இலங்கைக்கு எதிராக தீர்மானம் நிறைவேற்றும் திட்டத்தில் மாற்றமில்லை – அமெரிக்கா!

இலங்கைக்கு எதிராக தீர்மானம் நிறைவேற்றும் தி;ட்டத்தில் மாற்றமில்லை என அமெரிக்கா அறிவித்துள்ளது. ஐக்கிய நாடுகள் மனித உரிமைப் பேரவை அமர்வுகளில் இலங்கைக்கு எதிராக தீர்மானம் நிறைவேற்றப்படும் என்பதனை அமெரிக்க ராஜாங்கத் திணைக்களப் பேச்சாளர் விக்டோரியா நூலாண்ட் தெரிவித்துள்ளார். வொசிங்டனில் நடைபெற்ற செய்தியாளர் சந்திப்பில் அவர் இதனைக் குறிப்பிட்டுள்ளார்.

இலங்கையில் இடம்பெற்ற அனைத்துலக மனிதாபிமான மற்றும் மனித உரிமைச்சட்டங்கள் மீறல்கள் குறித்து, ஆழ்ந்த கவலையடைவதாக சுட்டிக்காட்டியுள்ளார்.

நீண்டகாலப் பிரச்சினையாக உள்ள நல்லிணக்கம் மற்றும் குற்றச் செயல்களுக்கு தண்டனை விதித்தல் போன்ற விடயங்கள் தொடர்பில் இலங்கை அரசாங்கம் உரிய நடவடிக்கை எடுக்காதது குறித்து ஐ.நா மனிதஉரிமைகள் ஆணையாளர் நவனீதம்பிள்ளை வெளியிட்டுள்ள கருத்தை வரவேற்பதாக நூலாண்ட் தெரிவித்துள்ளார்.

http://www.jvpnews.com/srilanka/15338.html