யாழ்.கொக்குவில் பகுதியில் சந்தேகத்திற்கிடமாக நடமாடிய நபர் கைது !

யாழ். கொக்குவில் பிறவுண் வீதியில் சந்தேகத்திற்கிடமாக நடமாடியதாகக் கூறப்படும் இளைஞன் ஒருவரை நேற்று இரவு கைது செய்துள்ளதாக பொலிஸார் தெரிவித்தனர்.

அதே இடத்தினைத் சேர்ந்த ரஜேஸ்குமார் விஜிந்தன் (வயது 26) என்ற இளைஞனே கைது செய்யப்பட்டுள்ளதாக யாழ்.பொலிஸார் தெரிவித்தனர்.

நேற்று குறித்த பகுதியில் முச்சக்கரவண்டியொன்றுக்கு அருகில் 10 பேர் கொண்ட குழுவினர் நின்றுள்ளனர்.

இதேவேளை, அப்பகுதியில் ரோந்தில் ஈடுபட்ட பொலிஸாரைக் கண்டு அங்கு நின்றவர்களில் 9 பேர் தப்பியோடியேதாகவும்,  ஒருவரை மாத்திரமே கைது செய்ததாக பொலிஸார் கூறினர்.

குறித்த நபரை யாழ். நீதவான் நீதிமன்றில் ஆஜர்படுத்துவதற்கான நடவடிக்கைகளை மேற்கொண்டுள்ளதாகவும் பொலிஸார் தெரிவித்தனர்.

http://news.lankasri.com/show-RUmsyDRZLWkry.html