அவுஸ்திரேலியாவில் இருந்து 15 இலங்கையர்கள் நாடு கடத்தல்

அவுஸ்திரேலியாவில் இருந்து 15 இலங்கையர்கள் நாடு கடத்தப்பட்டுள்ளனர்.

குறித்த 15 பேர் இன்று காலை கட்டுநாயக்க பண்டாரநாயக்க சர்வதேச விமான நிலையத்தை வந்தடைந்தனர்.

இவர்கள் சட்டவிரோதமாக அவுஸ்திரேலியாவுக்கு நுழைந்திருந்த சந்தர்ப்பத்தில், அந்த நாட்டு பாதுகாப்பு பிரிவினால் கைது செய்யப்பட்டனர்

இவ்வாறு கைது செய்யப்பட்ட அனைவரும் ஆண்களாகும். இவர்கள் அங்குள்ள தடுப்பு முகாம்களில் தடுத்து வைக்கப்பட்டிருந்தனர்.

15 பேரும் இன்று காலை 7.30 மணியளவில் அவுஸ்திரேலியாவுக்கு சொந்தமான SND1 ரக ஸ்கை ட்ரேடஸ் என்ற விசேட விமானத்தில் கட்டுநாயக்க விமான நிலையத்திற்கு அனுப்பப்பட்டுள்ளனர்.

கட்டுநாய்கக விமான நிலையத்தின் குடிவரவு குடியகல்வு அதிகாரிகளிடம் இவர்கள் ஒப்படைக்கப்பட்ட பின்னர்> விமான நிலைய குற்ற விசாரணை திணைக்கள அதிகாரிகளினால் வாக்குமூலம் ஒன்று பெற்றுக் கொள்ளப்பட்ட பின்னர் இவர்கள் விடுவிக்கப்படவுள்ளனர்.

http://www.tamilwin.com/community/01/154101