இராணுவத்தை தக்க வைக்கவே புலிப் பூச்சாண்டிக் காட்டுகின்றது அரசு:

எதிர்ப்புப் போராட்டங்களை எதிர்கொள்ளத் தயார்நிலையில் கொழும்பிலுள்ள அமெரிக்கத் தூதரகம்

அமெரிக்காவுக்கு எதிரான போராட்டங்கள் இந்தவாரம் தீவிரமடையலாம் என்பதால், கொழும்பிலுள்ள அமெரிக்கத் தூதரகம் தேவையான பாதுகாப்பு முன்னேற்பாடுகளை மேற்கொண்டுள்ளது. ஐ.நா மனிதஉரிமைகள் பேரவையில் அமெரிக்கா தலைமையிலான நாடுகளால் முன்வைக்கப்பட்டுள்ள சிறிலங்காவுக்கு எதிரான தீர்மானம் இந்தவாரம் வாக்கெடுப்புக்கு விடப்படவுள்ளது. இதனால், கொழும்பிலுள்ள அமெரிக்கத் தூதுரகத்துக்கு முன்பாக, எதிர்ப்புப் போராட்டங்கள் தீவிரமடையலாம் என்று எதிர்பார்க்கப்படுகிறது. இந்தநிலையில், இந்தவாரம் சிறப்புப் பாதுகாப்புக் கோரப்பட்டுள்ளதா என்று அமெரிக்கத் தூதரக ஊடக தகவல் அதிகாரி ஜுலியானா ஸ்பவனிடம் கேட்ட போது, “பாதுகாப்புக்குத் தேவையான நடவடிக்கைகள் தூதரகத்தினால் மேற்கொள்ளப்பட்டுள்ளதாகவும், பாதுகாப்பை உறுதிப்படுத்துவதில் சிறிலங்கா காவல்துறை ஒத்துழைப்பதாகவும் தெரிவித்துள்ளார். தூதரகப் பாதுகாப்புக்கு சிறிலங்கா காவல்துறையின் உதவி நாடப்படுவது வழக்கமான நடைமுறையே என்றும், அவர் கூறியுள்ளார். கடந்தவாரம் அமெரிக்காவுக்கு எதிரான மூன்று போராட்டங்கள் கொழும்பில் நடத்தப்பட்டது குறிப்பிடத்தக்கது.

23 Mar 2014 http://www.lankaroad.net/index.php?subaction=showfull&id=1395575202&archive=&start_from=&ucat=1& இராணுவத்தை தக்க வைக்கவே புலிப் பூச்சாண்டிக் காட்டுகின்றது அரசு: வடக்கில் நிலை கொண்டுள்ள இராணுவத்தை அங்கிருந்து வெளியேற்ற வேண்டுமென்ற கோரிக்கைகளும் அழுத்தங்களும் வலுவடைந்துள்ள நிலையில் அதனை தகர்த்தெறிந்து வடக்கில் தொடர்ந்தும் இராணுவத்தை நிலை நிறுத்திக் கொள்ளவே அரசாங்கம் புலி பூச்சாண்டி காட்டுகின்றதென தமிழ்த் தேசியக் கூட்டமைப்பின் நாடாளுமன்ற உறுப்பினர் செல்வம் அடைக்கல நாதன் குற்றம் சாட்டினார். புலிகள் இருக்கும் வரை அவர்களை வைத்து தென்னிலங்கையில் அரசியல் செய்தவர்கள் இன்று புலிகள் அழிந்தும் அவர்களின் நாமத்தை வைத்துக் கொண்டு தென்னிலங்கை மக்களை ஏமாற்றி அரசியல் செய்கின்றார்கள். எனவே அவர்களுக்கு தமிழ் மக்களின் பிரச்சினைகளைத் தீர்த்து வைக்க வேண்டுமென்ற எண்ணம் கடுகளவேனும் கிடையாது எனவும் தெரிவித்தார். இது தொடர்பில் அவர் மேலும் தெரிவித்ததாவது, புலிகளை முற்றாக அழித்துவிட்டதாக அரசாங்கமே நாடாளுமன்றத்தில் தெரிவித்திருந்தது. ஆனால் இன்று வடக்கில் மீண்டும் புலிகள் தலைத்தூக்கியுள்ளதாக புதியதொரு நாடகத்தை அரங்கேற்றியுள்ளது. எம்மை பொறுத்தவரை வடக்கில் புலிகள் இல்லை என்றே கூறுகின்றோம். வடக்கிலுள்ள இராணுவத்தை வெளியேற்றி சிவில் நிர்வாகத்தை உறுதிப்படுத்த வேண்டுமென்ற கோரிக்கைகள் சர்வதேச மட்டத்திலும் குறிப்பாக உள்நாட்டிலும் வலுவடைந்துள்ளன. அத்தோடு ஜெனீவா மனித உரிமை பேரவையிலும் இந்த விடயம் முக்கியத்துவம் பெற்றுள்ளது. எனவே வடக்கில் இராணுவத்தை வெளியேற்ற விரும்பாத இந்த அரசாங்கம் அங்கு மீண்டும் புலிகள் செயற்பட்டு வருவதாகக் காட்ட எத்தனிக்கின்றது. இதற்கு முன்னரும் கிரிஸ்பூதம் போன்ற நாடகத்தை நாட்டின் பல பாகங்களில் அரங்கேற்றியிருந்தமை யாவரும் அறிந்ததே. சர்வதேசத்தையும் நாட்டு மக்களையும் ஏமாற்றும் இந்த அரசாங்கத்தின் செயற்பாடுகளை இன்று எல்லோரும் நன்றாக அறிந்து வைத்துள்ளனர். ஆகையினால் இவர்களது இவ்வாறான செயற்பாடுகள் பலிக்கப்போவதில்லை. யுத்தம் முடிவடைந்து 5 வருடங்கள் கடந்துள்ள போதும் தமிழ் மக்களுக்கு எவ்வித தீர்வு திட்டங்களையும் இந்த அரசாங்கம் முன்வைக்கவில்லை. ஆனால் சர்வதேசத்தை ஏமாற்றுவதற்காக அவ்வப்போது பல தற்காலிக வேலைத்திட்டங்களை முன்வைத்து பின்னர் அவற்றை குப்பையில் போடுவதையே செய்துவந்துள்ளது. கற்றக்கொண்ட பாடங்களும் நல்லிணக்க ஆணைக்குழு என்ற ஒரு விடயத்தை இன்று பலர் மறந்து போயுள்ளார்கள். நல்லிணக்க ஆணைக்குழுவின் பரிந்துரைகளை நடைமுறைப்படுத்துமாறு ஐக்கிய நாடுகள் மனித உரிமை பேரவை வலியுறுத்தியிருந்த போதும் அரசாங்கம் அதனை செய்யாது தொடர்ந்தும் ஏமாற்றி வருகின்றது. அதேபோன்று ஜெனீவாவில் இலங்கைக்கு எதிராக வரவிருக்கும் அழுத்தங்களை குறைப்பதற்காக தற்போது ஜனாதிபதி ஆணைக்குழு அமைத்து காணாமல் போனோர் தொடர்பில் சாட்சியங்களை பெற்று வருகின்றது. இதுவும் வெறும் கண்துடைப்பு நாடகமே. 23 Mar 2014 http://www.lankaroad.net/index.php?subaction=showfull&id=1395577354&archive=&start_from=&ucat=1&