பஸ் உரிமையாளர்கள் மூவரை பொலிஸார் தேடி வருகின்றனர் எனவும் பாதிக்கப்பட்டுள்ள பஸ் உரிமையாளர்கள் தெரிவித்தனர்.

http://www.jvpnews.com/srilanka/80878.html

தமிழர்களுக்கு இலங்கையை விட்டால் வேறு கதியில்லை மகிந்தர் நக்கல்

September 02, 20148:31 am

தமிழ் மக்களுக்கு எந்த நாடுகளும் தாயகம் அல்ல. னவே அவர்களை எவரும் பொறுப்பேற்கவும் மாட்டார்களென ஜனாதிபதி மஹிந்த ராஜபக்ஷ தெரிவித்தார். மொனராகலை பாலாறு விபுலானந்த தமிழ் மகா வித்தியாலயத்திற்கான மஹிந்தோதய விஞ்ஞான ஆய்வுகூடத்தை நேற்று திறந்து வைத்து உரையாற்றிய ஜனாதிபதி, தமிழ், சிங்களம், முஸ்லிம் என்ற பேதம் எம்மிடம் கிடையாது. நாம் அனைவரும் இலங்கையில் பிறந்தவர்கள். தமிழ் மக்களே நீங்களும் இந்த நாட்டில் பிறந்தவர்கள் தானே? வெளிநாட்டில் பிறக்கவில்லையே. இதுதான் நம் எல்லோருக்குமான நாடு. எமக்கு வேறு நாடு கிடையாது.

வேறு நாடுகள் தமிழ் மக்களைப் பாரமெடுக்கப் போவதுமில்லை. அதனை மனதிற்கொண்டு நாம் பிறந்த இந்த தாய்த் திருநாட்டை நாம் அனைவரும் இணைந்து பாதுகாக்க வேண்டும். அதற்காக பொறுப்பும் அனைவருக்கும் உள்ளது என்று தெரிவித்துள்ளார்.

http://www.jvpnews.com/srilanka/80883.html