லண்டனில் பட்டப்பகலில் இளைஞர் கத்தியால் தாக்கி படுகொலை: பீதியில் பொதுமக்கள்

லண்டனின் வட பகுதியில் அமைந்துள்ள Islington நகரில் பட்டப்பகலில் இளைஞர் ஒருவர் கத்தியால் தாக்கி படுகொலை செய்யப்பட்டுள்ள சம்பவம் அதிர்வலைகளை ஏற்படுத்தியுள்ளது.
லண்டனில் ஞாயிறன்று இலங்கையை சேர்ந்த தமிழர் அருனேஷ் தங்கராஜா மர்ம நபர்களால் கொல்லப்பட்ட நிலையில்,
இன்று மீண்டும் ஒரு இளைஞர் பட்டப்பகலில் கத்தியால் தாக்கப்பட்டு படுகொலை செய்யப்பட்டுள்ளார்.
தொடர்ந்து 4-வது நாளாக லண்டனில் 4 இளைஞர்கள் கத்தியால் தாக்குண்டு கொல்லப்பட்டுள்ளனர்.

சம்பவத்தை அடுத்து பொலிசாருக்கு தகவல் அளிக்கப்பட்டுள்ளது. குற்றுயிராக கிடந்த இளைஞரை மீட்ட பொலிசார் மற்றும் மருத்துவ உதவிக் குழுவினர் முதலுதவி அளித்துள்ளனர்.
ஆனால் காயங்கள் காரணமாக குறித்த இளைஞர் சம்பவயிடத்திலேயே மரணமடைந்துள்ளதாக தகவல் வெளியாகியுள்ளது.
குறித்த கொலை சம்பவம் தொடர்பில் இதுவரை எந்த கைது நடவடிக்கையும் மேற்கொள்ளப்படவில்லை.
கொல்லப்பட்ட இளைஞரை சேர்த்து இந்த ஆண்டில் மட்டும் லண்டன் நகரில் படுகொலை செய்யப்பட்டவர்களின் எண்ணிக்கை 66 என தெரிய வந்துள்ளது.
பெருநகர பொலிசாரும் நகர மேயரும் நிலைமை கட்டுக்குள் இருப்பதாகவும், அசம்பாவிதங்கள் நடந்தேறுவது பெருமளவில் குறைந்துள்ளது என தெரிவித்துள்ளது குறிப்பிடத்தக்கது.



http://news.lankasri.com/uk/03/179334?ref=ls_d_uk