வெசாக் தினத்தினை முன்னிட்டு நாடெங்கிலும் உள்ள சிறைச்சாலைகளில் இருந்து சிறு குற்றங்கள் செய்த சிறைக்கைதிகள் விடுதலை செய்யப்பட்டனர்.
ஜனாதிபதி மைத்திரிபால சிறிசேனவின் பணிப்புரைக்கமைய இந்த சிறைக்கைதிகளை விடுதலை செய்யும் நிகழ்வு இன்று காலை நடைபெற்றது.
மட்டக்களப்பு சிறைச்சாலையில் தடுத்து வைக்கப்பட்டிருந்த சிறு குற்றங்களில் ஈடுபட்ட 14 சிறைக்கைதிகள் இன்று விடுதலை செய்யப்பட்டனர்.
மட்டக்களப்பு சிறைச்சாலையின் ஆணையாளர் ஏ.பிரியங்கர ஆலோசனையின் கீழ் பிரதான ஜெயிலர் ஆர்.மோகனராஜாவின் தலைமையில் இந்த நிகழ்வு நடைபெற்றது.
வெசாக் தினத்தினை முன்னிட்டு இந்த சிறைக்கைதிகள் விடுதலை செய்யப்பட்டுள்ளதாக பிரதான ஜெயிலர் ஆர்.மோகனராஜா தெரிவித்தார்.
யாழ்.சிறையிலிருந்து 8 கைதிகள் விடுதலை
வெசாக் தினத்தை முன்னிட்டு யாழ்.சிறைச்சாலையில் சிறு குற்றங்களுக்காக தடுத்துவைக்கப்பட்டிருந்த 8 கைதிகள் இன்றைய தினம் விடுதலை செய்யப்பட்டிருக்கின்றனர்.
இன்றைய தினம் காலை 10 மணியளவில் குறித்த கைதிகள் யாழ்.பிரதான வீதியில் உள்ள சிறைச்சாலையிலிருந்து விடுவிக்கப்பட்டிருக்கின்றனர்.
Geen opmerkingen:
Een reactie posten