ஈழத் தமிழர்கள் நிலை என்னவாகும் ஹிலாரி கிளின்ரன் பதவி விலகவுள்ளார் !

அமெரிக்காவின் புதிய இராஜாங்கச்செயலர் பதவிக்கு ஜோன் கெரியின் பெயரை அமெரிக்க ஜனாதிபதி பராக் ஒபாமா பரிந்துரைத்துள்ளார். பராக் ஒபாமா இரண்டாவது பதவிக்காலத்துக்கும் ஜனாதிபதியாகத் தெரிவு செய்யப்பட்டபோதிலும், தற்போதைய இராஜாங்கச்செயலர் ஹிலாரி கிளின்ரன் தொடர்ந்து அந்தப்பதவியை வகிக் விரும்பவில்லை. இதையடுத்தே, அமெரிக்காவின் புதிய இராஜாங்க செயலராக ஜோன் கெரி நியமிக்கப்படவுள்ளதாக ஒபாமா நேற்று அறிவித்துள்ளார்.

ஜோன் கெரி அமெரிக்க செனட் சபையின் வெளிவிவகாரக் குழுவின் தலைவராகப் பதவி வகித்து வருகிறார். முன்னதாக, ஐ.நாவுக்கான அமெரிக்க தூதுவராக உள்ள சூசான் ரைஸ் இந்தப் பதவிக்கு நியமிக்கப்படலாம் என்று எதிர்பார்க்கப்பட்ட போதிலும், பெங்காசியில் அமெரிக்கத் தூதரகம் மீது நடத்தப்பட்ட தாக்குதல் தொடர்பான சர்ச்சையை அடுத்து, ஜோன் கெரி தெரிவு செய்யப்பட்டுள்ளார். ஹிலாரி கிளின்ரனின் பதவிக். காலத்தில் சிறிலங்கா தொடர்பாக அமெரிக்க இராஜாங்கத் திணைக்களம் இறுக்கமான போக்கை கடைப்பிடித்து வந்தது.

இந்தநிலையில், புதிய இராஜாங்கச் செயலராக நியமிக்கப்பட்டுள்ள ஜோன் கெரியின் அணுகுமுறை எத்தகையதாக இருக்கும் என்ற கேள்வி எழுந்துள்ளது.